نيسان تيدا 2015 - 2016

**hagrasco1989** · 01-01-2016 11:19 PM

السلام عليكم و رحمة الله و بركاته

دي أول مشاركة ليا مع النيسان أونرز

انا يا جماعة كنت فكرت في التيدا 2016

ولاحظت ان التيدا 2016 أو 2015 مظلومة جدا في المعلومات عنها في نايل موتورز و مش لاقي عنها معلومات مثلا دلوقتيي بتتقفل فين أو تقارير وافيه عنها عن تجربة و كيلومترات

وتقريبا من شهر 4 سنة 2012 على المنتدى محدش كتب عنها تقارير لدرجة اني حاسس ان العربية اندثرت
وبالفعل انا أصلا مبشوفهاش كتير على الطريق

هل من الممكن الناس اللي مالكين العربية دي يتكلموا عنها و خصوصا ال 2015 و 2016 بتقارير وافية

ولكم جزيل الشكر

**Hosam_Optrawy** · 02-01-2016 01:14 AM

العربيه ملاكها في المنتدى قليلين جدا تقريبا مفيش حد جابها ، لان سعرها كان صادم اول مانزلت عشان كدا مانتشرتش

تقفيل تايلاند

تعتبر هي هي التيدا اللى قبلها تقريبا مع إختلاف ان قاعدة العجلات بقت أكبر والفتيس بقى cvt ، مش فاكر القديمه كانت cvt برضه ولا لأ

**mummy_47** · 07-01-2016 05:34 AM

العربية روعة في التقفيل والخامات والوسع الداخلي.....بالنسبة ان سعرها كان صادم....يكفي انك تعرف ان السيراتو عدت سعر ال 200 الف..كيا ريو عدت ال 170 الف.الكرولا عدت ال 225 الف مع المازدا 3..يبقى التيدا اللي ب 175 الف سعرها صادم ازاي.....هاتلي عربية في مصر سعرها مش صادم....
اقولك على صدمة اكبر ..شوف حضرتك ال هوندا مظلومة قد ايه مصر بسبب نقص الدعاية وسياسة القطيع في الشراء اللي بتخلي السيراتو بقى في منها 12 فئة (خليجي ووكيل )وفي نفس سعر الهوندا سيفك .المحترمة.....انا قربت اتجنن ....الناس بتشتري من غير ما تفكر....وده اللي بيخلي التجار يلعبوا بينا....واكبر مثال قريب جدا.....السوزوكي سياز...من شهور قليلة كانت ب 124 الف ..لما شافوا الاقبال الرهيب عليها وقفوها شوية ودلوقتي بقت او تقترب من 150 الف وممكن متلقيهاش كمان.......من غير اي مبرر ..ومحدش يقولي سعر الولار ....