احذروا من مــلاك بيــجو 407 على الطريق

احب احزر جميع الاعضاء من بيجو 407 على الطرق السريعه :)

اى واحد يشوف عربيه بيجو 407 ماشيه قدامه ياخد جميع احتياطاته

حصلتى مرتين والمرتين ربنا سترها باعجوبه

مع انها عربيه محترمه يعنى المفروض اللى راكبها يكون محترم
بس بجد صادفتهم مرتين طلعوا عباره عن بطيخه راكبه عربيه هههههههه

الاول كان على طريق اسكندريه الصحراوى هيئة ديبلوماسية
كنت راكب عربية نسيبى هيونداى ماتركس وماشى فى الحاره اللى فى النص وهو كمان وقدامه عربيه
كنت ماشى على 150 تقريبا
بعدى من يمينه لاقيته بيحدف عليا
قولت يا واد يمكن مش واخد باله
رجعت للحاره الوسطى تانى لاقيته جاى معايا تانى
ياعم اكيد مش واخد باله :)
رحت ماسك اقصى الشمال وبدوس بنزين وبعدى ووش عربيتى بقى عند الباب اللى ورا عنده
لاقيته لسه بيلم عليا ومصمم يعدى من اللى قدامه ومنى ومش تجيبه خالص
تخيلوا نزلنى على الرمل اللى فى الشمال والعربيه كانت هتقلب منى لولا ساتر ربنا وعديت منه ورحت واقف قدامه
بس حظى بقى العربيه طفت مع انها اوتوماتك ومش عايزة تدور تانى :) (اكتشفت بعد كده ان الماتركس فيها حساس صدمات ولازم تعمله ريسيت)
لاقيته هو طلع من ورايا وكمل عادى ولا اكن حاجة حصلت


المره التايه كنت على الاسماعليه الصحراوى
ماشى 170 - 180 تقريبا مش بركز اوى فى السرعه :)
الطريق 3 حارات وياخد 4 عربيات مستريح

اقصى اليمين فى عربيه تريلا ووراها بيجو 407 ملاكى كحلى على ما اتذكر
وانا من بعيد جاى جرى من اقصى الشمال
لاقيت البيجو بيحاول يعدى من العربيه اللى قدامه فبيكسر شمال
عادى جدا
الطريق واسع وممكن يطلع ويعدى كمان جنبه عربيتين بسهوله
تخيلوا ايه اللى حصل؟

الراجل مش بيطلع من التريلا ولا حاجة
الرجال عايز ياخد اليوترن اللى لسه عليه حوالى كيلو :)
فدخل من اقصى اليمين لاقصى الشمال بزاويه اقل واجب تعمل 75 درجه
وعلى طريق سريع
بصراحه انا مت على الفرامل وال Abs عمل معايا احلى شغل الصراحه

الحمد لله العربيه فراملها كويسه ووقفت بس كنت هنزل اعلق الراجل ده بس لاقيته راجل كبير وشكله محترم وبيحاول يهرب منى :)
رحت لامم عليه جامد منزله على الرمل ناحيه الشمال ومفرمل قدامه وببص ورا لاقيت واضح عليه علامات الفزع
بالصدفه كان فى واحد ببى ام بيجرى معايا بس مش بيشد اوى يعنى لاقيته بيشاورى عشان اطلع واسيبنى منه

ربنا يسترها معانا كلنا
بس برده خلوا بالكوا :)

الحمد لله ان ربنا سترها معاك
بس واضح ان الموضوع ملهوش علاقة بالعربية بس تقصد بيه بالفئة المعينة الي بتشتريها
وبصفة عامة عشان العربية نادرة جت معاك كده :)
لكن كل انواع العربيات اكيد فيه ناس من نوعية الراجل ده بتمتلكها
اهم حاجة انك طلعت سليم ومحصلكش اي حاجة
حمد الله علي سلامتك

اقتباس:

---

المشاركة الأصلية كتبت بواسطة thunder_eagle

الحمد لله ان ربنا سترها معاك
بس واضح ان الموضوع ملهوش علاقة بالعربية بس تقصد بيه بالفئة المعينة الي بتشتريها
وبصفة عامة عشان العربية نادرة جت معاك كده :)
لكن كل انواع العربيات اكيد فيه ناس من نوعية الراجل ده بتمتلكها
اهم حاجة انك طلعت سليم ومحصلكش اي حاجة
حمد الله علي سلامتك

---

الف شكر ليك يا باشا
المشكله انها عربيه نادره
يعنى بيقولك خبطتين فى الراس توجع

الغريبه انها عربيه مش بنشوفها الا نادرا
يبقى ازاى تحصل معايا الحركات دى من نفس العربيه كذا مره :)

ألف حمدا لله على سلامتك
بس بالله عليك تخللي بالك
انا لفت نظري حاجتين أكيد لازم نحذر منهم
أولاً السرعة العالية جداً اللي حضرتك ماشي عليها
وثانياً محاولتك تخطيه من ناحية اليمين

ربنا يسترها معاك ومعانا جميعاً

لسة مش فاهم اية علاقة الموديل بالموضوع.......لو حد عمل كدة بمرسيدس مثلا حتفرق

يعني الـ 407 تحديداً هى اللي بتعمل كده ؟

الهيئة السياسية موقفها قد يكون مُبرر لو العربية اللى قدامه كانت هيئة هيه كمان....غالباً كان حراسة ليها.....مع أن اللى عمله ده هبل وخصوصاً أنه على طريق سريع......يعنى مش عاوز حد يقرب منه قوى كان مشى أقصى اليمين أو أقصى الشمال.

عموماً ربنا بيسترها......و أبقى خفف السرعة شوية يا محمد....محدش يضمن.
معلش أنا لسه موضوع العربية اللى أتقلبت قدامى عاملى زعر بصراحة :)
ربنا يستر طريقنا جميعاً أن شاء الله

اقتباس:

---

المشاركة الأصلية كتبت بواسطة alijandroo

ألف حمدا لله على سلامتك
بس بالله عليك تخللي بالك
انا لفت نظري حاجتين أكيد لازم نحذر منهم
أولاً السرعة العالية جداً اللي حضرتك ماشي عليها
وثانياً محاولتك تخطيه من ناحية اليمين

ربنا يسترها معاك ومعانا جميعاً

---

الف شكر يا باشا
بس انا مش باخد غرزة يمين
انا لاقيته ماشى فى النص فقولت اخد انا اليمين وبعدى عادى
بس هو تقريبا مش عايز ماتركس تعدى من بيجو :)

اقتباس:

---

المشاركة الأصلية كتبت بواسطة معتز

لسة مش فاهم اية علاقة الموديل بالموضوع.......لو حد عمل كدة بمرسيدس مثلا حتفرق

---

يا باشا انا مش قصدى على الموديل تحديدا
انا قصدى ان حصل معايا الموقفين دول من نفس العربيه والعربيه دى مش بشوفها الا نادرا
يبقى اكيد المشكله فى الناس اللى بتجيب العربيه دى ولا ايه؟ :)

اقتباس:

---

المشاركة الأصلية كتبت بواسطة وائل عطية

يعني الـ 407 تحديداً هى اللي بتعمل كده ؟

---

لا اللى بيركب 407 تحديدا هو اللى بيبقى قاصدنى انا تحديدا :)

اقتباس:

---

المشاركة الأصلية كتبت بواسطة Ahmed A.Maksoud

الهيئة السياسية موقفها قد يكون مُبرر لو العربية اللى قدامه كانت هيئة هيه كمان....غالباً كان حراسة ليها.....مع أن اللى عمله ده هبل وخصوصاً أنه على طريق سريع......يعنى مش عاوز حد يقرب منه قوى كان مشى أقصى اليمين أو أقصى الشمال.

عموماً ربنا بيسترها......و أبقى خفف السرعة شوية يا محمد....محدش يضمن.
معلش أنا لسه موضوع العربية اللى أتقلبت قدامى عاملى زعر بصراحة :)
ربنا يستر طريقنا جميعاً أن شاء الله

---

معتدقش انها كانت هيئة مش متذكر اوى
عشان هو لما العربيه طفت منى هو عدى منى تانى وجرى
وفعلا ناا بحاول الايام دى ابطل الجرى بتاعى ده

عشان تعرف بس يا محمد ان ال بيجو عمل تكنوليجا عليه جدا متخليش عربيات اسيواي تعدي منها

ايه يا باشا انت بتتكلم في ايه دي ال 407 ام عيون مسحوبه حبيبتك

انا ابويه من الاخر هيموت و يجيب العربيه دي وهو الحمد لله بدنا نحوش حوشنا 50 الف :d

بس بعد كده لما تشوف العربيه دي احظر عشان الاسد هو البيحدد مين يعدي و مين يستني

اقتباس:

---

المشاركة الأصلية كتبت بواسطة Nour_Peugeot

عشان تعرف بس يا محمد ان ال بيجو عمل تكنوليجا عليه جدا متخليش عربيات اسيواي تعدي منها

بس بعد كده لما تشوف العربيه دي احظر عشان الاسد هو البيحدد مين يعدي و مين يستني

---

:k48::k48::k48::k48:

الظاهر انه عمل نفس الحركة مع بتاع البى ام
عشان كده شاورلك

اقتباس:

---

المشاركة الأصلية كتبت بواسطة Nour_Peugeot

عشان تعرف بس يا محمد ان ال بيجو عمل تكنوليجا عليه جدا متخليش عربيات اسيواي تعدي منها

ايه يا باشا انت بتتكلم في ايه دي ال 407 ام عيون مسحوبه حبيبتك

انا ابويه من الاخر هيموت و يجيب العربيه دي وهو الحمد لله بدنا نحوش حوشنا 50 الف :d

بس بعد كده لما تشوف العربيه دي احظر عشان الاسد هو البيحدد مين يعدي و مين يستني

---

نور باشا حبيبى قلبى من بره :)
اخبارك ايه يا جميل؟

ربنا ان شاء الله يرزقكم بيها قريب ان شاء الله

انا خلاص لما بشوف العربيه دى بحاول ابعد عنها خالص :)
اسد بقى ولا فرخه مش مهم

المشكله انها عربيه تحفه
بس اللى راكبينها شكلهم مش عارفين حاجة (اكيد مش كلهم بس يمكن اللى صادفتهم حتى الان :()

اقتباس:

---

المشاركة الأصلية كتبت بواسطة youssef_00

الظاهر انه عمل نفس الحركة مع بتاع البى ام
عشان كده شاورلك

---

لا بتاع البى ام كان ورايا بس فى الحاره اللى على يمينى
وشاف الحركه وقال اكيد الواد ده لابس لابس :)
عشان كده انا لما طلعت ووقفت قدام البيجو هو قالى اطلع عشان ما ينفعش تقفوا كده على طريق سريع حد ممكن يلبس فيه من ورا وبصراحه انا كان نفسى يحصله كده
بس ذنبه ايه اللى جاى من ورا ده :(

يلا ربنا ستر والحمد لله

وحشني يا محمد باشا انا الحمد لله كويس

و ان شاء الله عيزك تبقي العضو الشرفي في المقابله

ربنا يسترها معاك يا معلم

انا رأى الخاص اعتقد ان العيب دة مش من العربية ولا من اللى راكبينها ولا من حضرتك العيب دة وكل البلاوى اللى كانت ها تحصل هى من البى ام والراجل اللى راكبها لأنة لو مشى منغير ما يشد معاك كنت انت خدت بالك من اللى امامك والسلام عليكم ورحمة الله وبركاتة

اقتباس:

---

المشاركة الأصلية كتبت بواسطة monamor_kill

انا رأى الخاص اعتقد ان العيب دة مش من العربية ولا من اللى راكبينها ولا من حضرتك العيب دة وكل البلاوى اللى كانت ها تحصل هى من البى ام والراجل اللى راكبها لأنة لو مشى منغير ما يشد معاك كنت انت خدت بالك من اللى امامك والسلام عليكم ورحمة الله وبركاتة

---

وعليكم السلام ورحمه الله وبركاته :)
بس بى ام ماكنش بيشد معايا
كان بيجرى بس
يعنى تقريبا كان ماشى 140 - 150 كم/س
لو كنا بنشد سوى كان اقل واجب يعنى هنبقى ماشيين 220 كم/س فيما اعلى :)
وانا عديته بمسافه بس هو شاف الواقعه من بعيد

اقتباس:

---

المشاركة الأصلية كتبت بواسطة M.Mokhtar

بالصدفه كان فى واحد ببى ام بيجرى معايا بس مش بيشد اوى يعنى لاقيته بيشاورى عشان اطلع واسيبنى منه

---

ده واحد متغاظ منك أكيد
عشان ماشي وراك في كل الطرق

اقتباس:

---

المشاركة الأصلية كتبت بواسطة MaZaGAngeE

ده واحد متغاظ منك أكيد
عشان ماشي وراك في كل الطرق

---

بس اللون مختلف؟
وواحد هيئة سياسيه والتانى ملاكى اسماعليه تقريبا :majd(4):