تعمل ايه لو و انت في لجنه الضابط ضربك القلم و هيكون ايه رد فعلك.الحكايه دي شفتها قبل كده مع سواق ميكروباص ومش عارف لو حصلتلي هيكون ايه رد فعلي.
عرض للطباعة
تعمل ايه لو و انت في لجنه الضابط ضربك القلم و هيكون ايه رد فعلك.الحكايه دي شفتها قبل كده مع سواق ميكروباص ومش عارف لو حصلتلي هيكون ايه رد فعلي.
معلش يا باشا هو ممكن يفتري ع سواق الميكروباص لكن مايقدرش يهوب جمب بتوع الملاكي
وبعدين السؤال مستفذ جدا انت عايز كل اللي يرد هنا يشتم الظابط ولا ايه؟؟؟
انا هاجاريك برده واقول اني الدم هيضرب في نفوخي وهردله القلم طبعا لاني ما بخدش حاجة من حد :k34:
وبعدين ده راح ولا جه ظابط مرور ياخد بالجزمة القديمة
ايه السؤال المستفز ده؟!!!!!!!!!!!
ايه المشكلة لما يضربني قلم !!!!
يعني انت عايزني انزل من العربية و اهزأ الراجل و اشتمه و الزقه قلمين و بعد كده هو ما ياخدش حقه و يضربني !!!!!
عادي يعني يضربنى بقى و نبقى خالصين
ههههههههههه
الكلام ده ممكن يحصل بجد حرام عليكوا مشوهين سمعه مصر في كل حاجه
الكلام ده بيحصل طبعا
بس القضية مش ملاكى وأجرة
القضية يضربه ليه؟؟؟؟؟
ومش الضابط ، دا حتى "الأمين" ووالله العساكر كمان ساعات بيضربوا سواقين الأجرة
صح معظم السواقين مجرمين ويستاهلوا الشنق بس المعاملة تكون بالمخالفات والتنظيم مش الضرب
ياريت الأخوة المحامين أو وكلاء النيابة يفتونا فى الحق القانونى لمن تعرض بالضرب فى الشارع على يد أى ممثل لسلطة تنفيذية
هردهولو بس مش واحد :d
وحصلت مع واحد صحيى وكيل نيابه و ابوه مستشار :d
انا كنت قاعد جمبو فا اتصل بـ ابوه قالو هو اداك كام قلم قالو 1 قالو ردهولو 2
راح راددهولو 10 :d
وفى الاخر الضابط دا قعد فى مكتبو 6 شهور ميتحركش
الكلام دا كان فى الشرقيه
و جه عليه الترقيه و مترقاش
الحاجات دي بتحصل بدليل ان حتي في امناء شرطه بيعملوا كده مع السواقين بتوع الميكروباص و اللي تاعبني الصراحه ان سواق الميكروباص ده بني ادم زيي زيه بس عشان هو غلبان شويه يبهدلوه و
يا سلام لو سواق نص نقل بيتروق يا عيني.
المشكله اني عايش بره و شفت الناس اللي كلهم بيتعاملوا نفس المعامله غني او فقير كله زي بعضه.
الا الواحد لو ضرب الضابط ايه اللي يحصل او ايه العقوبه يعني
مش مهم العقوبة في الكتاب إيه
الموضوع ده ملوش غير حلين .. يا يخلص ودي .. يعني تجيب حد جامد و رتبة يخلصلك الليلة ودي
يا هيتلعب بيك الكورة لأنك في عقر دارهم .. هيتعمل محضر محترم يودي في داهية بإصابات ممكن تكون محصلتش و طبعاَ المحضر مفيش حاجة هتعطله و الإجراءات هتبقي سريعة لدرجة تخليك تستغرب .. و تلاقي واحد بيقولك "أنت في بحر الظلمات!"
لا أعلم ان كانت نكته أم حدثت بالفعل ...
فى كمين الضابط وقف نص نقل محمل بهائم قال له الضابط :- واخد اخواتك ورايح على فين ؟
قال له بكل سرعة : - على كلية الشرطة ياباشا ... وهنا ضربه الضابط بالقلم بس قلم السوااق كان أشد
مهما كان مين هردهولو ... أنا مرة حصلت معايا وأنا صغير في درس المدرس عمل كده معايا
إتردلو القلم في لحظتها بدون أدني تفكير
لكل فعل رد فعل .. وبعدين أنا مش حرامي ولا مجرم عشان ظابط مرور يضربني
تحيا جمهورية مصر العربية
ممكن تانى يوم يتنشرله نعى فى الاهرام
و انا بعديه بيومين هيقولو اى انتحرت فى السجن
هو المفروض ان الموقف ده ما يحصلش ولو حصل هيبقه أكيد أكيد من ضابط صغير أو أمين عنده عقده نقص و استحاله هيكون ضابط رتبه تقيل و محترم و علفكره لو فى رتبه موجوده فى المكان هروح واشتكيله ولو معملش حاجه مش هامشى واسيب حقى ولكن هاعمل اتصالات وهوصل لرتبه أعلى منه وهاقلب الترابيزه على كل اللى واقفين فى الكمين وفى الأخر مش هاقبل أى تصالح من غير ما أرد القلم للى ضربنى قلمين على الأقل و لو تم ضرب نار زى ما بعض الناس قالو أهلى مش هيسيبوه و يعتبر نفسه هو كمان ميت.(وعشان كده هو استحاله هيعمل كده مع ملاكى لأنه باختصار مش ضامن مين اللى ممكن يقع معاه فى مشكله وواصل لحد فين؟! خصوصا لأن الضابط هو اللى هيكون واقع فى الغلط و راكبه من ساسه لراسه و خصوصا ان البلد فيها قانون صحيح مش بيشتغل بكفاءه مع كل الناس بس فيها و خلاص) و لو حد غلبان حته سواق و حصل معاه كده المفروض مايسيبش حقه حتى لو هياخده بعد سنين طويله لأن لو كل واحد ساب حقه هاتبقه ميغه.
بلا أدنى تفكير أكيد مش هيمر أكتر من 10 ثوانى وهيكون عضمة مناخيرة مكسورة وبينزف دم
حتى لو ده أدى لشنقى على الطبلية مهما كانت العواقب أحنا ما فاضلش لينا فى البلد دى غير الكرامه كمان هيخدوها منا
لأ وألف مليون لأ كمان ضابط شرطة لوا شرطة وزير داخلية هيتوضب ويحصل اللى يحصل بعدها
على الاقل لو مت اموت بكرمتى يا أخى
اذا رفعت الايادي تساوت الرتب
اولا احب اهنئ حضرتك على الروح القتالية اللى لسه موجودة عندك واللى الحمد لله منعرفش عنها اى حاجة بسبب الاسباب التالية
1-المعاملة المحترمة اللى بنتعملها فى المصالح الحكومية
2- معاملتنا معاملة مواطن من الدرجة الاولى فى كل الاحوال وايضا فى حالة حدوث مشاكل مع اجانب دائما الحق يكون للمواطن المصرى
3-السهولة واليسر فى تنظيم اى شئ يتعلق بالطوابييييييييييير
4-سهولة وانسيابية وانحياليت وانفشابيت المرور التى يحتذى بها فى جميع انحاء العالم ماعد جمهورية شنبونجو
5-التعليم الرائع
6-الطعام الصحى المتوفير
7-الرعاية الطبية الممتازة
8-الامن والامان والالمان كمان لو تحبوا
9-فرص العمل الرهيبة المتوفره بشكل رائع بالاضافة لحماية الموظفين والتأكد من حصولهم على كامل حقوقهم
10-انتهاء الرشاوى والمحسوبيات والوسايط بشكل نهائى
11- ....................
وفى النهاية لوحتى عسكرى مجند ضربنى لازم اشكره وامشى - يكفى انه بيضحى بحياته علشان يوصل لنا النقاط اللى فاتت واكتر طبعا يا سعادة الباشا
يمكن الحاجة الوحيدة اللى ممكن اعملها انى اجيب شوية ميه واغسل بيها ايده الطاهرة الشريفة العفيفة مكان ما ضربنى
:offtopic:
مش هقول ممكن يحصل، هو حصل فعلا من كام يوم
أحد زملائى فى الشغل، بيشتغل كمان فى مصر للطيران و ابن ناس جدا و مؤدب و محترم، من كام يوم فى لجنة عند ميدان روكسى، تقريبا الساعة 12 مساء و كان معاه مراته و ابنه و أخوه و مراته فى عربية وراهم، اخد مخالفة علشان الحزام، هو بيقول انه كان رابطه و أمين الشرطة بيقول انه ربطه و هو داخل على اللجنة، عن نفسى مصدقه لأنى بشوفه كل يوم تقريبا و بيبقى رابط الحزام و مرتين قابلته صدفة و بيبقى مقعد مراته و ابنه ورا، المهم عمل محضر تصالح فى ساعتها و دفع، أثناء عمل المحضر حصل نقاش بينه و بين أمين الشرطة تانى، و هوب راح ظابط اسمه "حسام" جاى من ورا الأمين و رزعه بالقلم، الولد بيقولى انه جالوا زى صدمة لأنه مش متخيل اللى حصل، بعد كام ثانية تمالك نفسه و حاول يرد القلم بس الأمين منعه، و مراته و أخوه نزلوا و حاولوا يهدوه.
ابتدت الموبايلات و جت الدورية الراكبة و المفاجأة الأولى ان العقيد الكبير اللى ماسك الكمين، يعنى رئيس الظابط اللى ضرب، أدعى ان زميلى اقتحم الكمين، الموضوع كبر و قرايبه جم من كل حتة و كمان راجل محترم جدا عضو مجلس شورى كان شايف الواقعة بالصدفة و فضل مع زميلى فى كل الخطوات، المهم طلعوا على القسم، فى القسم معملوش محضر و حاولوا ينهوا الموضوع، راحوا سايبينهم و راحوا مديرية الأمن و هناك الوضع اختلف و اتعمل محضر و راح عمل تقرير طبى لأن شفته اتعورت و ازرقت جامد.
تانى يوم استكملوا التحقيق و المفاجأة التانية ان العقيد اصر على ان زميلى اقتحم الكمين ، راح زميلى ارفق محضر التصالح بتاع الحزام فى المحضر كأثبات على كذب العميد علشان مش منطقى ان واحد يقتحم كمين و بعدين يتعملوا محضر حزام.
الموضوع اتصعد للتفتيش و الضابط موقوف عن العمل، و اتفتح تحقيق تانى مع العميد و تحقيق تالت مع ضباط القسم اللى معملوش محضر.
نصيحتى بقى لأى حد يتحط فى الموقف ده انه يمسك اعصابه و مايمدش ايده و يحاول يخلى اى حد حضر الموقف انه يشهد معاه و يروح على وزارة الداخلية عدل و يقدم شكوى فى التفتيش و هناك هيقوموا بالواجب و اكتر علشان نفسهم فعلا يوروا الناس ان الشرطة كويسة و يحسنوا سمعتها اللى بقت زى الزفت.
el mawdo3 baset
ana law 3`altan at7aseb ,bas bel esol ya3ni
we law zabet 3ama keda da ykon 7aywan we da a7`er yom fe 3omro
الواحد لازم يكون محترم حتى النهاية
ومفتش الداخلية افضل وسيلة لمحاسبة الخارجين على القانون والادب
وعلى فكره انا مش متخيل ان الواحد يكون محترم وبدون سبب وجيه يكون اللى قدامه غير محترم اللهم الا كان فيه اسباب قوية اخرى
وما تنسوش ان غير المحترم ده قله قليله والاغلبية محترمة
كنت لسه هقول كدهاقتباس:
نصيحتى بقى لأى حد يتحط فى الموقف ده انه يمسك اعصابه و مايمدش ايده و يحاول يخلى اى حد حضر الموقف انه يشهد معاه و يروح على وزارة الداخلية عدل و يقدم شكوى فى التفتيش
انا عن نفسي لو ظابط ضربني في لجنه مش هتعامل معاه انا هقفل العربيه مكانها وهجيبله اللي يضرب أبوه بالجزمه بس بالقانون برضو
لغاية المشاركه دي وكنت بقرا الموضوع على اساس انه خيال ......... مجرد خيالاقتباس:
مش هقول ممكن يحصل، هو حصل فعلا من كام يوم
لكن مشاركتك اثبتت ان اي واحد فينا ممكن يتعرض لموقف مشابه
انا مش متخيل ان ده ممكن يحصل .........ان واحد محترم يتضرب بالقلم وكمان قادم زوجته واولاده ...... وساعتها مش ممكن حد يفكر في ظبط النفس.
اعتقد ان الافضل هو منع تطور النقاش من الاصل
يعني عايز فلوس اديله ..... وخد وصل وامشي
أنا ملاحظ أن ردود معظم الناس رايحة في اتجاه أنهم هيجيبوله الأعلى منه و المعارف و كدا...
طيب السؤال بأة....
تعمل ايه لو ظابط تعدى عليك بأي كانت الطريقة و أنتا مالكش معارف ولا وسايط؟؟
لو حللنا الطريقة ديه... هنلاقي أن هي للي سببت كل اللي احنا فيه...
واسطة ... دخلت واحد فاسد كلية الشرطة...
وواسطة ... تجيبلك حقك لما يتعدي عليك الظابط الفاسد اللي أصلا دخل كليته و اتخرج بواسطة !!!
و على فكرة... واسطة أعلى من واسطتك... ممكن تطلع نفس الظابط الفاسد ده من القصة كلها زي الشعرة من العجينة...
و في النهاية... أنا مش بنتقد اللي يستخدم الاسلوب ده لأن معندوش غيره...
بس بسأل فعلا... يعمل ايه اللي مالوش واسطة؟!
عايز فلوس اديله ..... فلوساقتباس:
بس بسأل فعلا... يعمل ايه اللي مالوش واسطة؟!
بصراحة مش متخيل و لو للحظة انه ممكن يحصل .
بس أكيد لو حصل بدون مبالغة هاكون مقطع وشه مش بالقلم انما بالجزمة و الله.
و بعدها هاجيب تقرير طبي أنه ضربني و القانون يعيش بيننا بقى .
بس بصراحة و بدون تجني على حد ياما وقفت في لجان و الله باتعامل بأقصى احترام و حتى لو مخالف عمر ما في حد تلفظ بلفظ ممكن أزعل منه .
نسيت أقول لكم أنا محامي استئناف .
العين بالعين والسن بالسن والبادئ أظلم
مش هقول اكتر من كدة
est7ala tkon mo7taram ma3ah w ydrabk
w sa3tha lo 3rft tmsk nafsk ezboto ma7dar w geb shahd
enma lo ma3rftsh edrbo w shof wasta
w lo mfish wasta
edrbo w etkl 3ala alllh:D
غريب الموقف ده فعلاً ....يعنى اتهف فى نفوخه و عمل كده من غير اى سبب ....أيه الجنان ده؟!...انا بصراحة شايف ان الواحد من اسلوبه و طريقة تعامله مع الناس و باللأدب بيفرض عليهم يتعاملوا عدل ...حتى لو سخف او رخم و لا اتلكك ع حاجة..أو اتكلم باسلوب مش ظريف...انما يقل ادبه ع حد و يمد ايده كمان انا شايف انه مايقدرش يعمل كده غير لو اللى قدامه تهاون معاه...يعنى انا بلاحظ ناس كتير بتتعامل مع الامناء و العساكر و كأن حياته فى ايديه و يفضل يتحايل عليه و يتذل ليه عشان فى الاخر يديله فلوس و يطنش المخالفة...و طبعا ده اللى بيخلى التانى يتفرعن زيادة....طبعاً فى استثناءات كتير للى انا بقوله...أو اللى كنت بأظنه صح لحد ما قريت مشاركة حضرتك...و بالنسبة لموضوع مشا جرات الظباط و أستعمالهم لسلاحهم فيها...فده موضوع تانى ...يعننى لما حد منهم يتخانق و الجلالة تاخده و يفترى ع حد او يستعمل سلاحه فديه حاجة ....و ان يقلل أدبه على حد من غير اى سبب الا مروره باللجنة الى الباشا واقف فيها ديه حاجة تانية.
أنسان بدون كرامة لا يستحق أنة يعيش
هو بتعدية عليك تعدى حدود صلاحية شغلة
تأخذ حقك منة فى ساعاتها القلم عشرة و لو هتموت
لو اشتكيت حتى فرضآ لو اتعاقب عمر ما حتحس ان كرامتك رجعت ليك تانى الا لو أخذت حقك بنفسك
حصل من حوالى 10 سنين ان "صاحبنا" دخل بعربيته محطة بنزين علشان يغسل العربية, العامل اللى فى المحطة قاله "يا باشا خلاص خلصنا بكرة ان شاء الله", وطبعا العامل بيجهز نفسه علشان يروح بعد يوم صعب ومتعب - ميعاد ومكتوب مفيش حد يقدر يمنعه - حصل حوار "صاحبنا" هدد العامل, العامل أخدته الكرامة تقريباً وأصر على موقفه - وياريته كان فوتها - طلعت الطبنجة ... رصاصة ... اصابة ... حبس "صاحبنا" يومين ... خرج ... رجع الشغل عادى ... دلوقتى نظرا لموقفه فى التعامل مع المواطنين ... عاقبوا المواطنين وحطولهم "صاحبنا" حبيب المواطنين ... فى أحد ادارات المرور ... علشان هو بيعرف اصول خدمة المواطنين.
"ملحوظة: تم الإستعانة بصاحبنا علشان كلنا لنا اما اصحاب او اقارب من "اصحابنا" فبلاش نزعل حد مننا
والله العظيم أحطه تحت الكاوتش وأعدى من فوقه