الفورد فوكس ايكوبوست عجباني جدا موتور تربو ايكوبوست cc١٥٠٠&١٥٠ حصان تربو وسعرها ٢١١.٠٠٠٠ حاططها في مقارنة مع اوبل استرا ٢٠١٦ و مازدا ٣ الجديدة و تويوتا كورولا ٢٠١٦ واوبل انسيجنيا ياريت حد يساعدني في الاختيار لأَنِّي جاهز للشراء و محتار جدا خصوصا أني خايف من توكيل فورد في مصر
لو مكانك هختار كورولا
١- اوبل انسيجنيا فئة اعلى منهم كلهم فا مفيش مقارنة
٢- قطع غيار التويوتا كرولا بقى اعلى من الالماني و مش معمر زيه.
٣- اعادة البيع للالماني في تحسن مستمر بسبب نقطة ٢
٤- لو التسارع مهم بالنسبالك، يبقى انصحك تجربهم، الاسترا بطيئة في التسارع من ٦٠ ل ١١٠، غير كدة كويسة.
٥- لو تقدر تجيب الانسيجنيا، هاتها وش، ده بعد المقارنه بالعربيات التانية في نفس الفئه زي بيجو٥٠٨ و فورد فيوجن
٦- الفوكس محترمة جدا و تعتبر اسرع حاجة في فئتها.
٧- بص على الدرايف اسيست سيستمز في كل واحدة، زي ال ESP, cruise control و طبعا هتلاقيها اعلى في الالماني
٨- في رأيي، تبعد عن التويوتا كورولا مهما كان اختيارك لأنها مبتتميزش باي حاجة غير اعادة البيع و مش اخر موديلات كمان.
كورولا طبعا، يكفي إنك هتتعامل مع توكيل تويوتا مباشرة، يعني مفيش أوفر برايس، والاختيار ليك.
الفورد أولهم موتور جبار والمانى بكامل وشياكة قوى جوة وبرة يعاب عليها سعر إعادة البيع ثقافة شعب زى ما بيقولو وبعدها على طول من غير ما تفكر بس هيا فئة أعلى من الفوكاس بس عربية من الاخر اوبل انسجينا حكاية وغير كدة ما تفكرش وسيبكككك خالص من كورولا لانها عادية قوى وتقفليها وسخ خصوصا الشنطة غالية على الفاضى خلى البديل بتاعها هوندا سيفيك تحفة جوة وبرة واتفرج عليها وانت تعرفاقتباس:
المشاركة الأصلية كتبت بواسطة dr.andrew
اولا مش حاخدها بأوفر بريسولا حاجة لان سعرها في التوكيل ٢١١.٠٠٠ الفءة التانية trend sportو قبل ما تمنها يغلي ف الفترة الاخيرة كان تمنها نفس الفءة ب ٢٠٨.٠٠٠. ثانيا تمن الانسيجنيا بدايتها ٢٥٠.٠٠٠ يعني فرق بينها وبين الفوكس حوالي ٣٩.٠٠٠ هل الفرق بين الفوكس والانسيجنيا يستاهل ؟،كمان الاتنين ألماني والفورد ١٠٠٪ الماني بالكامل قطع غيار و تقفيل، وخصوصا ان في ناس اشتكت من الانسيجنيا ثالثا ايه رأيكم ف الايكوبوست كمحركات تربو علي الأخص لان ناس كتير و مواقع كتير بتشكر في الموتور ده بالذات وانه بقاله ٣ سنين أفضل محرك هل الكلام ده صحيح
الفورد الجديدة موتور شغال مع بنزين 92 فى تربو ممكن تعمل test drive افتكر قطع الغيار ارخص من اوبل
بس موضوع سعر اعادة البيع عشان الانتشار بس عشان الناس متعرفهاش ميزة الفورد عموما العربية تقيلة و الhandling ممتازو و الbody ناشف و السحب اقوى من الموديل الى قبله خصوصا الموتور الجديد الموتور ده فى الفيوجن (فئة اعلى و اكبرمنافس انسيجنيا) و الفوكس فئة اقل منها و فيها الموتور ده فا حلوة طبعا امان و عزل بجد احسن من اليابانى بكتير
لو الإنسيجنيا داخل المقارنة تبقى رقم واحد.
الفوكس ممتازة بس الكنبة ضيقة جدا وتحتاج بنزين 95.
الأسترا برضو ممتازة بس اقل تسارع فيهم.
الكورولا والمازدا طلعهم من المقارنة أساسا.
أكيد موتور الفوكس بياخد 95 بس يا جماعة؟؟
مكتوب فى كتالوج العربية على الأقل 95.اقتباس:
المشاركة الأصلية كتبت بواسطة dr.a.osman
لكن التوكيل بيقول 92 مافيش مشكلة، بس مش عارف بناء على إيه