الموضوع: افيدونا :محتار بين فورد فوكس ايكوبوست ٢٠١٥&اوبل استرا&مازدا 3 &تويوتا كورولا...

المشاركة الأصلية كتبت بواسطة ajaxz

١- اوبل انسيجنيا فئة اعلى منهم كلهم فا مفيش مقارنة
٢- قطع غيار التويوتا كرولا بقى اعلى من الالماني و مش معمر زيه.
٣- اعادة البيع للالماني في تحسن مستمر بسبب نقطة ٢
٤- لو التسارع مهم بالنسبالك، يبقى انصحك تجربهم، الاسترا بطيئة في التسارع من ٦٠ ل ١١٠، غير كدة كويسة.
٥- لو تقدر تجيب الانسيجنيا، هاتها وش، ده بعد المقارنه بالعربيات التانية في نفس الفئه زي بيجو٥٠٨ و فورد فيوجن
٦- الفوكس محترمة جدا و تعتبر اسرع حاجة في فئتها.
٧- بص على الدرايف اسيست سيستمز في كل واحدة، زي ال ESP, cruise control و طبعا هتلاقيها اعلى في الالماني
٨- في رأيي، تبعد عن التويوتا كورولا مهما كان اختيارك لأنها مبتتميزش باي حاجة غير اعادة البيع و مش اخر موديلات كمان.

اولا مش حاخدها بأوفر بريسولا حاجة لان سعرها في التوكيل ٢١١.٠٠٠ الفءة التانية trend sportو قبل ما تمنها يغلي ف الفترة الاخيرة كان تمنها نفس الفءة ب ٢٠٨.٠٠٠. ثانيا تمن الانسيجنيا بدايتها ٢٥٠.٠٠٠ يعني فرق بينها وبين الفوكس حوالي ٣٩.٠٠٠ هل الفرق بين الفوكس والانسيجنيا يستاهل ؟،كمان الاتنين ألماني والفورد ١٠٠٪ الماني بالكامل قطع غيار و تقفيل، وخصوصا ان في ناس اشتكت من الانسيجنيا ثالثا ايه رأيكم ف الايكوبوست كمحركات تربو علي الأخص لان ناس كتير و مواقع كتير بتشكر في الموتور ده بالذات وانه بقاله ٣ سنين أفضل محرك هل الكلام ده صحيح

المشاركة الأصلية كتبت بواسطة k.ossama

مكتوب فى كتالوج العربية على الأقل 95.
لكن التوكيل بيقول 92 مافيش مشكلة، بس مش عارف بناء على إيه

التوكيل بيقول ان الفوكس بتقبل ال ٩٢ بدون اي مشاكل للعربية و بيديك قوة ١٥٠ حصان و لو حطيطلهابنزين ٩٥ حتديك اداء ١٨٠ حصان ده كلام التوكيل بتاعها وبياكدولي الكلام ده و بيقولوا اغلب العربيات الكتالوج بينزل ببنزين ٩٥ و بيقبل ٩٢ عادي جدا والله واعلم

المشاركة الأصلية كتبت بواسطة k.ossama

اللى قال لحضرتك الكلام ما عندوش اى معلومات عن العربية ولا عن العربيات عامة. اقول لك ليه....
شوف يا سيدى.....الفوكس موتورها 148 حصان ده من الكتالوج ويروشور التوكيل فى المعارض بتاعته اصلا. ده فى احسن الظروف اللى هو 95 زى ماهو قايل فى الكتالوج. يبقى لو مع 92 اكيد حيكون اقل 148 حصان.
تانى حاجة مافيش عربية نحط لها بنزين أعلى 3 أوكتين تزيد 30 حصان (21%) أبدا.
فى عربيات جديدة كتير واوروبى كمان كتالوجاتها كاتبة ينفع من اول 91 مثلا. النقطة لما يبقى كاتب على الأقل 95 يبقى لو حصل حاجة فى الموتور مثلا وفورد قالت للتوكيل شوف لى البنزين اللى فى العربية (زى ما مرسيدس عملوا) يبقى مسؤولية مين ساعتها

كلام محترم انا من ناحية تاني سالت ناس معاها العربية وبيقولوا مفيش اي مشكلة مع ال92 و التوكيل اكدوا مرة تاني و لو حضرتك سالت وعرفت اي حاجة عن الموضوع البنزين ده ياريت تقولي لان العربية عجباني جدا كسعر وسط بين فئات الاسترا و المازدا و الكورولا و غيرهم و فئات الانسيجنيا و البيجو508 و الباسات و غيرهم

المشاركة الأصلية كتبت بواسطة K.Ossama

مكتوب فى كتالوج العربية على الأقل 95.
لكن التوكيل بيقول 92 مافيش مشكلة، بس مش عارف بناء على إيه

فى كلام مش عاجبنى من الساده الافاضل اعضاء المنتدى فى الموضوع ده قصه تمجيد الالمانى على حساب اليابانى

شوف ..... كفئات ممكن نقول ان الانسجنيا حرام تتحط فى المقارنه دى لأن دى فئة اعلى ممكن تتقارن مثلا بال بيجو 508 ( خدها فى الاعتبار)

الفورد التربو موتوره حلو عشان تربو مش عشان " المانى "
اى عربيه تربو احسن من العربيات التنقس الطبيعى بحكم التكنولوجيا

الكورولا اللى اتشتمت فى اول التعليقات هيا اعلى مبيعات على مستوى العالم كعلامه تجاريه و ده مش من فراغ
تكنولوجيا و اعتماديه و قطع غيار و اداء و ركن ذاتى و اللى يقول غيلا كده اشك انه ركبها فبل كده

الفورد فتيس زى الزفت كأنه dsg بالظبط و دور عل نت و اقرا
عليها تخفيضات بسبب المشاكل دى

المازدا و الاسترا شكل خارجى و مقصوره داخليه و متعه قياده و ركوبه ..... متسألش على حاجه تانيه