ما هو شعورك عندما ركبت الطائرة لأول مرة في حياتك

انا مسافر يوم 21. طيران سعودي. مرعوووب جدا من الطياره. غير الخوف منها

للاسف انا عندي حاله مزمنه مسببالي ازمه طول حياتي.. شعور الغثيان والقيئ ملازمني في معظم يومي... لما اقوم من النوم بيستمر نص ساعه

ولما اركب اي نوع موصله بريه... باص. تاكسي مترو قطر.. اي حاجه لازم بطني تقلب طول الطريق وابقي عايز ارجع.. بتغلب أحيانا علي المشكله دي يحقنه اسمها برمبلان. او برشام اسمه درامنيكس بس طبعا مش كل الاوقات بيبقا متوفرين وبالتالي بتعب اوي خصوصا كمان لو شميت ريحت بنزين او عطر. فوااح


معلش انا تشعبت كتير.. الي همني دلوقتي الموصلات بتتعبني كدا. امال هعمل ايه في الطياره . واتغلب ازاي علي شعور الخوف والغثيان

ومتنسوش تجوبو بردو علي السؤال شعوركم ايه لما ركبتو طياره اول مره وتعبتو ولا لاء

أنا سافرت طيران كتييير
أول مرة كنت مستمتع جدا ومحستش بأي ملل
بعد ما اتفرجت على تقارير الحوادث الجوية بتاع ناشيونال جيوجرافيك بقيت اترعب طول الطريق :)
متقلقش هي الإقلاع والهبوط بس هما اللى صعبين شوية، غير كده بتحس إنك ع الأرض عادي

تروح و تيجى بالسلامة .... تعامل مع الامر انه عادى جدا .... و متقلقش نفسك ... و حاول متملاش بطنك قبل ما تركب الطائرة ... و حيكون فيه كيس ورق فى ظهر الكرسى المقابل ليك .... استعمله لو حبيت ترجع .. و ان شاء الله الدنيا حتكون كويسة

مفيش تعب ولا حاجة الطيارة مجرد انترية متحرك ...الحوار كلو في الهبوط والاقلاع ولو طيار كويس ولا هتحس بهبوط ولا اقلاع

عامةً اعتقد الناس اللي بتسافر كتير هيقلك شعور ممل وانتا قاعد حاسس ان الطيارة مبتتحركش وانتا عايز توصل بسرعة هههه

تمام طيب هو وقت الاقلاع بياخد قد اية والهبوط قد اية . يعنى الفترة الى هحس فيها بتعب

عادي جدا بس بلاش تاكل كتير قبل الطيارة ب 4 ل 6 ساعات
وتاخد الحقنة او البرشام برضو قبل الطيارة
وماتحطش الموضوع في دماغك واستمتع وانطلق براحتك الاقلاع والهبوط لو مفكرتش فيهم مش هاتحس بيهم اساسا
وعموما هو بيستغرق دقيقة او دقيقة ونصف

اقتباس:

---

المشاركة الأصلية كتبت بواسطة pepo2011

عادي جدا بس بلاش تاكل كتير قبل الطيارة ب 4 ل 6 ساعات
وتاخد الحقنة او البرشام برضو قبل الطيارة
وماتحطش الموضوع في دماغك واستمتع وانطلق براحتك الاقلاع والهبوط لو مفكرتش فيهم مش هاتحس بيهم اساسا
وعموما هو بيستغرق دقيقة او دقيقة ونصف

---

ربنا يطمنك بس انا عايز اقلك لما اكون راكب موصلة ويكون طلع كوبرى .. فى نزلة الكبرى بحس كان جسمى بيتسحب لتحت وبتخض :d

ثواني‏ ‏على‏ ‏المدرج‏ ‏اقلاع‏ ‏وزيهم‏ ‏هبوط‏ ‏يعني‏ ‏مش‏ ‏حتلحق‏ ‏تخاف‏ ‏ولا‏ ‏حاجه‏ ‏وابقى‏ ‏خد‏ ‏من‏ ‏الدوا‏ ‏بتاعك‏ ‏قبل‏ ‏الاقلاع‏ ‏علشان‏ ‏موضوع‏ ‏الدوخه‏ ‏اللي‏ ‏عندك‏ ‏ودمتم

ركوب الطياره ممتع جداً ما تقلقش

بالعكس أنا باحب الطيارات جداً وأتمنى أركبها كتير

خد معاك لبان وإمضغه قبل وأثناء الهبوط عشان الضغط بيتغير كتير ساعتها وممكن ودانك تتسد شويه

بالتوفيق

في الاقلاع بس بتحس بشوية طرقعة في الودن عشان اختلاف ضغط الهوا, غير كده غمض عينيك و مش هتحس بحاجة..

بخصوص الاذن .. واحد قلى حط فيها قطن وانتا راكب

انا لسة جى من عند دكتور انف واذن وحنجرة

اول مرة اكشف عند دكتور فى التخصص دا

قلى التهاب شديد فى الجيوب الانفية وفى الحنجرة وهيا الى مسببالك الموضوع دا

يارب يطلع كلامة صح هو كتبلى علاج وبخاخ وحاجات كدا وطلب 2 تحليل

اقتباس:

---

المشاركة الأصلية كتبت بواسطة 3abdo.it

ربنا يطمنك بس انا عايز اقلك لما اكون راكب موصلة ويكون طلع كوبرى .. فى نزلة الكبرى بحس كان جسمى بيتسحب لتحت وبتخض :d

---

انا مش عايز اخوفك , بس طبعا الاحساس ده هايكون قوي في الطيارة , وانت وحظك بقى مع الطيار , فيه طيارين محترمين بيخلو حركة الطيارة بحساب قوي عشان موضوع السحبه ده , وفيه طيارين تانيين بيفتكرو نفسهم راكبين فايتر , ده غير مطبات الهوا اللي بتقابل الطيارة في نص الرحلة وبتغربلها

انا من النوع اللي بيحس جامد قوي بالسحبة دي و بتضايق منها جدا , بس ماباليد حيلة , بقعد ادعي ان ربنا يسلم لغاية ماوصل

اقتباس:

---

المشاركة الأصلية كتبت بواسطة a_h_m_a_d

انا مش عايز اخوفك , بس طبعا الاحساس ده هايكون قوي في الطيارة , وانت وحظك بقى مع الطيار , فيه طيارين محترمين بيخلو حركة الطيارة بحساب قوي عشان موضوع السحبه ده , وفيه طيارين تانيين بيفتكرو نفسهم راكبين فايتر , ده غير مطبات الهوا اللي بتقابل الطيارة في نص الرحلة وبتغربلها

انا من النوع اللي بيحس جامد قوي بالسحبة دي و بتضايق منها جدا , بس ماباليد حيلة , بقعد ادعي ان ربنا يسلم لغاية ماوصل

---

لا ولا يهمك متخوفنيش انا اوردى خايف ههههههههه

اقتباس:

---

المشاركة الأصلية كتبت بواسطة a_h_m_a_d

انا مش عايز اخوفك , بس طبعا الاحساس ده هايكون قوي في الطيارة , وانت وحظك بقى مع الطيار , فيه طيارين محترمين بيخلو حركة الطيارة بحساب قوي عشان موضوع السحبه ده , وفيه طيارين تانيين بيفتكرو نفسهم راكبين فايتر , ده غير مطبات الهوا اللي بتقابل الطيارة في نص الرحلة وبتغربلها

انا من النوع اللي بيحس جامد قوي بالسحبة دي و بتضايق منها جدا , بس ماباليد حيلة , بقعد ادعي ان ربنا يسلم لغاية ماوصل

---

لازم الطيار يعمل السحبة دى فى بداية حركته من ممر الاقلاع ... و ده نتيجة احساسك بالتسارع ... ممكن حضرتك تسند دماغك على الكرسى و تغمض عينيك و تسترخى خلص و ممكن تنام

اول مرة كانت ممتعة جدا وكان احساسى انى عايز اسوق الطيارة هههههه المضيفة كانت بتتحايل عليا علشان اقفل الموبايل وانا ابدا حموت عايز اصور فيديو اقلاع الطيارة وفعلا صورته دى المرة الاولى ...
بعد كدة شعور بالملل ببقى هاين عليا اطلب من الكابتن انه يدوس شوية بنزين علشان نوصل و نخلص بسرعة
...........
اكتر وقت بكرهه فى الرحلة ساعت الاكل ..... لا وما شاء الله الاكلة الشعبية الاولى على الطيارة السمك الفيليه !!!

اكني راكب أتوبيس نقل عام
والأعمار بيد الله

ياريت تبلغ شركة الطيران انك محتاج support للموضوع دا.فيه شركات ممتازه زي Singapore
بيساعدوا الحالات دي.حالتك بتحصل للناس اللي عايشه في جو نضيف زي الريف ويفاجيء بتلوث المدن.في الطرمك البس كمامه عشان فيه ريحة جاز شديده.
وفيه بردك ear plugs عشان انخفاض وارتفاع الضغط، مهم ميكونش عندك كلستروفوبيا
اي رهاب الاماكن المغلقه او الارتفاعات فهتتجنب نظر النافذه.الصعود صعب عشان العجله الشديده والارتفاع السريع والكرسي هيميل ممكن اكتر من ٤٥ درجه. الهبوط بردك والتاتش.
فجهز نفسك.

اقتباس:

---

المشاركة الأصلية كتبت بواسطة mecha

ياريت تبلغ شركة الطيران انك محتاج support للموضوع دا.فيه شركات ممتازه زي singapore
بيساعدوا الحالات دي.حالتك بتحصل للناس اللي عايشه في جو نضيف زي الريف ويفاجيء بتلوث المدن.في الطرمك البس كمامه عشان فيه ريحة جاز شديده.
وفيه بردك ear plugs عشان انخفاض وارتفاع الضغط، مهم ميكونش عندك كلستروفوبيا
اي رهاب الاماكن المغلقه او الارتفاعات فهتتجنب نظر النافذه.الصعود صعب عشان العجله الشديده والارتفاع السريع والكرسي هيميل ممكن اكتر من ٤٥ درجه. الهبوط بردك والتاتش.
فجهز نفسك.

---

الله ينور عليك ... سؤال صغير ... ايه هو الطرمك ده ؟؟!!!

اقتباس:

---

المشاركة الأصلية كتبت بواسطة ahmed_eng2001

الله ينور عليك ... سؤال صغير ... ايه هو الطرمك ده ؟؟!!!

---

ياباشا دا ملعبك.عيب اقول وانت هنا. واللي مربي قرد عارف لعبه هههه .والله اعلم الناس بتطلق طرمق او طرمك علي منطقة المهبط. ياريت تصحح.

اقتباس:

---

المشاركة الأصلية كتبت بواسطة ahmed_eng2001

لازم الطيار يعمل السحبة دى فى بداية حركته من ممر الاقلاع ... و ده نتيجة احساسك بالتسارع ... ممكن حضرتك تسند دماغك على الكرسى و تغمض عينيك و تسترخى خلص و ممكن تنام

---

انام ايه بس ده بيبقى حالتي مايعلم بيها الا ربنا :)

انا عارف ان الطيارة و هي بتعمل take off لازم تشد جامد بس المشكلة عندي في الثواني اللي بعد مالطيارة تسيب ال runway , ودي على فكرة بتختلف من طيار للتاني ,

انا من حوالي شهر كنت جاي من الاقصر للقاهرة , عايز اقلك الطيار كان محترف جدا و محستش معاه بأي مشكلة في السحبة دي خالص وطلع بسلاسة تامة كأنه لسه على الأرض , والله كنت عايز أخده بالحضن

واحد تاني بقى تلاقيه أول مايسيب الممر يقوم فاتح (بنزين) عشان يعلى بسرعة ويديها كمان واحد دوران 180 درجة في نفس اللحظة , أكون أنا بقى ساعتها لازق في الكرسي و مغمض عيني و جازز على سناني وقلبي واقع في رجلي و حالتي حالة

صدقني بتفرق جامد من طيار للتاني

جمد قلبك وتوكل على الله ... الانسان بيكون فى افضل حالاته لما يكون معدته فاضيه ( صايم ) او سندويتش خفيف جدا معكوبايه شاى ... ما تبصش من الشباك وشغل قران او نام او اتفرج على حاجه وعيش حياتك عادى جدا جدا واستمتع .... الموضوع شكه دبوس.

اقتباس:

---

المشاركة الأصلية كتبت بواسطة A_H_M_A_D

انام ايه بس ده بيبقى حالتي مايعلم بيها الا ربنا :)

انا عارف ان الطيارة و هي بتعمل take off لازم تشد جامد بس المشكلة عندي في الثواني اللي بعد مالطيارة تسيب ال runway , ودي على فكرة بتختلف من طيار للتاني ,

انا من حوالي شهر كنت جاي من الاقصر للقاهرة , عايز اقلك الطيار كان محترف جدا و محستش معاه بأي مشكلة في السحبة دي خالص وطلع بسلاسة تامة كأنه لسه على الأرض , والله كنت عايز أخده بالحضن

واحد تاني بقى تلاقيه أول مايسيب الممر يقوم فاتح (بنزين) عشان يعلى بسرعة ويديها كمان واحد دوران 180 درجة في نفس اللحظة , أكون أنا بقى ساعتها لازق في الكرسي و مغمض عيني و جازز على سناني وقلبي واقع في رجلي و حالتي حالة

صدقني بتفرق جامد من طيار للتاني

---

انا حسيت بنفس الاحساسيس اكنى راكب الطيارة وحسيت انى تعبت ... انا حاسس انى هتشحور وهلم عليا الناس فى الطيارة

على فكرة انا بخاف اركب الملاهى جداااااااااااا ..:angelwings: تفتكر دا دليل انى هتشحور :D

اقتباس:

---

المشاركة الأصلية كتبت بواسطة 3abdo.it

انا حسيت بنفس الاحساسيس اكنى راكب الطيارة وحسيت انى تعبت ... انا حاسس انى هتشحور وهلم عليا الناس فى الطيارة

على فكرة انا بخاف اركب الملاهى جداااااااااااا ..:angelwings: تفتكر دا دليل انى هتشحور :D

---

انا مش عايز اقلقك :))

بس طبعا دليل , لأن انا بروح الملاهي مرافق بس و عمري مابقدر أركب حاجه هناك , أخري العربيات المتصادمة :C_laugh[1]:

اقتباس:

---

المشاركة الأصلية كتبت بواسطة A_H_M_A_D

انا مش عايز اقلقك :))

بس طبعا دليل , لأن انا بروح الملاهي مرافق بس و عمري مابقدر أركب حاجه هناك , أخري العربيات المتصادمة :C_laugh[1]:

---

وكانك تتحدث عنى :POINTIy2[2]::POINTIy2[2]:

السلام عليكم
إسمح لي أولا أن أدعو لحضرتك بعمره مقبوله و ذنب مغفور
أتكلم من منظور شخص يشبه لحضرتك جدا من حيث التعب في الملاهي و المواصلات
لظروف العمل أسافر دوريا بالطائرة و خلاصه تجربتي للتعامل مع الطائره:
* حاول ألا تكون ممتلئ البطن عند ركوب الطائره...4 ساعات قبل الرحله تكون آخر وجبه و لو إستطعت إستخدام حمام المطار قبل الصعود يكون أفضل لصغر حمام الطائره و صعوبه إستخدامه و لضمان عدم إحتياجه طوال مده الرحله
** سدادات الأذن مهمه جدا و لها دور رائع في تقليل الإحساس بإختلاف الضغط
ضعها من لحظه صعودك الطائره حتي لحظه نزولك منها
الطريقه المثلي هي أن تقوم ببرم السداده بالسبابه و الأبهام حتي تصبح رفيعه جدا و تشد صوان الأذن للخارج برفق تم تضع السداده داخل الأذن و تنتظر قليلا ستجدها تمددت داخل الأذن و أحكمت إغلاقها تماما
مع ملاحظه إستخدام اللبان في حالتي الإقلاع و الهبوط او علي الأقل حاول أن تبتلع ريقك في لحظات الإحساس بضغط علي طبله الأذن
***تجنب القراءه و النظر خارج الشباك و من الأفضل لك حجز كرسي علي الممر لسهوله القيام و التحرك أثناء الطيران لتجنبب الملل الناتج من الجلوس طوال الرحله و لضمان عدم النظر خارج الطائرة...إذا إستطعت النوم فقد يكون أفضل حل حتي لو تغميض العين فقط قد يريح أكثر
لو إستطعت الإنهماك في حديث مع شخص بجوارك قد ينسيك قلق الرحله و يقصر عليك طول الوقت
****أطمئن حضرتك الوقت من القاهره لجده تقريبا حوالي ساعتين و المسار غير مشهور بالمطبات الهوائيه بمشيئه الله

آسف للإطاله و لكن رجاءا لا تنسي الدعاء لبلدنا بصلاح الحال و أن يرد المسلمين إلي دينه ردا جميلا
جزاكم الله خيرا

ولا يهمك انت تحط سماعات فى زدنك وتسترخى .....مستنينك لما ترجع تحكيلنا

نزل لعبة محاكة طيران على التليفون و العب بيها.
انا عندى extreme landings

اقتباس:

---

المشاركة الأصلية كتبت بواسطة Mecha

ياباشا دا ملعبك.عيب اقول وانت هنا. واللي مربي قرد عارف لعبه هههه .والله اعلم الناس بتطلق طرمق او طرمك علي منطقة المهبط. ياريت تصحح.

---

احنا بنتلعم من بعض يا باشا ..... مدرجات الهبوط و الاقلاع كانوا بيسموها runway ... احتمال يكونوا بيسموها طرمك .. و الله اعلم :F_eyeb1[1]:

ان شاء الله حعمل موضوع فى قسم الدفع الرباعى و محتاج الاستفادة من خبرتك فى محركات الديزل :)

تقبل احترامى

اقتباس:

---

المشاركة الأصلية كتبت بواسطة a_h_m_a_d

انام ايه بس ده بيبقى حالتي مايعلم بيها الا ربنا :)

انا عارف ان الطيارة و هي بتعمل take off لازم تشد جامد بس المشكلة عندي في الثواني اللي بعد مالطيارة تسيب ال runway , ودي على فكرة بتختلف من طيار للتاني ,

انا من حوالي شهر كنت جاي من الاقصر للقاهرة , عايز اقلك الطيار كان محترف جدا و محستش معاه بأي مشكلة في السحبة دي خالص وطلع بسلاسة تامة كأنه لسه على الأرض , والله كنت عايز أخده بالحضن

واحد تاني بقى تلاقيه أول مايسيب الممر يقوم فاتح (بنزين) عشان يعلى بسرعة ويديها كمان واحد دوران 180 درجة في نفس اللحظة , أكون أنا بقى ساعتها لازق في الكرسي و مغمض عيني و جازز على سناني وقلبي واقع في رجلي و حالتي حالة

صدقني بتفرق جامد من طيار للتاني

---

اسمحلى بحته فنية صغيرة كدة على اد ما الذاكرة تسعفنى .....
الثوانى الى بعد ما الطيارة تسيب مدرج الاقلاع ... المحركات تقريبا بتكون على 95% من طاقتها القصوى ... و سرعة الطائرة تقريبا بتعدى ال 200 كم/ساعة ( تختلف من طراز لاخر ) و مقدمة الطائرة بترتفع بزاوية تختلف من طائرة لأخرى حسب الوزن و سرعة الرياح و عوامل اخرى ... و حتى الان ... مفيش فرق بين طيار و اخر .... بس فيه فرق بين طائرة و اخرى

لو حضرتك راكب طائرة مروحية زى البمبادور و ال -8 .. مش حتحس بالحاجات دى خالص ... ارتفاع سلس جدا

و من الطبيعى جدا ان الواحد يحس بشوية دوخة و احساس بالنوم نتيجة الاقلاع .... نتيجة ان الدم بيبتعد قليلا من المخ .... انا عن نفسى بلزق دماغى فى مسند الكرسى و استسلم لاحساس النوم ده و انام بالفعل

لو حضرتك حساس شوية من الموضوع ده .... جرب تاخد كرسى فى مقدمة الطائرة

و ان شاء الله ميكنش فيه خوف و لا حاجة :)
تقبل مرورى و احترامى

اول مره اركب الطياره كنت مرعوب زيك بس لما جربتها عايز اقولك مكنتش عايز انزل و نفسي الطيار يلف و يرجع تاني
بعد كده عرفت انك لو مش عايز تحس بحاجه في الاقلاع ميل راسك على الكرسي و غمض عينيك لمدة 1 دقيقه مش هتحس بالاقلاع ابدا و الهبوط بيبقى عادي مفيهوش مشاكل و موضع الهبوط بيفرق فعلا من طيار للتاني يعني في مره كنت مسافر من الاقصر لشرم مع طيار عمل هبوط حرير لدرجة ان الاجانب صفقوا ليه جامد و مره تاني كان من الغردقه لشرم مش عايز اقولك اسف في اللفظ كنت راكب مع عربجي عجل الطياره لما لمس الارض عامل زي الطبله الافريقي ف متخفش و استمتع بالرحله

اول مره اركب الطياره كنت مرعوب زيك بس لما جربتها عايز اقولك مكنتش عايز انزل و نفسي الطيار يلف و يرجع تاني
بعد كده عرفت انك لو مش عايز تحس بحاجه في الاقلاع ميل راسك على الكرسي و غمض عينيك لمدة 1 دقيقه مش هتحس بالاقلاع ابدا و الهبوط بيبقى عادي مفيهوش مشاكل و موضع الهبوط بيفرق فعلا من طيار للتاني يعني في مره كنت مسافر من الاقصر لشرم مع طيار عمل هبوط حرير لدرجة ان الاجانب صفقوا ليه جامد و مره تاني كان من الغردقه لشرم مش عايز اقولك اسف في اللفظ كنت راكب مع عربجي عجل الطياره لما لمس الارض عامل زي الطبله الافريقي ف متخفش و استمتع بالرحله

اقتباس:

---

المشاركة الأصلية كتبت بواسطة ahmed_eng2001

احنا بنتلعم من بعض يا باشا ..... مدرجات الهبوط و الاقلاع كانوا بيسموها runway ... احتمال يكونوا بيسموها طرمك .. و الله اعلم :F_eyeb1[1]:

ان شاء الله حعمل موضوع فى قسم الدفع الرباعى و محتاج الاستفادة من خبرتك فى محركات الديزل :)

تقبل احترامى

---

ترماك هو الأسم الدارج لموقف الطائرات فى المطارات و لكن المصطلح يعنى فى معناه الأوسع طبقة الأسفلت الممهدة

موقف_الطائرات

https://en.wikipedia.org/wiki/Tarmac

بما ان الموضوع في الموصلات كلها مش الطيارة (الطيارة تعتبر اقل في الاحساس بالحركة من الميكروباص مثلا)
غالبا انت كده محتاج تروح ملاهي كتير علشان تتعود علي الحركة ومعدتك تتعود علي كده
والله اعلم
(قد اكون بفتي طبعا)