الموضوع: شراء سياره زيرو

مساء الفل على جميع الاعضاء الكرام
انا معايا نوبيرا 2 ونويت البيع واشترى زيرو بس محتار اشترى ايه هل اشترى أوبترا ولا نيسان صنى للعلم انا معايا 125000 جنيه ياريت النصيحه وشكرا

كان زمان ومش من زمان قوى يعنى من 3او 4 سنين كان منتدى نايل موتورز هو اللى بنسهر عليه يوميا وكان الاعضاء تحس أن بينهم علاقه حب وموده وتحس انهم خايفيين على بعض لما كان الواحد يحصل معاه اى حاجه فى عربيته تلاقيه علطول بيوصف الى حصله وفى نفس الوقت تلاقى كل الاعضاء معاه وكأنى اللى حصل ده مش معاه لوحده تشعر كأنه حصل مع الكل وزياده على ذلك كنا نحدد مكان للتنزه والفسحه مع الاعضاء حتى يسير بينهم تعارف وصداقه على أرض الواقع أما الان فانا أشعر بالوحده فى المنتدى وهذا مزعلنى بس هى دى الحقيقه اللى نحن عايشنها الان وهى الغربه .. بصراحه المنتدى كان جميل جدا وكان بينفع ناس كتير من ناحيه الاصلاحات وعيوب السيارات وكذلك فى حاله الشراء ..كان المنتدى هو عباره عن مرآه لكل واحد فينا عندما تواجهه مشكله ما فى السياره.. وها أنا الان عملت مشاركه منذ يومين وكأن شيئا لم يحدث كان زمان عندما تشكو من شىء كان المشاركات تأتيك فى الحال مش عارف أيه اللى حصل ربما كثره المشاكل التى نواجهها فى حياتنا اليوميه هى التى أدت الى ذلك ..شكرا من جميع أعضاء المتدى الكرام ان شاء الله سوف أعتمد على نفسى وعلى خبره بعض المعارف فى عمليه الشراء