الموضوع: ارحمونى وردو ا عليا ... فورد فيستا ولا رينو ميجان بلاى

المشاركة الأصلية كتبت بواسطة ahmed azaizy

انا معايا رينو ميجان بلاى 2016 .. انا هتكلم عن عربيتى لأنى بصراحه معرفش الفيستا
الميجان عربيه جميله وتقريبا هى الفلوانس بس هاتش باك
انا عامل بيها 1000 كيلو فقط ولسه طبعا صعب الحكم النهائى عليها
لكن بشكل مبدأى العربيه حلوه وشنطتها معقوله جدا ومن جوه عاديه (لا واسعه ولا ضيقه)
فخمه طبعا وعاليه جدا عن الارض لدرجه مريحه جدا ومش بتحك فى مطبات الحمد لله وده كان شيئ مهم بالنسبه ليا
الموتور ناعم ولسه هينعم اكتر .. السحب هو ده اللى هيفرق انت نازل من ايه؟؟؟
انا مثلا كنت غير راضى عن السحب لأنى نازل من المانى ,, لكن بدأت اتعود عليه
انا بحس دايما انى مميز فى الشارع لأنى راكب عربيه مش منتشره (دى ميزه وعيب طبعا)
نصيحه اخيره بلاش هاتش باك اصلا لو انت مهتم اوى بسعر اعاده البيع عشان صعب جدا تلاقى حد يدفع فوق الـ150 الف فى عربيه هاتش باك .. السوق المصرى هيقولك يا عم اروح اجيب لانسر شارك الفئه التالته ولو حبيت ابيعها هبيعها فى 24 ساعه!!
اما لو انت زى حلاتى بتركب عشان تستمتع يبقى الميجان صفقه كويسه
انا تحت امرك فى اى استفسار حتى لو حابب تشوف العربيه

متشكر جدا حضرتك تعتبر اكتر واحد افادنى خصوصا انا مش بفكر فى اعادة بيع نهائيا وبعدين انا بفضل الهاتش باك والاستيشين عن السيدان وكنت حجزت الميجان من المصريه ودفعت المقدموكنت هستلمها بع اسبوع بس لغيت الحجز لانى كنت خايف من قطع الغيار سالت على اسعارها لقيتها كويسه جدا وارخص من الكورى استغربت جدا فكنت حابب اعرف مميزات وعيوب العربيه من حد مالك العربيه وكنت بدات اشك ان ده مستحيل بس ربنا اكرمنى بحضرتك ... وعلى فكرة انا ركبت العربيه فى المصريه .. وفى معرص اوتو سنتر بوينت

المشاركة الأصلية كتبت بواسطة medo eldighady

متشكر جدا حضرتك تعتبر اكتر واحد افادنى خصوصا انا مش بفكر فى اعادة بيع نهائيا وبعدين انا بفضل الهاتش باك والاستيشين عن السيدان وكنت حجزت الميجان من المصريه ودفعت المقدموكنت هستلمها بع اسبوع بس لغيت الحجز لانى كنت خايف من قطع الغيار سالت على اسعارها لقيتها كويسه جدا وارخص من الكورى استغربت جدا فكنت حابب اعرف مميزات وعيوب العربيه من حد مالك العربيه وكنت بدات اشك ان ده مستحيل بس ربنا اكرمنى بحضرتك ... وعلى فكرة انا ركبت العربيه فى المصريه .. وفى معرص اوتو سنتر بوينت

تحت امرك فى اى استفسار ..
بس خلينى اقولك على معلومه عشان تبقى عارف كل حاجه .. فى فرق بين قطع الغيار وبين الاكسسوار
يعنى قطع الغيار سعرها مقبول لعربيه اوروبى لكن الاكسسوار غالى جدا جدا
الاكسسوار اللى هو مثلا فانوس او مرايه
انا روحت التوكيل اجيب مرايه فلوانس اللى هى هى نفس مرايه الميجان ولقيت سعرها 3750 ده بدون الغمازه اللى هى لمبه الاشاره اللى فى المرايه!!
طبعا اشتريتها استيراد بـ 500 جنيه من صقر قريش وزى الفل هههههه
لكن خلى بالك الحل ده ممتاز لأنى بتكلم عن فلوانس (منتشره) هتلاقى اكسسوارات استيراد وحاجات بسهوله .. لكن الميجان لا !!
الحل بقى تعمل زى ما انا عملت وأمنت على العربيه فى شركه محترمه وفى حاله لا قدر الله كسر فانوس بقى ولا مرايه ولا ازاز ولا خبطه هتصور العربيه بالموبايل وتعملها على حسابهم واشترى راحه بالك بـ 5000 جنيه

المشاركة الأصلية كتبت بواسطة k.ossama

هى الفوكاس ضيقة فعلا. بس ده ما يخليهاش عربية سيئة....

يا باشا دة رأيي الشخصي ، لأني فعلا مش شايف أي ميزة في العربية دي وأنا جربتها مرتين وفي كل مرة قعدت معايا تلات أيام .... هي لا طالت نضافة الألماني زي الجولف مثلا ولا نعومة الياباني زي السيفيك رغم إن سعرها غالي ونا مش شايف ليها أي ميزة الصراحة غير إن تصميمها شيك من برة والهاندلنج بتاعها كويس لكن غير كدة عربية تعبانة وسيئة وسعرها فيه مغالاه شديدة

المشاركة الأصلية كتبت بواسطة medo eldighady

حضراتكو كده محدش افادنى نهايا بس من كلامكو الفورد وحشة خلاص استبعدتها

لما تسئل عن عربية والناس ترد عليك وتنبهك لعيوب فيها وعن تجربة وتساعدك أنك تشيلها من حسابات ازاي كل دة ميعتبرش أنك استفدت