الموضوع: دخان من الشكمان عند التدوير و العربية بتاكل زيت

السلام عليكم
عربيتي افيو 2006 عاملة 247 الف كيلو و كل ما ادورها و المتور بارد يطلع دخان ابيض من الشكمان حبة صغرين مش كتير و بعديها بيخلص و كمان المتور بياكل زيت في الاول قلت عشان انا كنت بحط زيت تخليقي في عربية ماشية كتير فنقلت لزيت موبيل 5 المعدني و كانت لسه بتاكل زيت بس اقل. قلت يمكن عشان انا ديما بحرق جامد و بنقل علي ار بي ام 5 بطلت حرق تمام لمدة اسبوعين و لسه الزيت قل.

هل دية اعراض طقم شمبر ولا ممكن تكون حاجة تانية؟ مع العلم اني لم الاحظ اي فرق في السحب في الفترة الاخيرة و لو محتاجة طقم شمبر ينفع استني علية ولا لازم يتعمل فورا؟

حاجة تانية ممكن تكون مهمة لما كانت العربية عاملة 220 الف كيلو كان الزيت بيقل برضو و كان في زيت كتير علي المتور غيرت جوان وش سلندر و الزيت بطل يقل و مبقاش في زيت علي المتور لكن دلوقتي بلاقي شوية زيت قليلن علية و لقيت شوية علي المروحة كمان مش عارف من اية

لو عملت اختبار كبس هعرف وﻻ بشاير شمبر و صببات ممكن تقلل الكمبروسين؟ و محدش يعرف مكان اعملو انا ساكن عند جامعة القاهرة