احذروا من مــلاك بيــجو 407 على الطريق

**M.Mokhtar** · 24-11-2008 02:16 PM

احب احزر جميع الاعضاء من بيجو 407 على الطرق السريعه :)

اى واحد يشوف عربيه بيجو 407 ماشيه قدامه ياخد جميع احتياطاته

حصلتى مرتين والمرتين ربنا سترها باعجوبه

مع انها عربيه محترمه يعنى المفروض اللى راكبها يكون محترم
بس بجد صادفتهم مرتين طلعوا عباره عن بطيخه راكبه عربيه هههههههه

الاول كان على طريق اسكندريه الصحراوى هيئة ديبلوماسية
كنت راكب عربية نسيبى هيونداى ماتركس وماشى فى الحاره اللى فى النص وهو كمان وقدامه عربيه
كنت ماشى على 150 تقريبا
بعدى من يمينه لاقيته بيحدف عليا
قولت يا واد يمكن مش واخد باله
رجعت للحاره الوسطى تانى لاقيته جاى معايا تانى
ياعم اكيد مش واخد باله :)
رحت ماسك اقصى الشمال وبدوس بنزين وبعدى ووش عربيتى بقى عند الباب اللى ورا عنده
لاقيته لسه بيلم عليا ومصمم يعدى من اللى قدامه ومنى ومش تجيبه خالص
تخيلوا نزلنى على الرمل اللى فى الشمال والعربيه كانت هتقلب منى لولا ساتر ربنا وعديت منه ورحت واقف قدامه
بس حظى بقى العربيه طفت مع انها اوتوماتك ومش عايزة تدور تانى :) (اكتشفت بعد كده ان الماتركس فيها حساس صدمات ولازم تعمله ريسيت)
لاقيته هو طلع من ورايا وكمل عادى ولا اكن حاجة حصلت

المره التايه كنت على الاسماعليه الصحراوى
ماشى 170 - 180 تقريبا مش بركز اوى فى السرعه :)
الطريق 3 حارات وياخد 4 عربيات مستريح

اقصى اليمين فى عربيه تريلا ووراها بيجو 407 ملاكى كحلى على ما اتذكر
وانا من بعيد جاى جرى من اقصى الشمال
لاقيت البيجو بيحاول يعدى من العربيه اللى قدامه فبيكسر شمال
عادى جدا
الطريق واسع وممكن يطلع ويعدى كمان جنبه عربيتين بسهوله
تخيلوا ايه اللى حصل؟

الراجل مش بيطلع من التريلا ولا حاجة
الرجال عايز ياخد اليوترن اللى لسه عليه حوالى كيلو :)
فدخل من اقصى اليمين لاقصى الشمال بزاويه اقل واجب تعمل 75 درجه
وعلى طريق سريع
بصراحه انا مت على الفرامل وال Abs عمل معايا احلى شغل الصراحه

الحمد لله العربيه فراملها كويسه ووقفت بس كنت هنزل اعلق الراجل ده بس لاقيته راجل كبير وشكله محترم وبيحاول يهرب منى :)
رحت لامم عليه جامد منزله على الرمل ناحيه الشمال ومفرمل قدامه وببص ورا لاقيت واضح عليه علامات الفزع
بالصدفه كان فى واحد ببى ام بيجرى معايا بس مش بيشد اوى يعنى لاقيته بيشاورى عشان اطلع واسيبنى منه

ربنا يسترها معانا كلنا
بس برده خلوا بالكوا :)

**Bassel** · 24-11-2008 04:32 PM

الحمد لله ان ربنا سترها معاك
بس واضح ان الموضوع ملهوش علاقة بالعربية بس تقصد بيه بالفئة المعينة الي بتشتريها
وبصفة عامة عشان العربية نادرة جت معاك كده :)
لكن كل انواع العربيات اكيد فيه ناس من نوعية الراجل ده بتمتلكها
اهم حاجة انك طلعت سليم ومحصلكش اي حاجة
حمد الله علي سلامتك

**M.Mokhtar** · 24-11-2008 04:55 PM

المشاركة الأصلية كتبت بواسطة thunder_eagle

الحمد لله ان ربنا سترها معاك
بس واضح ان الموضوع ملهوش علاقة بالعربية بس تقصد بيه بالفئة المعينة الي بتشتريها
وبصفة عامة عشان العربية نادرة جت معاك كده :)
لكن كل انواع العربيات اكيد فيه ناس من نوعية الراجل ده بتمتلكها
اهم حاجة انك طلعت سليم ومحصلكش اي حاجة
حمد الله علي سلامتك

الف شكر ليك يا باشا
المشكله انها عربيه نادره
يعنى بيقولك خبطتين فى الراس توجع

الغريبه انها عربيه مش بنشوفها الا نادرا
يبقى ازاى تحصل معايا الحركات دى من نفس العربيه كذا مره :)

**aliabutaleb** · 24-11-2008 06:05 PM

ألف حمدا لله على سلامتك
بس بالله عليك تخللي بالك
انا لفت نظري حاجتين أكيد لازم نحذر منهم
أولاً السرعة العالية جداً اللي حضرتك ماشي عليها
وثانياً محاولتك تخطيه من ناحية اليمين

ربنا يسترها معاك ومعانا جميعاً

**معتز** · 24-11-2008 06:10 PM

لسة مش فاهم اية علاقة الموديل بالموضوع.......لو حد عمل كدة بمرسيدس مثلا حتفرق

**وائل عطية** · 24-11-2008 06:28 PM

يعني الـ 407 تحديداً هى اللي بتعمل كده ؟

**Ahmed Selim** · 24-11-2008 06:48 PM

الهيئة السياسية موقفها قد يكون مُبرر لو العربية اللى قدامه كانت هيئة هيه كمان....غالباً كان حراسة ليها.....مع أن اللى عمله ده هبل وخصوصاً أنه على طريق سريع......يعنى مش عاوز حد يقرب منه قوى كان مشى أقصى اليمين أو أقصى الشمال.

عموماً ربنا بيسترها......و أبقى خفف السرعة شوية يا محمد....محدش يضمن.
معلش أنا لسه موضوع العربية اللى أتقلبت قدامى عاملى زعر بصراحة :)
ربنا يستر طريقنا جميعاً أن شاء الله

**Nour_Peugeot** · 25-11-2008 08:35 AM

عشان تعرف بس يا محمد ان ال بيجو عمل تكنوليجا عليه جدا متخليش عربيات اسيواي تعدي منها

ايه يا باشا انت بتتكلم في ايه دي ال 407 ام عيون مسحوبه حبيبتك

انا ابويه من الاخر هيموت و يجيب العربيه دي وهو الحمد لله بدنا نحوش حوشنا 50 الف :d

بس بعد كده لما تشوف العربيه دي احظر عشان الاسد هو البيحدد مين يعدي و مين يستني

**ahmedfouad** · 25-11-2008 10:02 AM

المشاركة الأصلية كتبت بواسطة Nour_Peugeot

عشان تعرف بس يا محمد ان ال بيجو عمل تكنوليجا عليه جدا متخليش عربيات اسيواي تعدي منها

بس بعد كده لما تشوف العربيه دي احظر عشان الاسد هو البيحدد مين يعدي و مين يستني

:k48::k48::k48::k48:

-

الموضوع: احذروا من مــلاك بيــجو 407 على الطريق

LinkBack

أدوات الموضوع

عرض

احذروا من مــلاك بيــجو 407 على الطريق - انشر الموضوع فى :

-

-

-

-

-

-

المواضيع المتشابهه

احذروا الطريق الدائرى بالمنصورة ؟

....* مقــابلات مــلاك ريــــنو فى المنتـــدى ....*

مــلاك البيـــجو بــارس - ملاحظتــكم عن السيــارة

نصيحة لشــراء بيــجو 504

إستفســـار عن شــراء بيــجو 205

الكلمات الدلالية لهذا الموضوع

المفضلات

المفضلات

ضوابط المشاركة