في التوكيل ان لو الفوكس حتحطلها بنزين ٩٢ حتديك اداء ١٥٠ حصان و لو بنزين ٩٥ حتديك اداء ١٨٠ حصان وده برضه كلام التوكيل وبياكدوا ان العربية بتقبل بنزين ٩٢ بدون اي مشاكل للعربية
اولا مش حاخدها بأوفر بريسولا حاجة لان سعرها في التوكيل ٢١١.٠٠٠ الفءة التانية trend sportو قبل ما تمنها يغلي ف الفترة الاخيرة كان تمنها نفس الفءة ب ٢٠٨.٠٠٠. ثانيا تمن الانسيجنيا بدايتها ٢٥٠.٠٠٠ يعني فرق بينها وبين الفوكس حوالي ٣٩.٠٠٠ هل الفرق بين الفوكس والانسيجنيا يستاهل ؟،كمان الاتنين ألماني والفورد ١٠٠٪ الماني بالكامل قطع غيار و تقفيل، وخصوصا ان في ناس اشتكت من الانسيجنيا ثالثا ايه رأيكم ف الايكوبوست كمحركات تربو علي الأخص لان ناس كتير و مواقع كتير بتشكر في الموتور ده بالذات وانه بقاله ٣ سنين أفضل محرك هل الكلام ده صحيح
اللى قال لحضرتك الكلام ما عندوش اى معلومات عن العربية ولا عن العربيات عامة. اقول لك ليه....
شوف يا سيدى.....الفوكس موتورها 148 حصان ده من الكتالوج ويروشور التوكيل فى المعارض بتاعته اصلا. ده فى احسن الظروف اللى هو 95 زى ماهو قايل فى الكتالوج. يبقى لو مع 92 اكيد حيكون اقل 148 حصان.
تانى حاجة مافيش عربية نحط لها بنزين أعلى 3 أوكتين تزيد 30 حصان (21%) أبدا.
فى عربيات جديدة كتير واوروبى كمان كتالوجاتها كاتبة ينفع من اول 91 مثلا. النقطة لما يبقى كاتب على الأقل 95 يبقى لو حصل حاجة فى الموتور مثلا وفورد قالت للتوكيل شوف لى البنزين اللى فى العربية (زى ما مرسيدس عملوا) يبقى مسؤولية مين ساعتها
كلام محترم انا من ناحية تاني سالت ناس معاها العربية وبيقولوا مفيش اي مشكلة مع ال92 و التوكيل اكدوا مرة تاني و لو حضرتك سالت وعرفت اي حاجة عن الموضوع البنزين ده ياريت تقولي لان العربية عجباني جدا كسعر وسط بين فئات الاسترا و المازدا و الكورولا و غيرهم و فئات الانسيجنيا و البيجو508 و الباسات و غيرهم
فى كلام مش عاجبنى من الساده الافاضل اعضاء المنتدى فى الموضوع ده قصه تمجيد الالمانى على حساب اليابانى
شوف ..... كفئات ممكن نقول ان الانسجنيا حرام تتحط فى المقارنه دى لأن دى فئة اعلى ممكن تتقارن مثلا بال بيجو 508 ( خدها فى الاعتبار)
الفورد التربو موتوره حلو عشان تربو مش عشان " المانى "
اى عربيه تربو احسن من العربيات التنقس الطبيعى بحكم التكنولوجيا
الكورولا اللى اتشتمت فى اول التعليقات هيا اعلى مبيعات على مستوى العالم كعلامه تجاريه و ده مش من فراغ
تكنولوجيا و اعتماديه و قطع غيار و اداء و ركن ذاتى و اللى يقول غيلا كده اشك انه ركبها فبل كده
الفورد فتيس زى الزفت كأنه dsg بالظبط و دور عل نت و اقرا
عليها تخفيضات بسبب المشاكل دى
المازدا و الاسترا شكل خارجى و مقصوره داخليه و متعه قياده و ركوبه ..... متسألش على حاجه تانيه
دكتور اندرو
ده برضو كلام التوكيل على الصفحة بتاعته على الفيس بوك. بس مش مستند رسمى لا منه ولا من فورد.
يبقى نسمع كلام الكتالوج