الموضوع: صيانة 10000 فلوانس e3 2016

المشاركة الأصلية كتبت بواسطة tito85

روحت عملت صيانة 10000 للعربية الأسبوع اللي فات في توكيل رينو أبو رواش ومن المقابلة وانا مبسوط لسببين :

أولا قابلني م/محمد عبد النبي وهو راجل مهذب جدا للي عارفه وسألني عن مشاكل العربية و و والخ وانا اشتكيتله من الزحمة وقاللي انهم بالفعل عينو 4 مهندسين استقبال جداد عشان يقللو الضغط والزحمة المهم الراجل سجل ملاحظاتي كلها واخدو العربية وقاللي هتكون جاهزة قبل الساعة 4

مشيت انا علي شغلي في أكتوبر برضه وقلت ارجع اخدها علي الساعه 4 وسرحت في الشغل ونسيت اروح اجيب العربية المهم لقيت مهندس محمد بيتصل بي اني ما جيتش اخدت العربية فممكن حد يستناني لحد اما اجي اخدها بحد اقصي الساعه 5. فاعتذرتله اني اتأخرت في الشغل ومش هقدر اجي فقاللي مش مشكلة بالمرة يغسلو العربية فشكرته وقلت اخدها تاني يوم.

المهم تاني يوم الصبح روحت استلم العربية فلقتهم غسلينها ومنضفنها وكلو تمام بجرب العربية لقيت فيه صوت في الفرامل فرجعت اسأل علي مهندس محمد مش موجود المهم قالولي ادخل لمدير الورشة يطلع حد معاك .

سألت علي مدير الورشة فحد شاورلي عليه قلتله المشكلة فقاللي تعالي نجربها (مش فاكر اسمه) المهم جربناها والصوت موجود وقاللي بسبب الغسيل.

حس ان انا مقتنعتش شوية فقاللي تعالي وراح مجرب عربية جديدة لسه مغسولة المهم فعلا لقيت نفس الحاجة (الصوت راح دلوقتي علي فكرة) المهم شكرته وتمام.

امبارح بقي كلمني مهندس محمد يطمن علي الصيانة ولو عندي تعليقات وكده.

ممكن أقول ان الخدمة الكويسة وحسن المعامله بينسو أي مشاكل فعلا وانا بشكر مهندس محمد ومدير الورشة علي اللي عملوه. واتمني ان الخدمة في التوكيل تستمر علي هذا المنوال

--------

لو ينفع حد يقوللي اغير اسمي ازاي بارك الله فيكم :d :d

الف مبروك عالصيانة
وبالنسبة للاسم بتكتب فالموضوع ده

http://www.nilemotors.net/Nile/281696-a.html