-
سؤال لخبراء الكورى
لاحظت ان موبيل 1 بيقل بعد 8000ك فكنت بزود النص كيلو اللى فاضلين والنهارده وانا بغير زيت فى موبيل الفنى )حط ال4l كلهم وقالى كده مش هتحتاج تزود تانى ) ولما سألت الميكانيكى حظرنى من موبيل 1 وقالى شديد على المكنه ونصحنى (بشل 3000 واغيره على 2500 )
ممكن اعرف رأيكم فى الكلام ده
-
انا مش فاهم يعني ايه شديد على المكنه !!
ايه الفتي ده
وازاي تغير تخليقي بمعدني خاصة ان الماكنه نضيفة وكويسه
انصحك تغير الميكانيكي مش تغير الزيت
-
زيت موبيل 1 مش حلو
الزيت الكويس زيت شيل ، بعده توتال
وانا حطيت زيت شيل تخليقى كامل عندى
لكن حالياً في زيت جديد موجود في توكيل هيونداى بتنصح بيه
ممكن نستعمله
-
يعنى ايه حضرتك زيت شديد على المكنه ؟ هههههه , ده تعبير مش علمى خالص , اللى اعرفه انه يتكلم و يقول هل اللى بتحطه من موبيل لزوجته مناسبه و لا لا ؟ لو لزوجته اعلى من المطلوبه للمحرك شيء طبيعى انه هاينقص و معدل البخر هايكون عالى لانه المقاومه للزوجه هاتكون عاليه و الزيت درجة حرارته هاتعلى و انا اعتقد انك بتحط من موبيل 1 لزوجة 5w50 و دى لزوجه عاليه طبعا على موتورك .
الكوري زى الياباني احسن لزوجه له 5w30 و ده متوفر في موبيل او 0w40 و ده برضه موجود . ابعد عن توتال نهائيا , أسوأ زيت و اقلهم تكنولوجيا و تطور .
-
أولا.. الموضوع ما يفرقش أبدا بين عربية كوري أو ياباني أو أي جنسية تانية...
ثانيا... الزيت اللي يشتغل معاك صح هو اللي مواصفاته مكتوبة في الكتالوج... فحضرتك هتشتري أي زيت له نفس مواصفات الكتالوج من أي ماركة مهما كانت...
الماركة مش بتفرق ما دام المواصفات مضبوطة.
ثالثا .. وده الأهم... ما تسمعش لكلام حد غير الكتالوج... أي نصيحة من ميكانيكي ولا عامل تغيير الزيت ولا من أي شخص معاه عربية مختلفة عن عربيتك بتبقى نصيحة مضللة.. لإن كل واحد له ظروف مختلفة عن التاني (توصيات كتالوج - ظروف تشغيل - زيوت متاحة في السوق).
لو عايز تعرف إزاي تختار الزيت المناسب أنصحك تدخل على الموضوع ده:
http://www.nilemotors.net/Nile/341680-a.html
حضرتك ما قلتش بردو العربية نوعها إيه علشان نساعدك تختار الزيت المناسب.. والأفضل من ده كله إنك تصورلنا صفحة الزيت في الكتالوج.
...
-
بالنسبة لنقص الزيت بشكل عام... فنقص الزيت يعتبر في بعض الأحيان شيء طبيعي في العربيات... خصوصا لو كنت من النوع اللي بيسوق العربية بطريقة رياضية شوية.
أنصحك تدخل على الموضوع ده كمان:
http://www.nilemotors.net/Nile/418186-a.html
...
-
-
لو قدرت تجيب الكتالوج بتاعها هيبقى أحسن بكتير...
عموما... أنا أتوقع إن موتور الماتريكس هو نفسه موتور الفيرنا... فممكن جدا تحط نفس الزيوت الموصى عليها في كتالوج الفيرنا بردو.
دي صورة كتالوج الفيرنا ...
http://www10.0zz0.com/2014/10/19/18/862992544.jpg
مستوى الجودة المطلوب هو API SH على الأقل... يعني تقدر تحط SJ أو SL أو SM أو SN
بالنسبة للزوجة.. فالدرجات المناسبة لجو مصر (حسب الكتالوج) هي:
20W-40 , 20W-50
15W-40 , 15W-50
10W-40 , 10W-50
وكمان 10W-30 لو الجو شتا.
تقدر تحط أي زيت له لزوجة دول... بشرط إنه يكون مقبول من ناحية الجودة زي ما هو مكتوب فوق.
بس الأهم.. يا ريت تتأكد إن كتالوج الماتريكس بيقول نفس الكلام.
...
-
1 مرفق
دي صوره كتالوج عربيتي النترا hd
ايه المناسب في الكتالوج ومناسب مع جو القاهره وكمان العربيه بتتركن كتير
-
انا معايا النترا 2005 الشكل القديم
تقريبا نفس الكتالوج
انا حاطيت زيت Shell 5W30
تخليقى كامل 10000 كيلو متر
ده مناسب جداً فى مصر
لو ملقيتهوش ممكن تحط 5W40
Content Relevant URLs by
vBSEO 3.6.0 PL2