عايز ميجان حالة شاذة

**ahmad fattoh** · 14-01-2016 09:50 PM

السلام عليكم
كنت عايز اشتري ميجان من 2005 وانت طالع بس تكون حالة شاذة ومش عادة كيلومتر كتير ومش عايز ادفع اكتر من 85 الف
انا كان معايا ميجان من 3 سنين وبعدها اشتريت اسكودا
الفرق بين العربيتين ان الاسكودا مبتعطلش كتير الصراحة زي الميجان
بس كذا واحد صاحبي قالولي ان الميجان قرف-بكسر القاف- ، فيه منها عدوة ميكانيكي ومنها عاشقة للميكانيكي والكهربائي طبعا
فياريت لو حد عنده حاجة حلوة يرد عليا ويسيبلي رقم تليفونه وانا هاكلمه ان شاءالله السبت القادم لاني بكره عندي شغل طول اليوم
وشكرا مقدما لكل اللي هيشاركني براي او نصيحة (رايكم يهمني جدا جدا ونصيحتكم يتم تقديرها لاقصى مدى )او اللي عنده عربية حلوة

**blackhorse17** · 15-01-2016 08:04 AM

الميجان كعربية ممتازة جدا كشكل و ثبات و نعومة ومتور بصراحة عربية سابقة عصرها لكن موضوع الاعطال ده موجود بس مش عيب فيها بصراحة ده عيب من الناس اللى بتهمل فى صياناتها و بتركب قطع غيار مضروبة
وعموما لو لقيت عربية ما تكتفيش بكشف الكمبيوتر بس لان ديه غلطة انا وقعت فيها
لازم تكشف كمبيوتر ولو انت قريب من المعادى روح اكشف عند رامى والشيخ و بعدين تطلع ع الشارع اللى وراهم عند محمود بتاع العفشة و الزوايا يكشفلك على العرية كلها من تحت و بعدين تطلع على مركز الفريق الاول عمرو ومحمود برضو فى الشارع اللى ورا الزوايا دول ناس محترمين جدا ويكشفولك على الفرامل و الحساسات و التروس و الفتيس و كل حاجه معلش انت ممكن تاخدلك 3 ساعات فى الكشف ده بس تبقى متطمن ومرتاح