الموضوع: هوندا سيفيك 92 فيه شوية اسفسارات يا اهل الخبرة

المشاركة الأصلية كتبت بواسطة فارس الواحة

السلام عليكم :
سيارتى هوندا سيفك 92 ، العربية ممتازة فى التصميم تبدو رياضية و حديثة :
أولا : تحت دواسة الدبرياج فى ارضية العربية من جوا فيها شوية تأكل لاحظت ان فيه زى سفنج ظاهر متقطع و انا عاوز اجلد الحته دى كويس عشان مش تزيد و كمان عشان بتخيلنى لما اجى ادوس على الدبرياج .تعملها بنفسك او تروح لسروجي
ثانيا : نظام السنتر لوك شغال ماعدا الباب اللى ورايا يعنى 3 ابواب بس شغالة والرابع مش بيستجيب لا فى الفتح ولا القفل يبقى ايه مشكلته و مين يكشفلى عليه ويصلحه ؟
كمان بخصوص ريموت السيارة فيه زرار من كتر استعماله علطول بينزل من نفسه كأنه مضغوط عليه و طبعا الحركة دى بتخلى اى حجر احطه فى الريموت يخلص فى يوم لان الريموت علطول شعال من الزرار ده لكن الريموت جربته بيفتح ويقفل عادى ، مين اللى يصلح الريموت ويغيرلى الزرار ده ؟
رحت لكهربائى سيارات قالى غير السنتر على بعضه و انا مستحرم اعمل ده لأن السنتر شغال .
ثالثا : عاوز ازود اضائة صالون العربية و اركب اضاءة تخلى الصالون منور كويس و ياريت لو بيضه ليد الاقيها فين سألت الكهربائى قالى مش انا اللى بعمل الشغل ده طب مين ؟
رابعا : اخر حاجه راديو السيارة برفع الاريل مش بيجيب ولا محطة أزاى اخليه يجيب ارسال كويس ؟
الباقي اى حد بتاع اكسسوار يعملها بس في الغالب السنتر حيتغير و الراديو حيحتاج ضبط و هما بيبقى عندهم اضاءات مختلفة تختار ما يناسبك

مشكوووووور على ردك الوافى

المشاركة الأصلية كتبت بواسطة sameh_fouad

1- اى سروجى قولة عايز اعمل الموضوع دة , والسفنج اللى ظاهر دة بيبقى حاجة اسمة " لباد عازل " لازم تعملة وتكملة

2- الاول هتراجع على السلك اللى رايح من السنتر للباب دة وتشوفة هل واقع او مقطوع وتعالجة , يبقى هتراجع على مكنة الباب دة واللى يعملك الموضوع دة " حسنى الكهربائى فى الحرفيين القاهرة "

3- كل الموضوع هتروح تجيب ريموت سنتر لوك بيتباع ب 20 جنية وتكودة على نفس كود السنتر بتاعك , وشكرا على كدة بقى معاك سنتر جديد اى حد بتاع مفاتيح وعندة جهاز التكويد يعملك القصة دية ب 15-20 جنية . بس اهم حاجة يكون السنتر حديث

4- فية لمبة led بتكون 10 لمض او 15 لمبة مع بعض تمنهم 30 جنية بتشيل القديمة وتركبها بنفسك بدون اى مشكلة تماما , بس هية مشكلتها مش بتقعد كتير وبتتحرق

5- فك الكاسيت من ورى هتلاقى فية فيشة ايريال الراديو شوفها متوصلة ولا لأ , لو مش متوصلة ركبها او اتأكد اصلا ان الايريال اللى عندك سليم و كمان اتأكد من كفاءة الكاسيت وانة على الموجة المظبوطة

بخصوص السنتر انا معرفش هوا جديد ولا قديم ممكن يكون هوا اللى جى مع العربية لان الريموت شكله قديم اوى ، يبقى هينفع اجيب ليه ريموت برضو ولا لا؟
بخصوص اضاءة الصالون : طيب تنصحنى بايه لو عايز ازود الاضاءة
بخصوص الكاست : انا قلت لكهربائى قالى غيره و شوف نوع تانى و مقليش ولا فحص فيشة الاريال دى

المشاركة الأصلية كتبت بواسطة sameh_fouad

بتغير بس الشاسية لو الريموت من ماركة sun بتنزل تجيبة من التوفيقة لو العيب من الكاوتش اللى بيدوس على زرار البوردة , لكن لو العيب فى البوردة نفسها يبقى هتغير الانذار بس ودة تمنة على حسب الاوبشن وبيبدأ من 150 -425 جنية افضل حاجة

* هات لمبة اقوى شوية او تجيب اللمض الليد بس تبقى عارف ان عمرها مش طويل

* لأ ياباشا ماتروحش لحد , انت فك الكاسيت من مكانة وشوف هل كابل الراديو واصل فى الراديو ولا لأ

خالص الشكر و التقدير على ردك
بخصوص الريموت مش الكاوتش اللى بايظ ولا البوردة ، اللى بايظ زرار من أزرار الريموت ، اقصد الزرار اللى موجود تحت الكاتوش اصبح من كتر الاستعمال ناعم مجرد تقل الكاوتش عليه بينزله و هوا لو نفخت فيه بس ينزل و طبعا الموضوع ده بيخلى الريموت يبعت اشارات طول الوقت و بالتالى البطارية مش بتكمل فى الريموت يوم ، لكن الريموت شغال و السنتر شغال والبورده شغالة ، أغير الزرار اللى نعم فى الريموت ده ازاى و عند مين ؟ لأنى معرفش مركته مش مكتوب عليه حاجه .
الفيديو ده فيه الزراير اللى نفس مشكلتى
https://www.youtube.com/watch?v=4YsaL4GED8E