السادة الاعضاء
الحكاية ببساطة ان كان عندي دخنة مضيقاني
سألت كتير قالوا ان المشكلة كربراتير عايز ضبط
حاولت اني اظبط زي ماقالوا مسمار الهوا ومسمار البنزين . ولاني مش عارف اماكنهم ومفيش حد قال مكانهم فين فبدأت ابحث علي النت احاول الاقي صور او شرح او اي حاجة تخص موضوع مكان المسمارين وكل لما الاقي شرح علي كربراتير الاقيه مش زي بتاع عربيتي لدرجة اني فكرت انه فعلا مش بتاعها؟
وطبعا اتقتلت بحث ومش لاقي اجابة طيب ايه الحل ده انا لعبت في مسامير مش عارف بتاعة ايه والعربية بدات تسخن وبتدور مبرجلة وصوتها عالي ومفيش سحب كل ده كوم وعداد البنزين الاقيه بينزل وكانه عطشان ؟؟؟؟؟؟؟؟
واخيرا وبعد طول عذاب وبحث في المواع الاجنبية وجدت ضالتي والحمد لله.
عرفت فين مسمار الهوا ومسمار البنزين وطريقة الضبط وطبعا رجعت كل مسمار لعبت فيه لمكانه تاني وقفلت كل حاجة ورحت نمت وانا ماسك قلبي
وتاني يوم قمت الصبح بدور العربية لقيتها دارت من اول نص تكة مارش قلت الحمد لله فيه بشاير خير قلت اروح مشوار واجرب السحب
خرجت بالعربية قبل ماتسخن وكانت المفاجأة . العربية مش بتنتع زي الاول وهي باردة
وكمان السحب علي الاول والتاني بقي كويس جدا الاول بيوصل الـ30 بسرعة
والتاني ممكن يوصل الـ60 بعد دوسة البنزين جربت بقية الغيارات لقيت فرق كتير عن الاول
انا لما كنت بحاول اعدي عربية قدامي كنت بدوس علي دواسة البنزين علي الاخر علشان اعدي وحاسس اني راكب سلحفة دلوقتي مجرد تشعيرة والاقي طيارة معدية كل ده تمام لكن انا لسه مش مبسوط قوي لان الدخنة مازالت موجودة
طبعا انا استعجلت وكتبت الموضوع من فرحتي بالتغيير لكن لسه هاحاول في موضوع الدخنة
طبعا طولت عليكم باعتذر للاطالة بس حبيت اشرح تجربتي كاملة علشان تحسوا معايا بالمعاناه اللي انا شوفتها ونيجي بقي للمهم انا هاسيب لحضراتكم صورة للكربراتير موضح عليها اماكن المسامير
وكمان الاهم مجموعة كتالوجات لصيانة انواع كربراتير وطريقة ضبطهم زي المصنع ماقال وطبعا هما بالانجليزي وانا سايب موضوع الشرح والترجمة للاخوة الافاضل طبعا هما اكتر مني فهما وخبرة .ده رابط الكتالوجات هما حجمهم 40 ميجا
carburetor كتالوجات صيانة الكربراتير - Download - 4shared - ياسر حسن
ودي الصورة