السلام عليكم ., أنا بشتغل فى الامارات و عايز اشترى سياره أستعملها هنا بس بصراحه محتار جدا بين الـ لانسر 1600أوتوماتيك رقم 2 سعرها 52 الف درهم و بين هيونداى ماتريكس 1600 أوتوماتيك سعرها 42 الف درهم . . . يا ترى مين فيهم و لا حد عنده اقتراح تالت غيرهم و مع اعتبار انى ممكن انزلها مصر نهائى فى يوم من الايام . . . افيدونى بالله عليكم مع التوضيح
ايه يا جماعة معقوله تعملوا كده معايا فى اول مره احتاجكم فيها و لا رد لحد دلوقتى انا مش طالب غير النصيحه
السلام عليكم
أنا شايف ان العربيتين حولين و منتشرين في مصر لو فكرت تنزل بيهم مصر
اللأنسر بياعة قوي في مصر و الماتركس برضه بس اللانسر أسرع في البيع
و في الأخر الموضوع ده نصيب و رزق
شوف أنت مستريح لأيه و أشتريه علشان أهم حاجة الراحة النفسية خصوصا لما تكون المقارنة بين عربيتين مفيش فروق كبيرة قوي بينهم
السلام عليكم
أنا شايف ان العربيتين حولين و منتشرين في مصر لو فكرت تنزل بيهم مصر
اللأنسر بياعة قوي في مصر و الماتركس برضه بس اللانسر أسرع في البيع
و في الأخر الموضوع ده نصيب و رزق
شوف أنت مستريح لأيه و أشتريه علشان أهم حاجة الراحة النفسية خصوصا لما تكون المقارنة بين عربيتين مفيش فروق كبيرة قوي بينهم
متشكر اوى على اهتمامك و ردك و انا مرتاح نفسيا للاتنين الصراحة لكن اللى مخوفنى من الهيونداى انها كورى مع انها عجبانى جدا و بالنسبة للانسر انت عارف طبعا اليابانى و هل السيارات دى فى الخليجى فعلا كويسه لو اشتريتهم من هنا و لا المصرى احسن .... أرجو الافادة
طبعا ال لانسر افضل بكتير
وبياعه فى مصر جدا وقطع غيارها فى كل مكان
وال لانسر الخليجى كويسة برده
لو محتاج وسع صالون يبقى ماتركس
لو مش محتاج الوسع بتاع الصالون بتاع الماتركس يبقى هات لانسر
لو سمحت انا محتاج الافضل فيهم من كل الجوانب على سبيل المثال( الثبات و العفشة و الموتور والكماليات و استهلاك البنزين) مش بس الصالون اكيدهو الفرق و خاصة ان فى اختلاف فى بلد الصنع للسياراتين .. معلش انا تاعبكم معايا بس فانا فعلا محتاج خبرة شخص فى السيارات و الخليجى بالذات .
يبقي اللانسر
الثبات معرفش الماتركش ثباتها عامل ازاى بس الانسر كثبات حلوهاقتباس:
المشاركة الأصلية كتبت بواسطة eslam206
العفشه :من حيث قوه التحمل يبقى لانسر ومن حيث النعومه اعتقد ان الاثنين زى بعض
المتور :لانسر بالتأكيد
الكماليات :زى بعض
الامان : لو المقارنه ده بين عربتين الوكيل المصرى هيبقى لانسر لان الانسر فيها اير باج وفرامل abs لو الماتركس الخليجى فيها الحاجات ده يبقى الاثنين متساوين
استهلاك الينزين الانسر بتعمل فى حدود180فى الصفيحه والماتركس الاتوماتيك بتعمل فى حدود 160 كم فى الصفيحه.
انا عن نفسى الى يخلينى افكر فى الماتكرس الوسع بتاعها فقط غير يبقى الانسر احسن بكل تأكيد
[QUOTE]الثبات معرفش الماتركش ثباتها عامل ازاى بس الانسر كثبات حلوه
العفشه :من حيث قوه التحمل يبقى لانسر ومن حيث النعومه اعتقد ان الاثنين زى بعض
المتور :لانسر بالتأكيد
الكماليات :زى بعض
الامان : لو المقارنه ده بين عربتين الوكيل المصرى هيبقى لانسر لان الانسر فيها اير باج وفرامل abs لو الماتركس الخليجى فيها الحاجات ده يبقى الاثنين متساوين
استهلاك الينزين الانسر بتعمل فى حدود180فى الصفيحه والماتركس الاتوماتيك بتعمل فى حدود 160 كم فى الصفيحه.
انا عن نفسى الى يخلينى افكر فى الماتكرس الوسع بتاعها فقط غير يبقى الانسر احسن بكل تأكيد[QUOTE]
انا متشكر اوى على ردك و فعلا استفدت لكن عندى سؤال كمان ايه الفرق بين العفشه الرياضيه اللى فى اللانسر المصرى و العفشه العاديه اللى فى الخليجى و ايهما افضل و هل فى خليجى اماراتى بعفشه رياضيه ؟
عفشه المصرى هيه هيه عفشه الخليجى بالضبط
الاختلاف فى العفشه بين 1300 و 1600 لاكن ال1600 كله عفشه واحده سواء كلاسيك او هاف سبورت او سبورت مانوال او اوتوماتيك
متشكر يا باشا و اسف على تعبك معايا لكن العربيه اللى انا شفتها هنا فى الامارات اللانسر الخليجى ما كانش فيها لا جنوط سبور( مجرد طاسات ) و لا جناح و كانت رقم 2 فقلت ممكن اضيف عليها الجنوط السبور و الجناح من بره مش من التوكيل عشان غالى طبعا . . . هل ممكن الجنوط السبور تأثر على عفشة السياره و هل لوحطيتها بقت العفشة رياضية و لا لازم كمان المساعدين
توكل على الله ركب الجنوط بس هات نفس المقاس
عندنا ال1600 بكلاسيك بتزل بجنوط 15 بطاسات والهاف سبوت والسبوت بتنزل بجنوط سبور 15 برضو ونفس الكاوتش
طب ما تجيبها هاف سبوت علطول وخلاص لو الفرق مش كبير
هنا يا باشا فى الامارات السيارات فئات 1 و 2 و 3 سواء فى ال 1300 او فى ال 1600. . .على سبيل المثال لانسر 1600رقم 1 بجنوط سبور و فتحة سقف ب بحوالى 56ألف درهم و لانسر1600 رقم 2 من غير جنوط سبور و لا جناح ب 52000 و رقم 3 ب 51 الف درهم زيها بس فرق الريموت كنترول بس و لو جبت يا باشا رقم 1 بالاضافه لفوائد البنك هيبقى عديت ال 60 الف درهم و السياره لانسر مش تويوتا مثلا او نيسان. . فاهمنى و انا قلت لو كده اجيب رقم 2 و ابقى ازود انا الجنوط و الجناح من بره على مهلى و خلاص