الموضوع: عندى باكيه ملك ومش عارف اتهنى بيها الرجاء المساعده

أعتقد حلك هو التفاهم معاه يسيب قدام الباكية بتاعتك فاضى

إنت تكسر فى الأرض 3 فتحات و تركب فيهم حديد بقفل أمام الباكية بتاعتك و إعمل الفتحة عميقة عشان ماتتشالش بالساهل و بعد ما تعمل إتكلم معاه و قولوا الجراج إركن مكان ما يعجبك لكن قدام باكيتى لأ
لا ضرر و لا ضرار

عند و قل أدبه قولوا إن كان عجبك بدل ما ندخل فى مشاكل مالهاش لازمه و دفاع مدنى و ضرايب و هازعلك و إن كان ليا عربية واحده تحت فإنت ليك 20 عربية و عربيتى متأمن عليها فبلاش ندخل فى سكة مالهاش لازمة

أنا لو جيت قدام باب شقتك و قفلته إنت هاتسكت ؟ خلص الكلام المهم الحزم و الشده

mr_green

شكرا لك اخى الكريم ..

المشكلة مش فى العربية الى قدامى المشكله فى الممر نفسه .. انا لو حطيت حديد برده مش حعرف اطلع لأن ممر الخروج بيحط فيه 10 عربيات بعد الساعه 12 بليل. وصعب اوى تقله متحطش عربيات فى الممر .. ممكن تقول بلطجه ولو مش عاجبك اشرب من البحر

انا بفكر اختار باكيه عشوائيه قرب ممر الخروج واقفلها بحديد وافاجئه وربنا يستر :D

المشاركة الأصلية كتبت بواسطة graffittiii

هو انا مش فاهم باكيه يعني ايه
بس لو مكان تركن فيه اعتقد هو مش هيمانع يبدل
يعني تركن انت ف مكان ناحية الخروج وهو ياخد مكانك عشان هو معاه مفاتيح العربيات وهيعرف يتعامل

باكية يعنى قطعة ارض فى الجراج تمليك تكفى سيارة واحده فقط .. بتشتريها من صاحب العمارة او صاحب الجراج وانتا حر تعمل فيها الى انتا عاوزه زى الشقة بالظبط وليها عقد ملكية.