طبعا يا جماعة احنا هنا في مصر مظلومين من قيادة السيارات المحترمة زي باقي دول ربنا اللي بيسوقو الباسات والبي ام والمرسيدس والهامر كمان لان باختصار الاسعار برة مصر رخيصة جدا لان الدول مش بتفرض جمارك ع السيارات زي مصر
هنعمل ايه يا جماعة لو اسعار السيارات انخفضت بسبب الازمة العالمية في الدول اللي حوالينا (اكتر من ماهي منخفضة) ولم تنخفض في مصر لاي سبب كان زي الجمارك او جشع التوكيلات او خوفا ع الحالة المرورية في مصر اللي هي مش ناقصة زيادة عدد ملاك السيارات

يا ريت نفكر من دلوقت هنتصرف ازاي لو ده حصل

انا ملاحظ ان كل المواضيع اللي في المنتدي ناس بتقول الاسعار هتنخفض زي كل الدول وناس بتقول مش هتنخفض في مصر بالذات لان مصر ليها طابع خاص
وماحدش اتطوع وقال لو فعلا ما رخصتش في مصر هنعمل ايه؟

هل هتكون المقاطعة النهائية لشراء السيارات هي الحل
ام عمل مظاهرات مطالبة بالمساواة مع باقي الدول
ام هنركب التاكسيات الجديدة اللي هتتبدل ونريح دماغنا من السواقة
ام الاستسلام للامر الواقع ونشتري وخلاص :k30:
ام هنقول البلد مش ناقصة خنقة مرور واشارات واحسن كدة

ارجو نشوف رأي كل عضو