بص انا مش حرد
لان الموضوع مستحيل يحصل لعربية ملاكى حتى لو اللى واقف مدير الامن شخصيا
لان فى حاجة اسمها احترام الغير
لكن هما بييجو على الضعاف سواقين المشاريع و التاكسى
لكن الملاكى مظنش
عرض للطباعة
بص انا مش حرد
لان الموضوع مستحيل يحصل لعربية ملاكى حتى لو اللى واقف مدير الامن شخصيا
لان فى حاجة اسمها احترام الغير
لكن هما بييجو على الضعاف سواقين المشاريع و التاكسى
لكن الملاكى مظنش
للاسف مفيش كلام يتقال
هل مات الشرف و الرجوله تماما في البلد المنيله دي؟
خلاص مفيش حد بيتعامل الا بالقوه و الارهاب؟
يا تري هل لو كنا مكان الفلسطينين ولا العراقيين كان حصلنا كده؟
علي الاقل معاهم سلاح و بيردو بيه
لنا الله
هو الوحيد اللي ممكن ينتشلنا من مستنقع الفساد الاداري المالي التنفيذي القانوني اللي وصلناله
البلد منهاره تماما
و الاوضاع فعلا ملتهبه و مش عارف ناقص ايه تاني يحصل علشان البهوات يطلعو علينا في التلفزيون و يعترفو بالاوضاع الحاليه المنيله بستين نيله اللي اتسببو فيها من اول يوم اغتصبو فيه البلد لحد النهارده
ربنا يبتليهم كلهم و من علي شاكلتهم بالامراض المستعصيه و الخبيثه علشان يذوقو عقاب الدنيا و في الاخره ربنا يعاقبهم في جهنم
اخص و الف اخص علي ده حال وصلناله
ربنا يرحمنا و يجحمهم جميعا
من غير تفكير اى واحد بيتحط فى الموقف دة تفكيرة بيبقى مختلف عن اى وقت تانى بس انا عن نفسى حنزل الطلشلة على وشة من غير مفكر فى العواقب . بس هى صعبة شوية ان ضابط يضرب واحد بالقلم فى لجنة فى الشارع وقدام الناس انا شايف ان كل الضباط جبنا علشان يعمل حركة زى دية لازم تبقى فى قسم او معتقل او زنزانة انما قدام كل المصريين معتقدش لان الضباط دول كولهم بيخافوا من الشعب لما يبقى ايد واحدة فبالتالى بيخافوا يعملو اى حاجة من حجاتهم الغلط قدام الناس .
شعار كل ضابط فى اى كمين ( من النهاردة مفيش حكومة انا الحكـــــــــــــومة انا الحكــــــــــــــــــومة ) مع الاعتذار للنجم اخمد السقا
شكلك مش عايشه فى البلد
ههههههههههههههه
فكرتنى بحاجة برده مش عارف نكته ولا حدثت بالفعل
مره طالب فى كليه الطب واقف فى المشرحه باين هو وزمايله حولين جثه والدكتور بيشرح
فسأل الطالب سؤال وتقريبا جاوب غلط
فالدكتور بيقوله ايه الفرق اللى بينك وبين الحمار؟
رد الواد على طول وقاله الطربيزة
ههههههههههههههههههه
بسمع ان الواد ده عاد السنه 3 مرات :)
بص بقى ..أنا شوفت بعيني ..محدش حكالي ..في أول عباس العقاد الآتي:
قبل ماأحكي .. أنا لو مكان الظابط كنت ضربت السواق بالجزمة
المهم عربية أكسنت لونها دهبي ..الأفندي جاي من ناحية بنك الإسكان والتعمير وبيلف ..المفروض اللي بيعمل كده هيروح إجباري في الاتجاه المقابل ويدخل عباس تاني ..لأ المحترم قام داخل عكسي في عز الزحمة (في أول عباس العقاد ماتنسوش) وعايز ياخد الرئيسي بره..طبعاً الزحمة وقفته وراحلة أمين شرطة بمنتهى الأدب طلب الرخص (أنا متابع من البنزينة) ..طلع الرخص للأمين ..مين بقى اللي لسه طابب وشاف اللي حصل ؟ - ظابط مرور برتبة مقدم هو اللي ماسك المكان وإسمه أيمن حلمي ..دا عامل رعب للمكان دا وفي منتهى الجرأة وقلة الأدب ..المهم روق صاحبنا بتاع الأكسنت بكام قلم وبونيه والتاني ماردش طبعاً وركن على جنب وأنا مشيت وماعرفش اللي حصل بعد كده
بصو بصراحة لو الموضوع دة حصلى انا مش عارف ممكن اعمل ايية بس اكييد مش حعرف امسك نفسى وحضربة بس مش قلم بس لا دة انا حعرف اخد حقى كويس قوى منة
سؤال مستفززززززززززززززززززز جداً
بس رد الفعل أكيد مش هيكون مدروس لأن ده موقف لحظي صعب جداً دراسته أو التنبوء به بس خلاص.
ومعتقدش هيجي يضرب شخص بدون سبب ( لكل فعل رد فعل مساو له في المقدار ومضاد له في الإتجاه ) .
أكيد سائق الميكروباص فعل شئ سبب ذلك الفعل .
وبالنسبة للملاكي وغيره أقول
المحترم محترم حتى لو سائق ( كاروووووو )
حصلت مرة الحكاية دي بس العكس
مع أخو واحد صاحبي هو كان ظابط لسه برتبة ملازم أول وكان رخم أوي
وبيرخم علي أي حد كان لسه صغير وشايف نفسه.
المهم حصل إنه إتخانق مع سواق ميكروباص والسواق كان صايع وروق صاحبنا قدام العساكر
المهم الظابط ده طبعا مرديش يوصل الموضوع لتحقيق عشان منظره وإستنوا السواق وهوه في طريق
سيره ومسكوه هو وأصحابه الظباط وإدولو علقة تمام .
فعلا شيء غريب يعني الإتنين إتهزقوا وإتقل كرامتهم عشان إيه ده كله .. وإيه اللي هيحصل لو كل من الإثنين يعامل التاني بإحترام .. إيه اللي هيحصل يعني
بس ده للأسف السبب فيه إن نسبة كبيرة جدا من الشرطة عندهم نقص فبيحبوا يتنططوا علي خلق الله
اكيد الظابط لو عمل كده اكيد النسخه التانيه من القلم هتكون على قفاه
*****
* نفسي أفهم دخل ضربة علي طول بدون أي مقدمات أو أي مناقشات ؛ لو هو دة اللي حصل يبقي أكيد الضابط دة مجنون
*طيب واللي عملة صاحب العربية الأكسنت هل هو صح ؟ خليك أنت ماشي صح ولقيت الأكسنت دى مقابلاك وش ف وش (خللي بالك هو ماشي عكسي) ممكن أنت تعمل معاة إية
هتعمل اية دة سؤال صعب جدا لان دة موقف صعب وكل واحد هيتصرف فى لحظة غضب واسهل حاجة تحطة تحت عجل العربية وتبلغ انة نط قدام العربية ةتجيب شهود من قدام المحكمة يشهدوا معاك عادى يعنى
مش عارف ايه اقل حاجه ممكن تتعمل حاجات كتيرفى دماغى بتتخانق علشان تحصل
هوده الكلام التماماقتباس:
من غير تفكير اى واحد بيتحط فى الموقف دة تفكيرة بيبقى مختلف عن اى وقت تانى بس انا عن نفسى حنزل الطلشلة على وشة من غير مفكر فى العواقب . بس هى صعبة شوية ان ضابط يضرب واحد بالقلم فى لجنة فى الشارع وقدام الناس انا شايف ان كل الضباط جبنا علشان يعمل حركة زى دية لازم تبقى فى قسم او معتقل او زنزانة انما قدام كل المصريين معتقدش لان الضباط دول كولهم بيخافوا من الشعب لما يبقى ايد واحدة فبالتالى بيخافوا يعملو اى حاجة من حجاتهم الغلط قدام الناس .
لو انا مش غلطان :049:
.................................................. .........
برجاء من العضو عدم استخدام ايحاءات غير مقبولة
مشرف القسم
بس كده .
ههههههههههههههههههههههههه ه وصلت ههههههههههههه
انا مردتش ارد الا لما قرأت معظم الردود تقريبا ....بس لو لقدر الله حصل معايا الموقف ده مش هقولك هضربة فوقتها او هشتم وهلل وهقلب التربيزة علية والكلام ده لأ... لأنى هادى جدا ومتماسك اعصابى فى معظم الاحيان لأنى والحمد لله ممارس الالعاب العنية مثل الكنغو فو فتلعمت منها مهما تعرضت لضربات قوية يجب ان تكون متزن وغير متهور حتى تصل لافضل رد من الضربات التى وجهت لك.... وطبعا عشرة سنين للممارسة هذة اللعبة كفيلة تعلمك الصبر المهم
اتخيل لو حصل الموقف ده معايا اول شئ هلتزم الهدؤء والتفكير وهتنازل وهترك المكان نهائيا ولكن دون التنازل عن حقى اللى بقى بينى وبين الظابط وهتبع اثره حتى اعرف مكان سكنه وأماكن تواجده بعيد عن عمله واللى كان بيتحامه فى ومعتبره حصن له وهنا هيكون هو فى أرضى انا ومافيش حد يحمى غير دراعة اللى ضربنى بى ..........الانسان الضعيف بس اللى بيتحامه فالناس اللى حوليه( والراجل اللى يتحامه فسلاح ملوش دراع يحمى ).........ووقتها هخلى ايدى ورجلى تسلم على وشه رايح جى
الناس دي افترت والله
مفيش يوم بيعدي غير ما بنسمع عن مهزلة من مهازلهم
قال الشرطة في خدمة الشعب قال
طبعا انا مش قادر أتخيل انا ممكن أعمل ايه لأني مش متخيل الموضوع أصلا
بس انا لي رأي مثالي شوية
المفروض لو حصل حاجة زي كده ان المواطن اللى اتضرب يحاول يمسك أعصابه ويتصل بالنجدة "ده لو ردت" ويعمل محضر جنحة ضرب وإستغلال نفوذ للضابط ده وطبعا ماينساش انه يكون في شهود للواقعة من بعض المواطنين المتواجدين بالمكان يكون أفضل
أو يطلع على التفتيش الداخلي في وزارة الداخلية أو مديرية الأمن ويقدم شكوى في الضابط ده ويسيب القانون ياخد مجرااااااااه
وفي حاجة تاني لو فرضنا مثلا أن التفتيش في الوزارة حفظ الشكوى مثلا عمد أهمية أو حاجة زي كده الواحد يروح طالب صورة رسمية من مذكرة التفتيش في الشكوى دي وده بيبقى طلب غالبا بيتقدم لمدير الأمن أو مدير التفتيش وبعد ماياخد الصورة الرسمية يروح يعمل بيها شكوى في النيابة المختصة نفسها وأتفرجوا بعد كده على أحلى شغل من النيابة ... بس المهم تكون الواقعة ثابتة بالأدلة المادية المقنعة
طبعا انا عرف ان الكلام ده صعب يتحقق بالصورة دي في مصر اللى بتسودها شريعة الغاب وليس قانون متحضر يحترم
واضح من الرواية دي ان الشخص ده لا ليه واسطة ولا حاجة لكن ربنا هوة اللى بعتله عضو مجلس الشورى عشان يكون شاهد على الواقعة وربنا هوة اللى جعل كيد العقيد في نحره عندما إدعى أنه إقتحم الكمين وهو سبحانه وتعالى الذي الهم المواطن بأن يبرز محضر الصلح اللى عمله ويثبت بيه انه لم يقتحم أي أكمنة
اللى انا أقصده ان الواحد لما يمشي صح ربنا هو اللى هايحميه من الفجرة والجبابرة مش حد تاني
سورى يعنى اللى بيعملوة مع الناس يمكن اكتر من الضرب بالقلم
انا من كام يوم كنت نازل مستعجل جدا كان عندى موعد وهتأخر ولسة قدامى 25 كيلو
والطريق اصلا بمشى علية 3 مرات اسبوعيا وعمرى فى حياتى ما شوفت علية رادار ولا يافطة تقول السرعة كام
سمعت مرة واحدة بس من واحد صاحبى انة كان علية رادار والكلام دة كان من سنة
المهم فى اليوم دة يدوب مشيت 2 كيلو بالظبط ولاقيت لجنة والعسكرى بعد ما شاف الرخص قالى حضرتك اتصورت رادار على سرعة 105
طبعا زى الباشا ركنت ضمن الطابور الطويل العريض اللى واقف وحضرة الظابط قالى 150 جنية وعمل محضر تصالح فورى
بقولة هوا السرعة كام ؟ قالى 60
قلتلة يعنى مفيش حد متصورش .. طبعا مردش
كان المفروض طبعا اديلة الرخص وابقى اتصرف واجيبها بس من الاستعجال مفكرتش ودفعت وخدت الرخص ومشيت
فضلت طول اليوم طبعا زى ميكون حد نصب عليا ومقفول جدا
مش زعل على الفلوس لانى اصلا خدتها من الشغل وهما اللى صممو علي كدة
لكن الفكرة ان طريق اصلا مفتوح ومفيش اى سبب يخليك تمشى براحة وهما يصوروك ويقولك السرعة 60 وتتصور بعد مسافة مكملتش 2 كيلو من بداية الطريق
دة بجد اللى ضرب بالقلم
عاملة زى مثلا واحد بيعدى الشارع وهوب راح أمين شرطة ماسكة من قفاة وقالة انت ازاى تعدى من مكان مش مخصص لعبور المشاة .. وغرامة كذا وادفع بقى
هي دي المشكلة .. ده مين وراه يتضرب له تغظيم سلام .. ولو مورهوش حد ياخد بالجزمةاقتباس:
لأنه باختصار مش ضامن مين اللى ممكن يقع معاه فى مشكله وواصل لحد فين؟!
طبعا هاردهوله فورا وبعدين اروح اشتكيه لمدير الأمن شخصيا
ماهو من بركات الالهه الحاكمه
قوانين مفصله تفصيل دقيق جدا جدا و محكمه بس احنا فاكرينها مليئه بالثغرات
و ساعه الجد يتم تطبيقها عليك و تبقي مشكلتك بقي انك خالفت القانون
و محدش ساعتها يقولك غير هو ده القانون
انما بالاساس القانون بيتعمل علشان ينظم حياه الناس بما يكفل حقوقهم الشرعيه و الدنيويه في اطار تشعبات و اختلاف بين في مصالح الناس دي
يعني مثلا القانون بيجرم قتل النفس البشريه, بس يمكن يكون عندي اسباب قهريه لقتل شخص ما لكن مازال القتل جريمه يجب محاكمتي عليها بس القانون بيحدد العقوبه علي اساس الموقف
انما قوانين محطوطه من ايام العربيات الكارو و الجمال و يتم تطبيقها وقت لزوم ملئ الجيوب باموال الشعب!!!!
للاسف هو ده اسلوب التعامل مع الشعب
و نفسي و مني عيني الكلاب اللي بينتمو للوثني يتعمل فيهم زي ما حصل مع الحزب النازي
كان الانتماء ليه هدف للشعب كله وقت ما كان مسيطر علي البلد
و بعد اللي حصل لالمانيا حصل
كانو بيتم محاكمتهم بتهمه الانتماء للحزب نفسه
انا معشتش ايام الاحتلال البريطاني او الفرنسي
بس اسمع زي ما الناس بتسمع ان الشعب قاوم الاحتلال و مهما ان حصل كان في محرمات علي الاحتلال
زي عدم التعرض للدين او النساء
و يوم ورا يوم علي اليوتيوب مقاطع التعذيب و الاعتداء علي النساء و غيرهم بيقطعو في نفسي
و اخر حاجه شفتها مرات الراجل بتاع مدرسه الاسكندريه اللي ضربوه و شلوه و اهانو مراته اهانهات مكنتش اتصور ان في واحده ست محترمه و متدينه تتهانها ده غير بنته الصغيره و الحاله اللي كانت فيها من بعد ما شافت الظباط بيضربو ابوها و بيموتوه بجد حاجه لاتوصف و خايف من عقاب ربنا اللي فوق الناس كلها لو في يوم الدين سألني عملت ايه علشان نصرتها
ده المعتصم حركته و جيوشه امرأه لطمت علي وشها و قالت واه معتصماه
قد كده هانت علينا رجولتنا و دينا و بقينا كقطيع كبير من الخرفان؟
لو سألنا كل ظابط و عسكري و مسئول عن الانتهاكات و التعدي السافر علي الشعب هيقولنا اوامر و انا عبد المأمور
و لو تتبعنا الاوامر دي هتوصلنا للراس الكبيره مصدر الاوامر دي
و لو دخلنا دماغه و دورنا علي مصدر الاوامر دي هنلاقيها هواه
انا مش بتبع الاخوان او اليسار او اي حزب في مصر ببساطه لأنهم ملهومش لازمه و افتخر اني مليش انتماء لأي منهم
انما انا باتبع الناس البشر مخلوقات الله خلفاء الله في الارض
و حزين جدا جدا علي اللي بيحصل
و لو حد منهم بيتابع كلامي و كلامكم علي المنتدي فنفسي اقوله حاجه
النهارده انت بتنفذ اوامر غصب عنك ممكن بس بتنفذها
بس يوم القيامه محدش هينفعك غير عملك
و كلنا هنموت
محدش من اباطره الازمان الغابره دام
و محدش مننا دايم لأن الدوام لله سبحانه و تعالي
الله يكرمكم صححو من الاوضاع المترديه يوم بعد التاني
و اعتبرو الشعب اخواتكم و ابائكم و امهاتكم
و محدش ابدا يرضيه اللي بيحصل للناس في مصر
مش لازم ثوره و دم
بس وقفه مع النفس و مراجعتها
عايزين نعيش في بلدنا مرفوعين الرأس
عايزين قانون يحترمه الكبير قبل الصغير
عايزين المبادئ اللي قاعدين سنين بتنادو بيها
الديمقراطيه و العداله و سياده القانون
مش عايزين نقلبلكم نظام الحكم
مش عايزين نمسك بدالكم دي مسئوليه تخوف (لو شاه تعثرت لسئل عنها عمر لم لم تمهد لها الطريق) و شوفو بقي البني ادمين في الشوارع و المستشفيات و كافه مجالات الحياه في مصر بيحصل فيهم ايه يجوز مش الناس المستريحه او المسنوده لكن السواد الاعظم من الشعب معندوش وسايط و اموال و هما دول اللي بيعانو يوميا في البلد
ربنا يهديكم و يهدينا بس الاوضاع و حتي الجرائم في صفحات الحوادث بقت تخوف من سرقات بالاكراه و اغتصاب و حتي القتل الناس نمي عندها غياب القانون فبقت شريعه الغاب هي السائده
الفساد شوكته بقت قويه جدا
و محدش بيتكلم عن اصلاح حقيقي الناس تحسه و تعيشه
ربنا يهدي
يا جماعة أنا عن نفسى عمرى ما حصلى أو شفت موقف زى ده ..
بس أنا هنقل ليكم كلام قريبى إللى أعدت أتكلم معاه عن المواضيع ده و الكلام ده .
و هو ضابط بس مش شرطة .. و خدم فى اماكن نزاعات فى العالم .
عامة المهم الموضوع ده مش للشرطة و بس لكن لأى حد .
أول حاجة :-
1- ما تتكلمش مع أغراب أى كان إلا بكلمات مقتضبة جدا .
2- لو فى لجنة وقفتك أو أى حد سلطة كلمة بإحترام و بثقة جامدة جدا لدرجة إنه لو كان مين هيخاف من الثقة العالية إللى فيك و هيتعامل معاك و مهما حصل مبتسم .
3- إتكلم معاه فى حدود المعقول و متعدش ترغى و يا باشا و الكلام ده لأنه مش باشا .هو حضرتك أو برتبته و خلاص ... و إتكلم بثقة و تكون فاهم القانون كويس و بصوت واطى يعنى مزيج من الإتيكيت على الثقة .
4- لو حد إعتدى عليك لو شرطة يعنى مترضش الإهانة ولا تتخانق و تتصل بالتليفون تشوف محامى أو أى حد تعرفه و تفضل واقف فى اللجنة و تحاول بأى طريقة تعمله محضر يعنى تلبسه فى حاجة و تكون لسه على ثقتك .. بإختصار الحرب النفسية مهمة جدا جدا فى الموضوع ده ... القوى مش بيحتاج يشتم ولا يستخدم إيدة و هما فاهمين كده و هياخافوا من اى حد .
5- ما تحاولش تستخدم العنف مع الشرطة لانه مش هيوديك فى سكة كويسة (إلا فى حالات خاصة جدا جدا هبقى أقولها بعدين لأنها طويلة و مالهاش علاقة المرور ) و لأن كمان طالما إخترت تدافع عن نفسك ده ليه أسس مش هتفيدك فى مواقف ما تستهلش زى دى ..
يعنى على سبيل المثال لو حد حرامى حاول ينشلك أو حد إتعرضلك تبدأ بالخجوم و تقتله .. أو على الأقل فقدان وعى من غير شفقة أو رحمة .. و أكيد مش هتستعمل إيدك مع ضباط لأن مش هتاخد حقك كده بالعكس هتضر نفسك .
الإيد ده دفاع عن النفس مش أخدان حق ..
و أى إستفسار انا فى الخدمة
ايه حكاية بطاقتك ديه ؟ مال ضابط المرور و مال البطاقة ؟اقتباس:
و أى إستفسار انا فى الخدمة
لا ..ده استفسار عن سؤال ضابط المرور عن البطاقة :) مش تعليق على كلام حضرتك
طبعا نسيت اشكرك على الايضاحات المفيدة جدا ..
أى ضابط القانون بيدى حق إنه يشوف البطاقة سواء كان أمين شرطة أو حتى غفير تبع الشرطة ... و مش من حقه يحتفظ بالبطاقة مجرد يشوفها بس ..
بس هو لو طلب بطاقة فى كمين مرور مش مباحث يبقى عايز يغلس ..
لكن من حقه .. و لو فى محاميين فى المنتدى يا ريت يدخلوا معانا و يشاركوا
عزيزتي امنية سمعه مصر متشوهه فعلا وعن حق ومش افترا
عمي ظابط جيش ميكروباص كان مضايقه وبيزنق عليه على الصحرواي
نزل اشتكاه في نقطة مرور على المرور
ظابط المرور نزل ضرب في سواق الميكروباص بالاقلام والشلاليت
بالرغم انه مجاملة لعمي لكن انا ضد تصرف الظابط
كان كفاية يسحب الرخص
أنا من كرهى فى الواسطة واللى بييجى من الواسطة هعمل ستيكر فى حجم الهلال والنسر والكلام ده ألزقه على النمر فى حتة فاضيه مكتوب عليه بخط الثلث : "مواطن يرفض الواسطة" ، هبدأ فعلا فيه
اللى بيقول انة هيرود القلم عشرة دة بيحلم والله العظيم انتا ساعتها هاتلاقى نفسك وسط عصابة
اوحبة صيع هتخاف ترد القلم عشان ساعتها العواقب هتبقى وحشة اوووى هتلاقى كل امين شرطة مالوش لازمة بيشتمك ويبهدلك وغير الظابط
احلى رد ساعتها انك تقولة انا مش هلبسك البدلة دى تانى
وتروح على اى قسم وتعمل محضر ويكون معاك شهود وبعد كدة تروح على حقوق الانسان
بعد كدة بقى تروح على وزارة العدل على مكتب النائب العام وتقول على حصل على فكلرة فى وزارة العدل هتلاقى اهتمام بالموضوع
ومعلش لما تضيعلو مستقبلة بالنسبالى بدل مابقى متخلف زية واردلو القلم احسن بكتير لما ترد القلم لانك بعد ماتردواهتاخد غيرة بالجملة
وهيبقى عبرة لاى متخلف يحاول يعمل كدة مع اى مواطن وسعتها لما يلاقوا المضوع مش سهل اوى كدة انك تضرب واحد
وسواق الميكروباص والتاكسي اقل مننا فى اية مش بنى ادم
(ربنا يستر) لو لقيتوا جوجوجو مدخلش المنتدى بكرة ابقوا تعالولى بعيش وحلاوة .
يا جماعه الدنيا مش سايبه قوى كده وياما فى ضباط فى السجن ووزرا ومحافظين وأعضاء مجلس شعب وشورى
صحيح إن القانون بيهنج وساعات مبيشتغلش لكن هو فى الغالب شغال
وعلى فكره الواقعه بتاعة ضرب الضابط لأى مواطن هى جريمه عقوبتها الحبس وتسمى جريمة إستعمال قسوه بس الفكره فى الإثبات يعنى الواقعه لو فيه شهود أو حد صورها بالموبايل بتبقى قويه وممكن تتسبب فى حبس الضباط
وعلى فكره حضراتكوا لو عرفتوا مدى المجهود الذى يبذله الضباط لأشفقتم عليهم (والله العظيم بيطلع عينهم بجد ) ولاحظوا إنهم معظم الوقت بيتعاملوا مع فئات صعبه من البشر
ومفيش فئه معينه ممكن تقول فيهم شعر على إطلاقهم وفئه تانيه تقول فيهم هجاء على إطلاقهم
كل فئه فيها الكويس وفيها الوحش