ارجو المساعدة

**MOHAB DX** · 05-01-2016 10:25 PM

السلام عليكم يا شباب
انا ضيف جديد هنا و ان شاء الله اكون من اسرة اسكودا
انا دلوقتى معايا فيرنا 2006 وناوى اطلع منها واجيب سكودا
وحاليا المبلغ الى معايا مش كبير اوي يعنى ممكن اخري 120.000
ياتري تنصحونى ب سكودا موديل كام ؟؟

**mario_9111** · 05-01-2016 11:53 PM

اشتري a5 أعلي فئه لو قدرت بس بلاش تشتري اول فئه هات اوبش عالي علشان تستمتع بالعربيه

**MOHAB DX** · 06-01-2016 01:25 AM

المشاركة الأصلية كتبت بواسطة mario_9111

اشتري a5 أعلي فئه لو قدرت بس بلاش تشتري اول فئه هات اوبش عالي علشان تستمتع بالعربيه

شكرا ليك ع ردك السريع بس انا
كان ف واحد قالى شوف a5 اعلي حاجة تقدر تجبها بس انا كنت بقول انى لو جبت موديل 2005 او 2006 ويكوين معايا شوية مبلغ عشان اكيد اى عربية بتكون محتاجة شوية حجات تتغير عشان تبقى مطمن ويبقى معايا شوية فلوس بدل ما احط الفلوس كلها فيها

بس في ناس بتقولي ان 2005 و 2006 فيهم مشاكل في الفتيس !

ياتري الكلام ده صح ولا ايه

**طارق _عبد السلام** · 08-01-2016 12:54 AM

حاول توصلهم ل135 وهات فانتازيا فئه اولى

**طارق _عبد السلام** · 09-01-2016 07:13 PM

العربيتن واحد لكن الشكل الخارجى الفانتازيا افضل من وجهه نظرى انا من فضل الله اقنيت الاتنين..

فرق موديل ممكن اكتر من سنتين...الفئه الاولى فانتازيا تحكم طاره وبلوتوث ودا فى الفئه الثانيه ايه فايف وممكن تلاقى فئه تانيه بدون تحكم ولا حتى سينسور بارك..فالف الفتيس للفانتازيا افضل من الايه فايف شكل عدادات السرعه افضل الكراسى مختلفه للافضل مرايات الاجناب اكبر الكاسيت افضل

**طارق _عبد السلام** · 11-01-2016 10:53 PM

المشاركة الأصلية كتبت بواسطة mohab dx

شكرا لردك بس ممكن حضرتك تقولي مثلا
تقرير عنها يعني مزايها عيوبها كدة
استهلاك البنزين فيها قطع الغيالر كدة يعني
بما ان حضرتك كنت مقتنيها
يعني ياريت تحكيلي تجربتك الخاصة معاها لو سمحت

هى مشكلتها انك لما بتركبها بتكرهك فى اى عربيه تانيه.فى فئتها

العربيه ماشاء الله ثبات مميز جدا وفرامل ملهاش حل وده هتحسه جدا لانك كنت راكب فيرنا يعنى لاثبات ولافرامل...وهتتنقل لعربيه الكل مجمع على ثباتها وفراملها .....صاج العربيه قوى وفيها اكصدام خلفى بتاع دبابه ..

استهلاك البنزين قريب من الفيرنا بما انى دلوقتى راكب كارينز للاسف طبعا استهلاك البنزين لصالح الاوكتافيا

قطع الغيار لو غاليه شويه .لكن معمره وبالمقارنه بالعربيات الجديده حتى الكورى ..قطع غيار الاوكتافيا تعتبر رخيصه

عيوب العربيه..الطلعه..بما انك كنت راكب فيرنا ودى عربيه هبله فى الجرى .. هتحس ان الاوكتافيا بطه فى الطلعه لكن مع التعود هتقدر تتعامل وهتعرف الدوسه المظبوطه للعربيه ومش هتفرق معاك بعد كده ..العربيه بعدد ال100 استجابتها بتكون عاليه
لكن ان شاء الله هتحس بالفرق وهتحب العربيه جدا