الموضوع: حماية mg3 من السرقة

هات اتنين قفل كاوتش واح امامى والتانى خلفى
هات كمان قفل للدركيون اللى بيمسك الطارة مع دوسة الفرامل
لو عرفت تعمل حلقة فى الارض وتثبيت العربية بجنزير فيها يكون افضل

المشاركة الأصلية كتبت بواسطة miam0502788391

هات اتنين قفل كاوتش واح امامى والتانى خلفى
هات كمان قفل للدركيون اللى بيمسك الطارة مع دوسة الفرامل
لو عرفت تعمل حلقة فى الارض وتثبيت العربية بجنزير فيها يكون افضل

شكرا جدا ... بس سؤال هو اصلا الكلبش بتاع الكاوتش ده كويس ولا اي كلام؟ اصل بحس انه اي كلام

المشاركة الأصلية كتبت بواسطة ahmedalaamosta

شكرا جدا ... بس سؤال هو اصلا الكلبش بتاع الكاوتش ده كويس ولا اي كلام؟ اصل بحس انه اي كلام

اى حاجة تعطل الحرامى كويسة
تخيل حضرتك حرامى عربيات واقف بيبص على عربية فيها قفل الكاوتش وقفل الدركسيون وحلقة كمان فى الارض هيفكر انه يسرق العربية

يا فندم عربيتك فيها ايموبلايزر.، مفيش حرامي هيعرف يشغلها ويحركها من مكانها

صديقي الفاضل
اعذرني .. بس انا سمعت نفس الكلام ده على عربيتي الكيا الريو الخليجي و انها استحاله تتسرق و الكلام ده ... و في الاخر اتاخدت من تحت البيت و مرجعتش
ربنا يسترها معانا كلنا

المشاركة الأصلية كتبت بواسطة ahmedalaamosta

صديقي الفاضل
اعذرني .. بس انا سمعت نفس الكلام ده على عربيتي الكيا الريو الخليجي و انها استحاله تتسرق و الكلام ده ... و في الاخر اتاخدت من تحت البيت و مرجعتش
ربنا يسترها معانا كلنا

ربنا يعوض عليك . ولا تعلم الخير فين .

اللي اعرفه عن موديلات الهيونداي والكيا ان في كل موديل منهم يا اما مواصفات مصرية او خليجية و اللي كنت اعرفه انه للاسف المواصفات المصرية هي دايما اللي كانت بتتعرض للسرقه بسهولة بسبب عدم توافر ايموبلايزر فيها على عكس المواصفات الخليجية اللي فيها ايموبلايزر .

بص فيه كذا طريقة لمحاولة منع السرقة بس للأسف مظم الحرامية عارفينهم بس ما فيش مانع إنك تعملهم كلهم أو شوية منهم وده 1- من باب العمل بالأسباب 2- كل ما تعمل كذا حاجه مع بعض كل ما تصعب الموضوع على الحرامى وتعطله نبدأ بالحاجات اللى تكلفتها قليلة:-

1-مفتاح شداد على دايرة البنزين ( ده موضوع بسيط جداً وتكلفته قليلة زى بالظبط ما تيجى تعمل مفتاح كومترايه على سلك الكهرباء العادى يعنى الكهربائى بيجى على سلك دايرة كهرباء البنزين وبيوصل المفتاح ده لو أنت فاتح المفناح البنزين شغال و مفيش مشكلة لو أنت قفلت المفتاح البنزين أتقفل عن العربية كلها . الفكرة معروفة لكن الشطارة هنا أنك تخبى المفتاح فى مكان مش معروف .على فكرة معظم الناس بتحط المفتاك فى العربية قدام زى تحت التابلوه أو فى عصاية الفتيس مثلاً تكلفة الطريقة دى بسيطة جداً كلها تمن المفتاح وشوف كام متر سلك (تقريباً اسمه سلك 2 ملى + مصنعية الكهربائى أنا عملتها من حوالى 4 سنين أتكلف بالظبط 35 جنيه 5 جنيه مفتاح - 5متر سلك فى 2 جنيه المتر + 20 مصنعية خد بالك حاول تعمل الحكاية دى فى كهربائى ما يعرفكش علشان ما يعرفش مكان المفتاح

2- الطريقة التانية زى اللى فاتت بس بدل ما بتقفل دايرة البنزين مانيوال بالمفتاح بتتعمل على ريموت العربية يعنى لما تقفل العربية بالريموت الأبواب بتتقفل و كمان دايرة البنزين ودى بتعملها عند بتاع السنتر والريموت بيضيف كود خاص بدايرة البنزين على الريموت.
كدا خلصنا الطريقتين اللى تكلفتهم قليلة نخش بقى على الغالى

3الطريقة التالتة
نفس الطريقة السابقة بس بتشترى الريموت كله خاص بالحكاية دى والريموت بيكون بشاشة بيبين حالى العربية فى مدى معين يعنى واقفة ولا شغالة ولا ماشية

4- الطريقة الرابعة
بتستبد الريموت ب GPS Tracker ده بيقفل برضه دايرة البنزين بس بدل الريموت بيكون عن طريق شريحة موبيل
كل الحاجات دى مع قفل الدريكسيون مع قفل البدال وفى الأول وفى الأخر ربنا الحافظ