ارجو الاهتمام ضرورى محدش فاهم حاجة

**sarwathisoka** · 28-12-2015 11:05 AM

سلام عليكم  بسم الله  عندى مشكلة ومحدش عارف حلها ارجو الاهتمام والتاكيد  سيارة لانوس وان موديل ٩٩ اتوماتك عداد ١٦٦٦٠٠ كنت بحط بنزين ٨٠ لمدة ٧ شهور  المشاكل : ١- خنقة غريبة او كتمة فى العربية ادوس بنزين لاخر الدواسة مبتمشيش بتعمل صوت فوووو ومفيش ولا سحب ولا عزم وممكن السرعة تقل والار بى ام يقعد ينزل لازم اسيبها خالص واحاول اكاركلها علشان تمشى لغاية متبتدى تجمع لفيت على الدنيا كلها وكلة بيفتى الر يقول فتيس اروح لناس متخصصة فى فتايس اتوماتك بس يقولو مفهوش حاجة ويقةلو دى حاجة فى الماتور اروح لميكانيكى تانى يقولى غرفة الحريق واطية اروح لواحد تانى يقولى رشاشات اروح لواحد يقولى شكمان اروح لبتاع شكمانات يقولى سليم مش عارف اعمل اية. * رحت بنزيمة وحطيت ٩٢ ومنظف ابرو ومشيت بالعربية مفيش فرق اول يوم تانى يوم و التالت بقت بتسحب و النقلات عادى وجربت اكبس وادى مفاجى بتجيب بس ساعات بتنعر وبتتكتم وكانى مبدوس بنزين ولما بتتكم وادوس اكتر الاقى الار بى ام يقعد يقل والسرعة تقل . ٢- صوت الماتور عالى وبيتهز واحد قالى انها متلتة واغير سلك بوجيهات ؟ ٣- ساعات وانا واقف فى اشارة ودايس فرامل وانا على d اللقى الار بى ام مش ثابت وساعات على ال n بردو وممكن اول ما الإشارة تفتح اجى ادوس بنزين مفيش استجابة وممكن تقف ؟ ٤- دواسة الفرامل بتبتدى تشعر فى النص يعنى لازم نص الدواسة علشان نبتدى نهدى ؟ **** ملحوظة ****  وش السلندر مخروط و الطنابير دا على كلام الناس. ارجو الاهتمام. 

**Mecha** · 28-12-2015 01:33 PM

طب ماتغير طرمبه وفلتر
وطقم كهربا دي ١٦٦ الف

**mado83** · 28-12-2015 01:43 PM

غالبا دى الطرمبه وغير معاها فلتر بنزين كمان
والطرمبة مش غاليه بحوالى 120ج
وخد بالك ان الاتوماتيك اصلا سحبه ضعيف جدا فى اللانوس فلو هيا مش بتتحرك خالص يبقى شوف الطرمبه انما لما بتمشى وتفتحلها بتجيب معاك يبقى ده الطبيعى بتاعها

**sarwathisoka** · 28-12-2015 02:01 PM

لسة مغيرلها كل الى انتو قلتو علية ( فتيس - فلتر بنزين وهوا - طرمبة - بوجيهات ) هية كانت زى الفل المشكلة دى لسة ظاهرة وكان تجميعها وسحبها و المفاجى زى الفل اية الى حصل معرفش

**Mecha** · 28-12-2015 02:22 PM

منين غيرت ,وكل اللي اتعمل- وش السلندر مخروط والطنابير- والباقي واحد قال كذا والتاني كذا!!!.
شكلها هترسي علي وش السلندر والغرفه وافتح تاني.

**mo"men** · 28-12-2015 04:27 PM

اتأكد من الموبينة هي بتعمل مشاكل زي ديه
وابقي طمنا طلع ايه و نبقي بنتعلم منك

**mohamed sedaa** · 28-12-2015 07:25 PM

حضرتك اتواصل معايا وانا هساعدك ان شاء الله 01010655516

**hema111** · 29-12-2015 04:02 PM

الأعراض اللى فى العربية أعتقد أنها اعراض تلف حساس الشكمان أو ان فيشة الحساس مش متوصلة كويس
أنصحك بالكشف على فيشة حساس الشكمان وكذلك محاولة تغيير الحساس بواحد اخر ولو مستعمل وتجربة اداء العربية
وفى معلومة اخرى احب اضيفها ان استعمال بنزين 80 لفترة طويلة مع السيارات التى من المفترض انها تستعمل بنزين 92 (حسب الموصى به فى كتالوج العربية) بيؤدى فى أغلب الاحوال الى تلف حساس الشكمان
وربنا يوفقك الى اصلاحها ان شاء الله

**احمد الصباغ** · 29-12-2015 09:11 PM

فيه حاجه صغيره كدا حاول تجربها مع اللى بيقولوه وهيا انك تخلع فلتر الهوا وجرب العربيه وشوف يمكن الفلتر بتاع الهوا هو اللى عامل مشكله فى السحب جرب مش هاتخسر حاجه وبعدين ابقى رجعه تانى

**Mohamed Desoky** · 29-12-2015 09:28 PM

السلام عليكم ورحمة الله وبركاته انتى بقالك سنين بتحط 80 يبفى اكيد علبت البيئة مكتومة جرب فكها وامشى شوية واستحمل الصوت يمكن العيب فيها وربنا يسهل وتتحل المشكلة وبلغنا بلنتيجه علشان باقى الزملا بستفيده وشكرا