سيارة ب 20.000 إستطلاع رأي في الأفضل وما هي إجراءات نقل الملكية ؟
السلام عليكم أسرة نايل موتورز
قبل ما تقرأ الموضوع رجاءا بس جاوب على الإستطلاع :_Alshmokh22[1]:
دلوقت أنا بفكر أشتري عربية مستعملة وأنا مبعرفش أسوق وماليش أي خبرة ف السيارات ولآ حتى 1% مثلا !!
الفكرة ف اني مستعجل على الشراء اني لآزم أحط الفلوس ف حاجة علشان متتصرفش !
المبلغ الموضوع 20.000 تطلع ل 22.000 لو لحاجة مش هصرف عليها أي فلوس بعد ما أشتريها
الإحتياج .... مشاوير صغيرة وممكن سفر مرتين ف الشهر لمسافة 100 كم رايح جاي مثلا
المشاوير الصغيرة دي ممكن تبقى 10 كم رايح جاي 4 مرات ف اليوم
يعني مش هستهلك كتير
أهم حاجة بالنسبالي
1- تكون موفرة ف البنزين واقتصادية :Copy of m-s5:
2- قطع غيارها والناس اللي بتشتغلها منتشرين مش مهم ف كل حتة بس تبقى سهل ألاقيهم خصوصا ان لو محتاج تغييرات كبيرة فيها هتبقى عند ناس معرفة شغالين فيها ف محافظتي
3- أهم طلب انها تكون شكلها نضيف وحلو لأن أصلا الوسط اللي انا شغال فيه مهم ان أظهر فيه بعربية نضيفة وقيمة :majd(2):
4- محتاجها تكون واسعة خصوصا اني طويل ورجلي كبيرة :F_eyeb1[1]:
5- وده مهم جدا برضه الشرط ده ... مش عايزها تعطل مني ف الطريق علشان هحتاس !! :Zb_sor1[1]:
دلوقت الإختيارات اللي قدامي 4 إختيارات
1- 128 موديل حديث شوية
2- 323 موديل 81 ل 84 (هي رقم 1 بالنسبالي بناءا على آراء ناس كتير)
3- ريجاتا
4- 131
وياريت اللي يختار يقول السبب بناءا على الإحتياجات اللي ذكرتها
وياريت كمان يقولي أفضل مكان أدور فيه فين
ملحوظة (( أنا أعرف شخصيا ميكانيكي بيصلح وبيبيع برضه أكلمه يدورلي على حاجة ولآ أشوف على النت وأكتفي بإني آخده يعاينها معايا )) ؟؟
ملحوظة برضه (( شفت قبل كدة هنا إن ممكن حد ييجي مع اللي بيشتري ويساعده ف المعاينة ياريت اللي يعرفه يدلني عليه بس يكون شخص أمين وخبير علشان اللي هيقوله هعمله ))
الشق التاني بقى من الموضوع
لو حصل وشفت عربية وعجبتني
1- إيه الإجراءات اللي المفروض نمشي فيها علشان أنقل ملكية
2- وإيه قصة التوكيلات
3- وهل هي أفضل ولآ نقل الملكية
4- ونقل الملكية هيكلفني أد إيه وبيتحسب ازاي ؟
ياريت بس بعد إزنكم اللي يجاوب يحاول ميختصرش أنا ف عرض أي كلمة من خبير ف الموضوع ده
يعني اللي عنده علم ميكتمهوش وأي نقطة لو حتى فرعية يقولها هتفيدني برضه
شكرا