أى نوع كاوتش تستخدم أو تنصح به (و لماذا)؟

**segsauer** · 08-01-2009 01:41 PM

المشاركة الأصلية كتبت بواسطة SuccessCre8or

انا استخدم بريدجستون .... حلو و لا تعليق على الأنواع الأخرى لأنى معرفش

+1111111111

**badblood** · 08-01-2009 09:43 PM

1-بردجيستون عن تجربة هايل ويستحمل البهدلة والسفر
2-الكومهو رائع لسة مركبهم مفيش من شهرين

**م.محمد علاء** · 04-02-2009 01:42 AM

كنت أحب استفسر عن المقاسات بتاع الكاوتش .يعنى امتى اركب كاوتش عريض للعربيه.و كاوتش السرعات ايه معناه.لانى لقيت واحد مركب كاوتش النقشه بتاعه غريبه شويه فلما سألته قالى ده بتاع سرعات

**marsguy** · 09-02-2009 10:57 PM

يا جماعه الحكم ما ينفعش يكون مطلق كده

زي ما بعض الإخوه قالوا ... كل ماركه في منها 50 موديل وبلاد منشأ مختلفه كمان.

يعني مش دائماً ميشلان هايكون هو أحسن إختيار ولا نسر هايكون أسوأ إختيار.

وكمان ممكن مثلاً الجوود يير يكون أحسن واحد بس الكومهو مش أوحش منه كتير ولكن هو بنصف ثمنه بس.

وكمان ممكن يكون كاوتش محترم جداً بس مافيش منه مقاسات معينه.

انا شايف إن الأحكام اللي إحنا عمالين نطلعها دية أحكام عامه أوي.

يعني ممكن نضيق نطاق البحث شويه ونخليه مثلاً "أفضل كاوتش 13 أقل من 400 جنيه" أو "أفضل كاوتش 13 أقل من 300 جنيه" أو "أكثر فرده 13 معمره وتستحمل شوارع مصر"

ده رأيي المتواضع

**kliken** · 10-02-2009 09:06 PM

جوديير كويس كنت جربته قبل كده و بعدين بقيت بحط Gt كويس و سعره حلو

**MohaMed_Refaat** · 11-02-2009 05:51 PM

المشاركة الأصلية كتبت بواسطة engmohamed

كنت أحب استفسر عن المقاسات بتاع الكاوتش .يعنى امتى اركب كاوتش عريض للعربيه.و كاوتش السرعات ايه معناه.لانى لقيت واحد مركب كاوتش النقشه بتاعه غريبه شويه فلما سألته قالى ده بتاع سرعات

تركب كاوتش عريض لما تركب جنط اعرض يعنى لما تركب جنط 17 حتجيب كاوتش اعرض لان الجنط عريض .
كاوتش السرعات اللى هو نقشة العجلة نفسها بتبقى مختلفة عن العادية فيها رسمة سرعات ودة بيساعد على تصريف مياة الامطار من تحت العجلة بشكل اسرع عن العادية وبيدى ثبات للعربية بس معظم اللى بيركبة بيبقى علشان الشكل المختلف بس زى الميراج دية مركبة كاوتش اعرض ونقشة سرعات او RACE .

**Samir_Adel** · 12-02-2009 04:09 AM

بردجستون.. و أطمن.

**michohat** · 16-02-2009 02:08 PM

الكاوتش اللى راكب عندى اسمه ملينيوم و مقاساته 170/70
r13 82h
عاوز الايام دى اغير فردتين و نوعا ما مستقر على ميشلان والموقع اللى مذكور فى اول صفحه مرشح لى كاوتش عرضه 185 فايه الصح اجيب 185 ولا 175 واختار ايه تيل ولا سلك
وهل المشيلان لسه جودته زى زمان ولا فيه افضل منه