الموضوع: فيات بونتو 2016 ولا جين 2 2016

المشاركة الأصلية كتبت بواسطة Nourhanne

انا لسه اول مرة هجيب عربية فى حياتى واول مرة اسوق
وعجبانى العربيتين دول فيات بونتو اوتو 2016 - بروتون جين 2 اوتو 2016

بس شكل البونتو عجبنى اكتر بصراحة
ممكن تنصحونى انهى احسن
مميزات وعيوب العربيتين

وهل لسه توكيل وقطع غيار الفيات وحش ولا اتحسن
الاثنين زى بعض تقريبا
الاثنين توكيل تعبان
الاثنين قطع الغيار في نفس الشريحة
المشكلة ان فيات اقل انتشار من البروتون قليلا
والفتيس بتاعها لسه معقد ولا اتطور
مش معقد لكن يحتاج الى تعلم كيفية القيادة الصحيحة به
ياريت تفيدونى عشان محتارة
بروتون اداء شد و جري و استهلاك بنزين عالي
فيات ناعمة جدا و اداء ممتاز و استهلاك اقل

فيات شايفها افضل

المشاركة الأصلية كتبت بواسطة memo_p910

انا معايا العربيتين وبصراحه كل واحده فيهم بتتميز عن التانيه في ميزه والاتنين حلوين

البونتو اريح في السواقه وبالذات المشاوير الطويله وهاديه وموفره جدا في البنزين يعني على الطرق السريعه بتعمل 5 لتر لكل 100 كم
البروتون اقوى بكتير تسارع وسحب وصالون اوسع وشنطه اوسع

البروتون اسهل في الصيانه وقطع الغيار عن البونتو اللي مش كتير بيفهموا فيها
فتيس الجين الاوتو تقليدي واسهل في التعامل من فتيس البونتو الاوتو المعقد نسبيا

التقفيل الداخلي لصالح البونتو وجودة الخامات والتصميم

الارتفاع عن الارض لصالح البونتو برده

الثبات على السرعات العاليه العربيتين ثبات خيالي

شكرا على ردك يا ميمو بس انا فعلا مش محتاجة سرعه ومشاويرى مش كتيرة هما الاتنين حلويين بس اعتقد البونتو احلى بالنسبالى بس خايفة من الفتيس المعقد

المشاركة الأصلية كتبت بواسطة abdulkhaleq

دي ركوبه ودي ركوبه

البونتو:
كواليتي تصنيع افضل شويه
موتور اصغر = توفير بنزين
الفتيس اوتو مبني على مانيوال, هتسوقي زي الاوتو بس ليه طريقه معينه في التعامل
قطع الغيار موجوده (كللها) جوه التوكيل وبره ومعمّره وبتعيش
الهاي لاين فيها سقف بانوراما واظن 6 ايرباج
الاوتو فيها 2 ايرباج واظن سواء دي او دي دلوقتي زجاج ملون,
العربيه كركوبه وقعده مريحه جدا, سوقها في المستعمل مش واقع خالص
شياكة الايطالي باينه فيها بصراحه


الجين تو:
ماليزي بالكامل
اكبر شويه, موتور اكبر كمان = استهلاك بنزين اعلى
قطع غيارها موجوده برضه, توكيلها على حد علمي اقل من توكيل فيات بدرجه بسيطه قوي, وان كانت كل التوكيلات في مصر على قدها عموما
تقضي الغرض برضه وان كنت افضلها لشاب غاوي جري مثلا

الفيات اظن ب 136 و 150 للهاي لاين
الجين تو تقريبا 130

شكرا على ردك استاذ عبد الخالق بجد ساعدتنى كتير

المشاركة الأصلية كتبت بواسطة shshtawy

gen 2
اما معايا جين 2013 وكنت بقارن زى حضرتك . والحمد لله استقريت على الجين 2 وهقولك مميزات وعيوب الجين من وجهة نظرى
اولا. المميزات
1. الموتور قوى بكل ماتحملة الكلمة من معنى اقوى من اى عربية 1600 ممكن تركبها وقارنت دا مع كذا عربية وفى اكتر من موضوع
2. العفشة مريحه جدا تقدر تديها 8/10
3.الفرامل 7/10
4. استهلاك البنزين فى السفر يصل الى 6 لتر كل 100 كيلو ويمكن ساعات بيبقى اقل
5. المكونات الداخلية والكماليات والرفاهية 8/10
6. العزل 8/10
7.الثبات والمناورة على السرعات العالية 10/10
8. التوكيل عز العرب 6/10 . فى مركز معتمد من التوكيل اسمة عصا صفا ودا الى هيحببك فى العربية ناس فاهمه محترمة جدا رخيص عن التوكيل ودا تقيمة 10/10
9. قطع الغيار زى الكورى واغلى من اليابانى حاجة بسيطة ومتوافرة برة التوكيل وجوة التوكيل .
10. الصاج 10/10
11. الشاسية 10 /10
بصراحة انا كنت بحلم بيها من ساعة مانزلت فاممكن اكون مبالغ شوية غصب عنى بس والله قلت الى عند بحيادية

ربنا بياركلك فيها وبكفيك شرها ميرسى على ردك بجد هى عربيه كويسة
شكراااا

المشاركة الأصلية كتبت بواسطة u3mbkp

انا هاجاوب برد غريب حبتين ...انا عمري ماشفت واحدة سايقة جين تو ...لكن شفت كتير سايقين فيات بونتو ..
ده لا ذم في العربية الاولي ولا مدح في العربية التانية...علما بأني باسوق جراند بونتو ٢٠١٠ وقبلها كانت سكودا فليشيا وقبلها فيورا ١٢٧

هى الحكايه مش بنت او ولد هى حكايه انهى احسن فى الاداء والثبات وانفع لمشواير صغيرة شكرا على ردك

شكرا استاذ mif انا شايفاها احسن فعلا ان شاء الله هحجزها الشهر ده

نصيحة من واحد كان راكب جراند قبل كدة ابعد عن شر الفتيس الديولوجك و غنيلو مش هقول اكتر من كدة انا بعت العربية بسببوة علشان هو فتيس فاشل حتى لو بتستخدموا الاستخدام الامثل وصيانتو غالية جدا ومشكلة تانية فى العربية البور الكهربا بيبوظ والدريكسيون بيكلبش وانت ماشى وكمان لفة دريكسيون العربية ضيقة يعنى علشان تاخد ملف لازم تكون موسع لنفسك وممكن تاخد الملف على مرتين على عكس العربيات التانية االى ركبتها باخد الملف من مرة واحدة وعربيات كبيرة وبشنطة كمان مش هاتش باك