انا ان شاء الله مقبل علي شراء سياره بيجو 309 حالتها كويسه موديل 90 1600cc
لو حد عنده معلومات عن هذه السياره فأرجو بألا يبخل بها علي
سعرها - مميزاتها - عيوبها - قطع غيارها
وشكرا لكم
عرض للطباعة
انا ان شاء الله مقبل علي شراء سياره بيجو 309 حالتها كويسه موديل 90 1600cc
لو حد عنده معلومات عن هذه السياره فأرجو بألا يبخل بها علي
سعرها - مميزاتها - عيوبها - قطع غيارها
وشكرا لكم
اكتر واحد هيفيدك في الكلام ده هاني فلاينج بيجو عشان هو يملك 309
بس عموما العربيه قطع غيارها موجوده عند المسيري و اسعارها غاليه نسبيا
بس بامانه العربيه حوااااااار بجد
شكرا لك اخي الاستاذ نور علي ردك عليا
وارجو من الاستاذ هاني فلاينج الرد عليا بسرعه غلشان انا رايح ان شاء الله يوم الجمعه افحصها مع الصنايعيه اللي معرفتي وياريت تنصحني اتم بفحص ايه وتطمني علي وجود وتوافر قطع الغيار
حتي لو مش فاضي ياريت تسيب لي رقم موبايلك وانا اتصل بيك
شكرا لكم اخوتي الكرام
معقول يا جماعه مفيش حد راكب العربيه دي خالص
وكمان مالهاش اي مواضيع علي منتدي السيارات البيجو
انا بدأت اقلق من دي عربيه
هي شكلها وحالتها كويسه جدا بس لازم اعرف سمعتها ايه في السوق
وجبت نمرة موبايل هاني فلينج من صفحة اخري وبحاول اتصل بيه من الصبح ومابيردش عليا خاااااااااااااالص
ارجوك يا استاذ هاني رد عليا انا رقمي 0121317910
يا باشا البيقدر يكلم هاني يبقي كده عمل انجاز غير طبيعي علي المستوي الدولي
و مفيش موضيع عن ال 309 عشان العربيه قليله في البلد
ويا تري هي قليله ليه ده علشان عيوب فيها ؟؟؟؟؟؟
لا يا باشا العربيه دي بره مصر عملا شغل جامد جدا جدا
بص حضرتك ابعت رساله ل هاني علي الخاص و اكتبله الانت عيزه و هو هيرد عليك في اسرع وقت
انا متشكر ليك جدا اخي نور علي اهتمامك بيا وبموضوعي
انا فعلا بدأت اراسل اني علي الخاص
علي فكره انا اسمي عمرو انما نور ده يبقي اسم بنتي وي عندا سنه وشهر
الف شكر ليك اخي نور
ربنا يخلهالك يا باشا و انت تامرني و انا متاسف اني مقدرتش اساعدك اوووي
والله يا باشا
انا كان مع واحد صاحبي عربية 309 بس 1400
وكانت مطلعه عينة
والزجاج الخلفي بتاعها كان قليل جداااااااااااااا
وقطع غيارها مقرفة .. والمكنة كانت تعباه بس اعتقد عشانها 1400
لكن فيه مواتير ممتازة وبتنساها واعتقد ال 1600 الي بتقول عليه منهم
وبالمناسبة فيها اجزاء كتير من العفشة والابواب كمان مشتركة ما بينها وبين ال 205
وبردو هاني هيفيدك أكتر من اي حد
انا قلت الي اعرفه :)
الف شكر اخي نور انت افدتني كتير بأنك قلتلي علي هاني فلاينج ربنا يخليك يا نور
وبعدين هاني ده حته سكر وراجل خدوم جدا جدا ومحترم الي ابعد الحدود الرجل ده لازم يتكرم من المنتدي
اخي العزيز bee الف شكر حبيبي وربنا يكرمك يارب هاخد النهارده الصنايعيه وافحص الحاله واللي فيه الخير يقدمه ربنا
هاني افادني بأسعار قطع الغيار وطمني وقاللي اتأكد من بعض الحاجات اخد بالي منها
ربنا يقدم الي فيه الخير
بس خلى بالك كويس ومتتعاضاش عن حاجه لان التوضيب مش بالساهل
ربنا يكرمك فيها خير و اهي فرصه لو حضرتك خلصت فيها تيجي المقابله بقي
ربنا يخليكم
الحمد لله اشتريت العربيه وهي الدلوقتي عند الميكانيكي
مبرررررررروك يا باشا و ان شاء الله نشوفك في مقابله البيجو يوم الجمعه الموافق 12 ديسمبر
و تبقي ان شاء الله مقابله جيده بنا
الف مبروك يا باشا علي العربيه ويديك خيرها ويكفيك شرها
شكلها كده هتفتح عليا النار استر يارب
-بطاريه عاديه سايله 400 جنيه
-شوية زيوت وبوجيهات وغسيل وتشحيم 200 جنيه
استرها معانا يارب
متخفش يا باشا اي حد بيجيب اي عربيه مستعمله بيصرف عليها شويه في البدايه و بعد كده بقي الصيانه العاديه
ألف مبروك يا أخى على العربية وربنا يكفيك شرها و يبارك لك فيها هى و بنتك نور
بس أرجوك يا أخى قل لى كل حاجة قالهالك الأستاذ هانى على العربية دى لأن والدى معاه زيها بس موديل 1991 ولايص بيها وفى قطع غيارها و صيانتها فأرجوك دلنى على أماكن قطع غيارها و على الميكانيكية الشاطرين فيها
مستنى ردك إن شاء الله تعالى
و ألف مبروك مرة أخرى
وجزاك الله خيرا
الاستاذ memario
مشكلة العربيه دي هي لو الموتور بتاعها 309 1400 cc ديفيل قطع غياره مش موجوده
لكن عربيتي موتورها 1600cc موتور 405 مش 309
الاستاذ هاني طمني ان لو الموتور 405 يبقي كويس ومفيش مشاكل من ناحية الموتور
بس انت عرفني ايه المشاكل اللي بتقابل والدك وايه قطع الغيار اللي مش لاقيها بالضبط وانا ان شاء الله ممكن اساعدك علي قد امكانياتي البسيطه وعرفني كمان ظروف عربيتك ومعاك من امتي وكنت شاريها بكم
والله الموفق
السلام عليكم ورحمة الله وبركاته
جزاك الله خيرا يا أخى على الرد و كل عام و أنت و أسرتك بكل خير إن شاء الله
المحرك فعلا 1600 سي سي يتاع بيجو 405 و الحمد لله بس العربية عايزة حاجات كتييير فيها تتظبط زى العفشة بالكامل وفى الميكانيكا عايز عنوان ميكانيكى كويس يبص عليها كلها و بالأخص المحرك لأنه والدى كان راح بيها لأكثر من واحد متخصص فى الكاربراتير و لكن لحد دلوقتى ماحدش عارف يضبط الاحتراق بتاعها و كمان العدادات بتاعتها عايزة إلى حد ما تتظبط فأنا الله يكرمك يا أخى عايز أعرف النقاط التالية:
- نمرة موبايل حضرتك و نمرة الأستاذ هانى فلاينج.
- عناوين و أسماء بتوع قطع الغيار الجديدة و المستعملة اللى شغالين فيها.
- عناوين الميكانيكية و الكهربائية الكويسين اللى بيشتغلوا فيها.
وآسف للإطالة عليك يا أخى
وجزاك الله عنا خيرا
وكل عام و أنت بخير إن شاء الله
أخوك م/محمد رضا
المفروض اى معلومة تاخدها من نور لانه هو اقوى عضو فى قسم البيجو وهو اللى يعرف الاسد الفرنسى اكتر من اى عضو لانه معاه عربيتن بيجو انا ما بحسدش يا جماعة انا بقر بس بجد مواضيع العضو نور المفروض تتثبت عشان مفيدة جدا والميزة اللى بتميزه كمان انه بيرد وقتى على استفسار او مشاركة او سؤال ربنا يخليهولنا ويحمى ويفيد كل محتاج..
اخوكم يوسف
اولا شكرا يا يوسف علي مقدمتك الجميله ربنا يخليك
و يا باشا انا الميكانيكي ابتعامل معاه في الزويه الحمراء هو و الكهربائي و ال 2 شغالين في التوكيل
و بسم الله مشاء الله مفيش عيب في العربيه معرفناش نظبته
و دي نمرتي 0122687675
نور الدين
السلام عليكم ورحمة الله وبركاته
ألف ألف شكر يا نور وجزاك الله عنا خيرا
أنا آسف لعدم ردى عليك بسرعة و لكن هذا نظرا لانشغالى فى العيد ونظرا لعدم دخولى الفترة السابقة على الانترنت وإن شاء الله سوف أقوم بالاتصال بك فى أقرب وقت لأشكرك أولا وثانيا للاستفسار منك عن أشياء أخرى بس يا رب ماكنش هازعجك
و كل عام و أنتم كلكم بخير
وجزاك الله خيرا
أخوك م/محمد رضا
ده كان رد الاستاذ هاني فلاينج عليا في العربيه
وان شاء الله لما يرد علي تليفوني لأنه من قبل العيد مابيردش هستفسر لك منه عن تساؤلاتك :
بالنسبة لقطع الغيار مرطرطة وأسعارها حلوة أوى متقلقش
دا ياباشا الاربع ابواب بالفرش بتاعهم وزجاج كهرباء ب 800 جنية !!
جوزالاكصدمات ب 400 جنية
كبوت 350 جنية
فوانيس خلفى وامامى واشارات ب 500
رفرفين 250
وقيس على كده بقى
اسعار فى التراب زى منت شايف
.............
وموجودة فى الوكالة
بس عيبها الوحيد انها ساعات بتشح شوية
.......
السلام عليكم ورحمة الله وبركاته
جزاك الله خيرا عنى خيرا يا أستاذ عمرو وألف شكر لاهتمامك بالرد على العبد لله
الأستاذ نور جزاه الله خيرا دلنى على الميكانيكى و الكهربائى بالزاوية الحمراء و سوف أقوم إن شاء الله بالاتصال به لأخذ العنوان بالتفصيل فأرجوك إذا علمت ميكانيكى شاطر فى البيجو 309 فأرجوك دلنى عليه ليكون عندى أكثر من بديل و جزاك الله عنى خيرا أنت و الأستاذ نور أكرمكما الله وجعله فى ميزان حسناتكما
أخوكم محمد رضا
يا باشا احنا كلنا اخوات والله و انا اتمني اني اتعطل عشان شباب البيجو
واي اي خدمه اقدر اعملها لحد يقو انا تحت امره
[align=center]وفي كمان أحمد عمارة اللى في مصر القديمة أمام مرور عين الصيرة بجوار سور حديقة الفسطاط ... واخد توكيل الصيانة من أباظة ... هو أصلا كان ميكانيكي بيجو وبعد كده خد توكيل الصيانة من أباظة ...
في هناك الأسطى جمال جوز بنته هو اللى ماسك الشغل في العربيات القديمة راجل محترم وفاهم كويس جدا وشاطر وإديه زي الفل وأسعاره قريبة من الميكانيكية العاديين الى حد ما وقد يكون أرخص كمان في حاجات كتير
أنا على طول باروحله بصراحة [/align]
انا لسه خبرتي علي قدي يا استاذ محمد رضا
وانا مااقدرش اتأخر عن اي حد من اخواني في المنتدي
وشويه العمليه هتتظبط
انا بتعامل مع ميكانيكي في بلبيس شرقيه هو لغاية الدلوقتي ماشي كويس بس دوخني ولسه العربيه مش مضبوطه علشان انا كنت عايز امشيها ببنزين 80 وهو قاللي هظبطهالك 80 ولو عايز 60 كمان هتمشي وحصلت مشاكل وعطلت بيا علي الصحراوي واتصلت بيه وجالي وكان الكاربيراتير مش نضيف من البلاوي اللي في ال80 وانا الدلوقتي ماشي علي 90 ماأغيروش
وربنا يعدلها من عنده الواحد مابيتعلمشي ببلاش
حرام عليك والله يا عمرو 80 في عربيه بيجو :)
اقل حاجه تتحط 90 عشان تبقي العربيه تمام و ايك و ال 80
يا عم نور العربيه عليها اقساط وده شقي سنين في السعوديه:B4_282::satelite:
المشكله ان الكاربيراتير شكله صغير اوي يعني ما ينفعشي اوسع فيه او اتحايل عليه علشان تمشي بال80
ياااااااااااااااه بيجو تمشى ببنزين 80
بصراحة نور معاه حق يا أستاذ عمرو
أنا حطيته مرة واحدة فى عربيتي محرك هوندا أكورد 82 1600 سى سى و لخبط لى كيان الكاربراتير :8954[1]:وقررت إنى عمرى ما هاحطه تانى :coool:
المهم ألف شكر لكم كلكم على المعلومات المهمة دى وجزاكم الله خيرا
90 ماشي ما باليد حيله
ربنا يعوض علينا
والف مليون سلامه عليك يا استاذ هاني فلاينج
ممكن حد يدلني عن كبالن 309 بكم والاقيها فين ؟؟
الاستاذ هاني فلاينج كان قاالي انها هي كبالن 205
فياريت اعرف معلومات عنها لأني بسمع صوت طقطقه في الدورانات
الي الاستاذ هاني فلاينج والاخوه الاعزاء في المنتدي
انا عندي مشكله في العربيه وعايز استفسر عن مشكلتين :
-انا عندي المساعد الامامي اليمين في البيجو ال309 بيرشح زيت والشمال سليم ممكن اغير واحد بس وللا لازم اغير الاتنين واحب اعرف ايه افضل الانواع ومنين اشتريه وسعره كمان
-العربيه ساعات بتبطل مني وانا ماشي بكون ماشي علي 60 او 70 واكون داخل علي مطب اروح دايس دبرياج مع فرامل علشان اهدي علي المطب الاقيها تبطل واتكررت معايا اكتر من عشر مرات وفيه مره منهم مارديتش تدور اللا لما اتصلت بالميكانيكي وقالي دوس بنزين علي الاخر ودور وفعلا دارت وما اتكررتشي تاني مع اني شغال ببنزين 90
الو يا منتدي
يا استاذ نور يا عم هاني يا اخوتي في المنتدي مفيش حد بيرد علي تساؤلاتي ليه انتو زعلانين مني وللا ايه ؟؟:_Alshmokh11::_Alshmokh11::_Alshmokh11::_Alshm okh11::_Alshmokh11::_Alshmokh11::_Alshmokh11::_Als hmokh11::_Alshmokh11::_Alshmokh11::_Alshmokh11::_A lshmokh11:؟؟؟؟
اولا يا باشا يفضل تغير ال 2 مساعدين معا عشان يبقي في اتزان و كده
و حوار التبطيله دي روح للميكانيكي قوله عليلي العربيه شويه
بس كده
طيب ممكن اعرف اجيب المساعد ده منين وايه افضل الانواع وسعره كم تقريبا العفشجي قاللي انه هو هو مساعد ال405
عمرو باشا آسف على تأخر الرد وأسأل الله ان تكون فى تمام الصحة والعافية.
بالنسبة للمساعدين بلاش بتوع ال 405
الا إذا كان صاحب العربية الاولانى كان مركب
الاجناب بتاعة ال 405 .
لكن لعلمك هم مختلفين شكلا وموضوعا عن ال 309..
أطول من بتوع ال 309 فابالتالى بيركبوا بالسوست بتاعتهم
ودا هيعللى العربية اوى من الامام
بجانب وجوب تغيير وتعديل بطاحات المساعدين
والتعديل دا بيتقل الدريكسيون فال 309..
أى حاجة ممكن تركب فى اى حتة لكن لازم يكون فى درايه بالنتائج والعيوب والمميزات.
سيبك من الميكانيكى وركب جوز مساعدين بتوعها الاصليين أحسن من بتوع ال405
وهيعملو حوالى350 الى 400
او بتوع ال 205 gti بحوالى 300 ويركبوا لزق زى ما بيقولوا.
بالنسبة للتبطيلة لو مع دوسة الفرامل بالظبط يبقى تكشف على السيرفو والوصلة بتاعو
لو بتحصل اول ما تشيل رجلك من على البنزين يبقى بك السلانسية
لو بتحصل على الطوالى يبقى بك السرعة
ولو اول ماتبطل منك وتيجى تدورها تشم ريحة بنزين وتغيب فى الدوارة تبقى العربية بتشرق فى الطوالى ودا بيرجع لعوامة الكربراتير وعايزة يتكشف عليها.
وأخبار العربية فى السلانسية ايه ???
وبتقف على rpm كام ?
............
وانا انصحك تفك الكربراتير خالص ووديه لمتخصص ينضفو ويضبطو.
واى استفسار العبد لله فى خدمتكم