اسئلة عن الفروقات في البنزين و الديزل و gearshift وشحن العربية من السعودية

ايه الفرق بين العربية لما تكون ديزل و لما تكون بنزين ؟

ايه الفرق بين العربية لما يكون "gearshift" عادي او اوتوماتيك ؟ ليه فيه عادي اساسا لحد النهرده ؟

ليه معظم العربيات في بريطانيا ديزل و gearshift عادي ؟

انا ادامي عربية سيتروين دي اس 2012 مخزنة زيرو ب 48 الف ريال سعودي وتتشحنلي لبريطانيا gearshift اوتوماتك و بنزين

نفس العربية في بريطانيا مستخدمة وماشية كتير وgearshift عادي وديزل وسعرها مقارب جدا

طبعا فيه فيات 500 2015 كويسه برضو

يعني الميزة في سيتروين دي سعرها منافس واوسع وحاسة انها تستحمل والفيات حلوة بس بحسها مش قوية زي سيتروين واغلى

بس فيه شوية عيوب في الشحن زي الضرايب هترتفع وهيكون باين انها عربية من برا واكيد فيه سلبيات انا معرفهاش لسه

*gearshift عادي = Manual >> افتكر دا المصطلح الاصح والدارج

كتير بيستخدم ادامي كلمتين " transmission" و "gearshift" ايه الفرق بينهم ؟

وايه المرادف لهم بالعربي

كل المصطلحات تؤدى الى فتيس عادى(مانوال) وفتيس اوتوماتك
الديزل والبنزين بره مصر مفيش فروق كبيره لجوده الديزل

العربية الديزل بتشتغل بوقود سولار او diesel fuel والعربية البنزين بتشتغل بال gasoline او بيتقال عليه ساعات gas او petol وعندنا فى مصر بيقولوا بنزين - بالنسبة للجيربوكس gearbox العربية بيتقال عليه فى مصر فتيس وفى معظم البلاد بيتقال عليه transmission وفيه منه نوعين يدوى manual واتوماتيك auto transmission دى المصطلحات الشايعة فى النت وفى الsearch - العربيات الديزل اغلى شوية من العربيات البنزين لكن تكاليف اصلاحها و صيانتها اغلى شوية من العربيات البنزين بس استهلاكها فى الوقود اوفر من استهلاك العربيات البنزين . بس فيه نقطة العربية اللى حاتيجى من السعودية دى دركسيون شمال وانجلترا الدركسيون يمين فبالتالى فيه بعض قطع الغيار حاتكون صعبة جدا التواجد فى انجلترا زى بعض حاجات العفشة مثلا .
فاعتقد الافضل الشراء من انجلترا علشان المشكلة دى وعلشان كمان ممكن تكون عربية لسه فى الضمان .

في بريطانيا الجير بوكس المنيوال اكثر شيوعا
لانه عمره طويل والصيانه اسهل وارخص ،تغيير كلتش غالبا.
واحسن في السحب ومهارات قيادته اعلي
الاتوماتيك مريح لكن عمره اقصر.
لما الواحد يروح بلد جديده يختار عربيه شايعه ويكيف نفسه علي الاحوال الموجوده ويتعلم مهارات جديده .مينفعش كل ما يحتاج حاجه يجيبها من بلده.بريطانيا ليها مواصفات للمركبات اقرب للمواصفات الاوروبيه ومنها emissions والخليج مواصفاته تختلف وطبعا اختلاف الدركسيون.ولو حبيتي تبيعيها سعرها بينزل جامد اسمها import وقطع الغيار احيانا مش موجوده.

الأوتوماتك سعرها اغلى من المانيوال .. ( والسولار \ الديزل Diesel ) أقل تكلفة من ( البنزين \ الجازولين Gasoline )
ولكن مش التكلفة سبب إنتشاره في أوروبا لإن ببساطة قطع غياره أغلى وصيانته أغلى والفرق في التكلفة بين الإتنين مش كبير
وبالعكس سعات سعر السولار بيكون أعلى
ويجب مراعاة حد معين من نفاذ الوقود لإنه بعد النفاذ بيتم عملية تفريغ للمضخة من الهواء
السبب الرئيسي إن السولار ذو الجودة أخف ضرر على البيئة من البنزين
بينتج عن احتراقه دايوكسايد الكربون CO2 البنزين مونوكسيد الكربون CO
وباقي الإنبعاثات السامة في السولار يمكن تلافيها أو الحد منها بأنظمة ومحاليل زي
( adblue \ BlueTec )
منظمات البيئة شغالة على أعلى مستوى بفرض قوانين وشروط والحكومات بتستجيب

وكل المصطلحات معناها للسائق العادي واحد ( فتيس \ جير \ جيربوكس )
المصطلحات الإنجليزية بيبان الفرق فيها في حالة تقييم العربية
أو الأعطال \ قطع الغيار أو نوع العربية في الورش أو من بلد لبلد
هتسمعي المصطلحات دي كمان
( autoshift \ Manual transmission \ stick shift \ gear lever )
اتعودي تتلقى مصطلحات كتير ملهاش مرادف ومتدوريش على ترجمتها
اللغة الإنجليزية لغة قوية جدًا و دقيقة والعربي أقل منها دقة
فعودي نفسك تتلقي أكبر قدر ممكن من الكلمات وحاولي تعرفي المعنى بدون محاولة ترجمتها

اشتري من انجلترا .. السيارات لها موصفات مخصصة تناسب مناخ كل بلد
سياراتهم تبدو أقل من السيارات في السعودية شكلًا فقليلي سقف توقعاتك
don't expect too much
وسيبك تمامًا من موضوع شحن السيارة ..
فاكرة لما قلتلك عايزة الأمان في البلد اللي هتروحيها عيشي عيشة أهلها ؟
مفيش عنصرية منتشرة ظاهريًا بس العنصري هناك اللي بيتجرأ على اظهار عنصريته بيبقى مجرم بكل المقاييس
فمش خيار كويس تمشي بلوح جمرك
أنا مش قادر أفهم إيه اللي معقدك من السيارات عندك ..
مش معقولة شوية كماليات يخلوكي تفكري تشحني من السعودية

اقتباس:

---

المشاركة الأصلية كتبت بواسطة ESO101

اللغة الإنجليزية لغة قوية جدًا و دقيقة والعربي أقل منها دقة

---

لا تعليق

اقتباس:

---

المشاركة الأصلية كتبت بواسطة rotanamasoud

لا تعليق

---

عفوًا ؟!

اقتباس:

---

المشاركة الأصلية كتبت بواسطة eso101

عفوًا ؟!

---

مشكلتى انى مش خبير عشان ارد رد قاطع بس على قدر علمى المتواضع ان اللغه العربيه اكثر تعبيرا ودقه فى كل شيئ عن الانجليزيه معزره لعدم قدرتى على وضع امثله يكفى القرئان عندما ترى ترجمته تعرف فعلا الفرق بين الكلمات وعمقها بالعربيه وترجمتها السطحيه بالانجليزيه

اقتباس:

---

المشاركة الأصلية كتبت بواسطة eso101

اللغة الإنجليزية لغة قوية جدًا و دقيقة والعربي أقل منها دقة

---

أنا بقى عندي تعليق
في كلمات في العربي ملهاش مرادف أصلا في الإنجليزي ..مش عارف ده ضعف في اللغه العربيه ولا قلة دقه ؟؟

وفي كلام في الإنجليزي ليه كذا مرادف في العربي ...ده متهيألي دقه عالية في الانجليزي

شكرا لحضرتكم

يعني زي ماوضحتوا ان الديزل مايفرقش عن البنزين

وزي مافهمت من ردودكم ان المانيوال والاوتوماتيك مفيش بينهم فرق يستحق اني اتعلم مانيوال وكل الكلمات ماهي الا دلاله على واحد من النوعين بدون اي فرق

طيب هل ممكن تكون فيه سيارة ديزل و اتوماتيك مع بعض ؟ ولا ماينفعش ؟

اقتباس:

---

المشاركة الأصلية كتبت بواسطة eso101

الأوتوماتك سعرها اغلى من المانيوال .. ( والسولار \ الديزل diesel ) أقل تكلفة من ( البنزين \ الجازولين gasoline )
ولكن مش التكلفة سبب إنتشاره في أوروبا لإن ببساطة قطع غياره أغلى وصيانته أغلى والفرق في التكلفة بين الإتنين مش كبير
وبالعكس سعات سعر السولار بيكون أعلى
ويجب مراعاة حد معين من نفاذ الوقود لإنه بعد النفاذ بيتم عملية تفريغ للمضخة من الهواء
السبب الرئيسي إن السولار ذو الجودة أخف ضرر على البيئة من البنزين
بينتج عن احتراقه دايوكسايد الكربون co2 البنزين مونوكسيد الكربون co
وباقي الإنبعاثات السامة في السولار يمكن تلافيها أو الحد منها بأنظمة ومحاليل زي
( adblue \ bluetec )
منظمات البيئة شغالة على أعلى مستوى بفرض قوانين وشروط والحكومات بتستجيب

وكل المصطلحات معناها للسائق العادي واحد ( فتيس \ جير \ جيربوكس )
المصطلحات الإنجليزية بيبان الفرق فيها في حالة تقييم العربية
أو الأعطال \ قطع الغيار أو نوع العربية في الورش أو من بلد لبلد
هتسمعي المصطلحات دي كمان
( autoshift \ manual transmission \ stick shift \ gear lever )
اتعودي تتلقى مصطلحات كتير ملهاش مرادف ومتدوريش على ترجمتها
اللغة الإنجليزية لغة قوية جدًا و دقيقة والعربي أقل منها دقة
فعودي نفسك تتلقي أكبر قدر ممكن من الكلمات وحاولي تعرفي المعنى بدون محاولة ترجمتها

اشتري من انجلترا .. السيارات لها موصفات مخصصة تناسب مناخ كل بلد
سياراتهم تبدو أقل من السيارات في السعودية شكلًا فقليلي سقف توقعاتك
don't expect too much
وسيبك تمامًا من موضوع شحن السيارة ..
فاكرة لما قلتلك عايزة الأمان في البلد اللي هتروحيها عيشي عيشة أهلها ؟
مفيش عنصرية منتشرة ظاهريًا بس العنصري هناك اللي بيتجرأ على اظهار عنصريته بيبقى مجرم بكل المقاييس
فمش خيار كويس تمشي بلوح جمرك
أنا مش قادر أفهم إيه اللي معقدك من السيارات عندك ..
مش معقولة شوية كماليات يخلوكي تفكري تشحني من السعودية

---

ماقبلتش اي عنصريه والناس بتحترم القانون وذوق جدا انا عمري ماحسيت بالامان زي هنا

مش معقده بس بجد مستحيل هعرف اسوق المانيوال

ومش قصة شوية كماليات اكيد مش بالتفاهه دي انا مش عارفة لو كنت هستمر او لا ومش كل شويه هبيع واشتري لاني شايلة مبلغ للسيارة هيضيع جزء منه لو اشتريت وبعت

والدول اللي بيسوقوا يمين قليله فاحتمال وارد الانتقال لدوله بيسوقوا شمال فكنت بقول لو اشتري عربيه شمال واخدها معايا اي مكان اسافرله يعني فكره من ضمن الافكار وبعد التوضيح المتعلق بقطع الغيار احترت اكتر

لاني ممكن اسافر بلد يسار ولو اشتريت يمين هواجه نفس المشكلة

اقتباس:

---

المشاركة الأصلية كتبت بواسطة rotanamasoud

مشكلتى انى مش خبير عشان ارد رد قاطع بس على قدر علمى المتواضع ان اللغه العربيه اكثر تعبيرا ودقه فى كل شيئ عن الانجليزيه معزره لعدم قدرتى على وضع امثله يكفى القرئان عندما ترى ترجمته تعرف فعلا الفرق بين الكلمات وعمقها بالعربيه وترجمتها السطحيه بالانجليزيه

---

كل ما هنالك ان كلمات جديده اكتر بتدخل الانجليزيه كل سنه ,بحكم انتشارها الواسع ولغه للعلم ,وعندنا المجمع اللغوي مش ملاحق مع الالفاظ الجديده وترجمته احيانا صعبه فالناس بتهملها وتستخدم الاجنبيه.وفي مجال السيارات هتلاقي لخفنه كتيره عندنا.

اقتباس:

---

المشاركة الأصلية كتبت بواسطة mecha

كل ما هنالك ان كلمات جديده اكتر بتدخل الانجليزيه كل سنه ,بحكم انتشارها الواسع ولغه للعلم ,وعندنا المجمع اللغوي مش ملاحق مع الالفاظ الجديده وترجمته احيانا صعبه فالناس بتهملها وتستخدم الاجنبيه.وفي مجال السيارات هتلاقي لخفنه كتيره عندنا.

---

استغربت من ان حد عنده جدال في الموضوع دا وخاصة الكلام عادي ومفهوم مش محتاج شرح


التعصب اوقات بيكون لدرجة مرفوضة

اقتباس:

---

المشاركة الأصلية كتبت بواسطة إنسانة

شكرا لحضرتكم

يعني زي ماوضحتوا ان الديزل مايفرقش عن البنزين

وزي مافهمت من ردودكم ان المانيوال والاوتوماتيك مفيش بينهم فرق يستحق اني اتعلم مانيوال وكل الكلمات ماهي الا دلاله على واحد من النوعين بدون اي فرق

طيب هل ممكن تكون فيه سيارة ديزل و اتوماتيك مع بعض ؟ ولا ماينفعش ؟

---

لا في فروق والناس وضحتها بين ديزل وبنزين وعندك اعتقد ضريبة كربون
وبردك فروق المنوال والاتوماتك اتوضحت ,لو الرخصه طلعت اوتوماتك مينفعش تسوقي منوال غير بشروط,لكن العكس صحيح, ان دوختي في الاختيار,الياباني يكسب
دي مواقع لعربيات في بلفاست ,ايوه ممكن عربيه ديزل وتوماتيك مع بعض

https://www.gumtree.com/cars/belfast..._highest_first
لزمن تروحي car yards وتشوفي


New Citroën DS3 Cabrio in Dungannon & Enniskillen | Donnelly Group Citroen Northern Ireland

اقتباس:

---

المشاركة الأصلية كتبت بواسطة rotanamasoud

مشكلتى انى مش خبير عشان ارد رد قاطع بس على قدر علمى المتواضع ان اللغه العربيه اكثر تعبيرا ودقه فى كل شيئ عن الانجليزيه معزره لعدم قدرتى على وضع امثله يكفى القرئان عندما ترى ترجمته تعرف فعلا الفرق بين الكلمات وعمقها بالعربيه وترجمتها السطحيه بالانجليزيه

---

القرآن ..
أخي الكريم اللغة مرآة المجتمع تتطور إن تطور وتدهور إن تدهور
واللغة الإنجليزية يعمل أهلها على تحديث مصطلحاتها لـ تواكب حجم التطور
مصطلحات كثيرة لن تجد لها ترجمة للعربية لتخلف الناطقين بها

أما عن الإنجليزية .. فأعتبرها لغة علم لالغة تذوق وفصاحة .. رغم أنها كذلك لدى أهلها
والقرآن إن ترجمته لأي لغة فقد جزء من بلاغته .

اقتباس:

---

المشاركة الأصلية كتبت بواسطة Abo_Mazen

أنا بقى عندي تعليق
في كلمات في العربي ملهاش مرادف أصلا في الإنجليزي ..مش عارف ده ضعف في اللغه العربيه ولا قلة دقه ؟؟

وفي كلام في الإنجليزي ليه كذا مرادف في العربي ...ده متهيألي دقه عالية في الانجليزي

---

ماشي http://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة eso101

القرآن ..
أخي الكريم اللغة مرآة المجتمع تتطور إن تطور وتدهور إن تدهور
واللغة الإنجليزية يعمل أهلها على تحديث مصطلحاتها لـ تواكب حجم التطور
مصطلحات كثيرة لن تجد لها ترجمة للعربية لتخلف الناطقين بها

أما عن الإنجليزية .. فأعتبرها لغة علم لالغة تذوق وفصاحة .. رغم أنها كذلك لدى أهلها
والقرآن إن ترجمته لأي لغة فقد جزء من بلاغته .

---

قولتلك انا مش خبير عشان تطلعلى اخطاء لغويه
وفعلا عندك حق فى المصطلحات العلميه والعلوم (انتشار العلوم بلانجليزيه هو اللى قواها)غير التعبير والمشاعر اللى هو اقوى

اقتباس:

---

المشاركة الأصلية كتبت بواسطة إنسانة

ماقبلتش اي عنصريه والناس بتحترم القانون وذوق جدا انا عمري ماحسيت بالامان زي هنا

مش معقده بس بجد مستحيل هعرف اسوق المانيوال

ومش قصة شوية كماليات اكيد مش بالتفاهه دي انا مش عارفة لو كنت هستمر او لا ومش كل شويه هبيع واشتري لاني شايلة مبلغ للسيارة هيضيع جزء منه لو اشتريت وبعت

والدول اللي بيسوقوا يمين قليله فاحتمال وارد الانتقال لدوله بيسوقوا شمال فكنت بقول لو اشتري عربيه شمال واخدها معايا اي مكان اسافرله يعني فكره من ضمن الافكار وبعد التوضيح المتعلق بقطع الغيار احترت اكتر

لاني ممكن اسافر بلد يسار ولو اشتريت يمين هواجه نفس المشكلة

---

لاء مش ظاهرة بس بقولك في حالة حدوثها
كتبت كذا رد وتراجعت
مش عارف أقولك إيه ..
ومش عارف ظروفك الحالية ..
عمومًا
حفاظًا على مالك أصبري لما تستقري ..
أو لو مصرة هاتي حاجة تمشيكي فترة بقائك
ياريت تعملي تقرير مصور عن رحلتك .. لما وقتك يسمح

اقتباس:

---

المشاركة الأصلية كتبت بواسطة إنسانة

استغربت من ان حد عنده جدال في الموضوع دا وخاصة الكلام عادي ومفهوم مش محتاج شرح


التعصب اوقات بيكون لدرجة مرفوضة

---

ترجميلي فاكس http://www.nilemotors.net/Nile/images/icons/icon10.gif

اقتباس:

---

المشاركة الأصلية كتبت بواسطة rotanamasoud

قولتلك انا مش خبير عشان تطلعلى اخطاء لغويه
وفعلا عندك حق فى المصطلحات العلميه والعلوم (انتشار العلوم بلانجليزيه هو اللى قواها)غير التعبير والمشاعر اللى هو اقوى

---

عشان أنا مش من محبي تصيد أخطاء الآخرين وتتبع زلاتهم
وإحترامًا لحضرتك معلقتش على كم الأخطاء الإملائية في جملتك
ولكن اسم كتاب الله من يخطئ في كتابته ؟ وهي كلمة شائعة جدًا لاتحتاج لخبير
وهو خطأ إملائي ليس لغوي
وعلى أي حال .. تشرفت بك وشكرًا على حرصك

اقتباس:

---

المشاركة الأصلية كتبت بواسطة eso101

عشان أنا مش من محبي تصيد أخطاء الآخرين وتتبع زلاتهم
وإحترامًا لحضرتك معلقتش على كم الأخطاء الإملائية في جملتك
ولكن اسم كتاب الله من يخطئ في كتابته ؟ وهي كلمة شائعة جدًا لاتحتاج لخبير
وهو خطأ إملائي ليس لغوي
وعلى أي حال .. تشرفت بك وشكرًا على حرصك

---

انه خطء لانى لا اعرف التعامل مع الكيبورد ولا اعرف التشكيل او سعات بدور على حرف ملاقيهوش اشوف حرف شبهه
لاكن لو بكتب على ورق مستحيل حتلاقى اخطاء كتابيه مش للدرجادى يعنى

اقتباس:

---

المشاركة الأصلية كتبت بواسطة mecha

لا في فروق والناس وضحتها بين ديزل وبنزين وعندك اعتقد ضريبة كربون
وبردك فروق المنوال والاتوماتك اتوضحت ,لو الرخصه طلعت اوتوماتك مينفعش تسوقي منوال غير بشروط,لكن العكس صحيح, ان دوختي في الاختيار,الياباني يكسب
دي مواقع لعربيات في بلفاست ,ايوه ممكن عربيه ديزل وتوماتيك مع بعض

https://www.gumtree.com/cars/belfast..._highest_first
لزمن تروحي car yards وتشوفي


new citroën ds3 cabrio in dungannon & enniskillen | donnelly group citroen northern ireland

---

اهلا بحضرتك


يعني افضل اشتري ديزل ولا بنزين ؟ لاني مفهمتش من الردود اي مؤشر لتفضيل اي نوع فاعقدت ان المسالة مفهاش فرق


المانيوال مش هركبها في حياتي فمش مهتمة بشروطها خالص




شكرا سيد ميكا

اقتباس:

---

المشاركة الأصلية كتبت بواسطة eso101

لاء مش ظاهرة بس بقولك في حالة حدوثها
كتبت كذا رد وتراجعت
مش عارف أقولك إيه ..
ومش عارف ظروفك الحالية ..
عمومًا
حفاظًا على مالك أصبري لما تستقري ..
أو لو مصرة هاتي حاجة تمشيكي فترة بقائك
ياريت تعملي تقرير مصور عن رحلتك .. لما وقتك يسمح

---

اهلا بيك سيد ادم
في حالة حدوث العنصريه المتطرفة بتتنشر في وسائل الاعلام يمكن دا دليل على ندرتها بس بتكون جرائم مخيفه


هصبر شويه لحد مشوف الوضع لاني مش عايزه اشتري مستعمله


عن التقرير انا عندي صور كتير بس انا اوقات بنام وانا بكتب الرد مش لاقيه وقت كافي افرغ الكاميرا واعمل تقرير للمنتدى


بس افضى شويه اعمل تقرير واحاول اتابعه اول باول عشان لما بتتراكم الصور بكسل

اقتباس:

---

المشاركة الأصلية كتبت بواسطة ESO101

ترجميلي فاكس http://www.nilemotors.net/Nile/images/icons/icon10.gif

---

عليك طلعات هههه


الناسوخ يمكن


ترجم




interstitial


Hospitalization


Budget


Balance Sheet


Administration


Management

Squats


Cardio


Poaching


Sandwich


Cinema



دا الي تذكرته


اما مفيش ترجمه او ترجمة غير دقيقة او مكرره لشيئين مختلفين او ترجمة ثقيلة دم وغير معبرة

هو الموضوع قلب على لغات :) واللى سائل السؤال ماخدش إجابة على موضوع السؤال :)
عموماً اللغة العربية هى لغة جميلة ولغة القران الكريم - لكن علماءاللغة العرب كسلانين لأن اللغات الأجنبية كل يوم بتزود مصطلحات علمية جديدة واللغة العربية مش بتساير المصطلحات العلمية دى بسبب كسل علماء اللغة العرب وأعتقد إن فيه هيئة من علماء اللغة العربية فى كل الدول العربية واعتقد كمان فيه مجلس عربى مشترك للغة العربية - يعنى مثلاً لسه قارى إن مجمع اللغة أقر مصطلح جديد فى الهندسة الوراثية تقريباً بعد إجتماعات ومناقشات قعدت حوالى سنة ونص !!!!! يعنى مصطلح واحد يترجم فى سنة ونص طبعاً كتير جداً لأن فىى السنة ونص دول استحدثت كلمات ومصطلحات باللغة الانجليزية كتير جداً غير إللى قبل كده - فالموضوع ده كبير شوية .
الخلاصة نرجع للموضوع الأصلى - فى أوروبا العربيات الديزل منتشرة شوية اكتر من البنزين علشان الجالون فى السولار بيقدر يمشى العربية عدد اميال اكتر من جالون البنزين فالـ running cost بتاعة العربية بتبقى اقل من البنزين. والعيوب بتاعة الديزل إنها فى الاصلاحات مكلفة بس إصلاحتها وقطع غيارها الاستهلاكية معمرة يعنى بتمشى العربية أميال أكتر من العربيات البنزين - كمان العربيات الديزل فى السحب بتاعها (التسارع) بتبقى اقل من البنزين لكن عزم محركات الديزل أكبر من محركات البنزين (وده بينفع فى الغرز والطرق المطينة شوية) وإن كانوا تغلبوا نوعاً ما على موضوع السحب ده فى عربيات الديزل عن طريق إنهم بينزلوا دلوقتى عربيات ديزل كتير بمحرك ديزل تربو . أرجو إنى أكون وضحت الصورة نوعاً ما .

اقتباس:

---

المشاركة الأصلية كتبت بواسطة إنسانة

اهلا بحضرتك


يعني افضل اشتري ديزل ولا بنزين ؟ لاني مفهمتش من الردود اي مؤشر لتفضيل اي نوع فاعقدت ان المسالة مفهاش فرق


المانيوال مش هركبها في حياتي فمش مهتمة بشروطها خالص

شكرا سيد ميكا

---

خلاص اشتري اتوماتيك، موضوع بنزين وديزل لو التكلفه عامل مهم ، الديزل اغلي كسعر عربيه واقل كضريبة كربون ، انا افضل عربيه بنزين
ايه المانع تاخدي جوله في car yards
وكدا كدا هتشتري زيرو فمش هتقابلي مشاكل

اقتباس:

---

المشاركة الأصلية كتبت بواسطة إنسانة

اهلا بيك سيد ادم
في حالة حدوث العنصريه المتطرفة بتتنشر في وسائل الاعلام يمكن دا دليل على ندرتها بس بتكون جرائم مخيفه


هصبر شويه لحد مشوف الوضع لاني مش عايزه اشتري مستعمله


عن التقرير انا عندي صور كتير بس انا اوقات بنام وانا بكتب الرد مش لاقيه وقت كافي افرغ الكاميرا واعمل تقرير للمنتدى


بس افضى شويه اعمل تقرير واحاول اتابعه اول باول عشان لما بتتراكم الصور بكسل

---

نادرة ولكن موجودة .
أنا زيك مش بحب أركب مستعمل ..
ولكن مفيش مانع تشتريها مؤقتًا عشان تتمرسي على متطلبات القيادة
وتعلمي المانيوال .. في البداية بس هتحسي بصعوبة ولكن هتتعودي بسرعة
مش بقولك سوقي مانيوال طول عمرك الأتوماتيك أريح بس مفيش مانع من خوض التجربة
والتقرير .. خدي وقتك على الآخر .. يكون في وقت فراغك

اقتباس:

---

المشاركة الأصلية كتبت بواسطة إنسانة

عليك طلعات هههه


الناسوخ يمكن


ترجم




interstitial


Hospitalization


Budget


Balance Sheet


Administration


Management

Squats


Cardio


Poaching


Sandwich


Cinema



دا الي تذكرته


اما مفيش ترجمه او ترجمة غير دقيقة او مكرره لشيئين مختلفين او ترجمة ثقيلة دم وغير معبرة

---

المصطلحات الطبية .. ممكن لها معاجم مختصة
interstitial
ممكن نترجمها في كلمة وحدة ( بيَني )
على حد فهمي و مجرد إجتهاد شخصي
Sandwich
تعرفي لو قلتلك ترجمتها احتمال تفقدي الوعي من الضحك
كما عرفها علماؤنا الأفاضل الذين أطالوا الإجتماعات والإجتهادات
لإيجاد تعريبًا مناسبًا لهذا الشيء الذي يُدعى ساندوتش
Sandwich : شاطر ومشطور وبينهما كامخ أو بيتهما طازح http://www.nilemotors.net/Nile/images/icons/icon10.gif .. تعريفًا للشطيرة
لأن الشطيرة أساسًا لا تدل إلا على قطعة منتظمة من شيء يؤكل ..
وسينما ممكن نقول ( مرناة ضخمة ) .. بما أن ترجمة التلفزيون ( المعرب أصلًا ) : مرناة أو رائي http://www.nilemotors.net/Nile/images/icons/icon10.gif
ولاة أمرنا وعلماؤنا لن يجتمعوا الا على الخير
لا تمعني في البحث يافتاة - قدس الله روحك - .. نقول ماشي ونخلي الطبق مستور http://www.nilemotors.net/Nile/images/icons/icon14.gif

اقتباس:

---

المشاركة الأصلية كتبت بواسطة م/أحمد عبد الفتاح

هو الموضوع قلب على لغات :) واللى سائل السؤال ماخدش إجابة على موضوع السؤال :)
عموماً اللغة العربية هى لغة جميلة ولغة القران الكريم - لكن علماءاللغة العرب كسلانين لأن اللغات الأجنبية كل يوم بتزود مصطلحات علمية جديدة واللغة العربية مش بتساير المصطلحات العلمية دى بسبب كسل علماء اللغة العرب وأعتقد إن فيه هيئة من علماء اللغة العربية فى كل الدول العربية واعتقد كمان فيه مجلس عربى مشترك للغة العربية - يعنى مثلاً لسه قارى إن مجمع اللغة أقر مصطلح جديد فى الهندسة الوراثية تقريباً بعد إجتماعات ومناقشات قعدت حوالى سنة ونص !!!!! يعنى مصطلح واحد يترجم فى سنة ونص طبعاً كتير جداً لأن فىى السنة ونص دول استحدثت كلمات ومصطلحات باللغة الانجليزية كتير جداً غير إللى قبل كده - فالموضوع ده كبير شوية .
الخلاصة نرجع للموضوع الأصلى - فى أوروبا العربيات الديزل منتشرة شوية اكتر من البنزين علشان الجالون فى السولار بيقدر يمشى العربية عدد اميال اكتر من جالون البنزين فالـ running cost بتاعة العربية بتبقى اقل من البنزين. والعيوب بتاعة الديزل إنها فى الاصلاحات مكلفة بس إصلاحتها وقطع غيارها الاستهلاكية معمرة يعنى بتمشى العربية أميال أكتر من العربيات البنزين - كمان العربيات الديزل فى السحب بتاعها (التسارع) بتبقى اقل من البنزين لكن عزم محركات الديزل أكبر من محركات البنزين (وده بينفع فى الغرز والطرق المطينة شوية) وإن كانوا تغلبوا نوعاً ما على موضوع السحب ده فى عربيات الديزل عن طريق إنهم بينزلوا دلوقتى عربيات ديزل كتير بمحرك ديزل تربو . أرجو إنى أكون وضحت الصورة نوعاً ما .

---

اذا انا فمهت الان اني اخلي في اختياري الافضلية لسيارات الديزل و الاتوماتيك و تكون بمحرك تربو




شكرا م/أحمد عبد الفتاح على اجابتك الشاملة

اقتباس:

---

المشاركة الأصلية كتبت بواسطة eso101

نادرة ولكن موجودة .
أنا زيك مش بحب أركب مستعمل ..
ولكن مفيش مانع تشتريها مؤقتًا عشان تتمرسي على متطلبات القيادة
وتعلمي المانيوال .. في البداية بس هتحسي بصعوبة ولكن هتتعودي بسرعة
مش بقولك سوقي مانيوال طول عمرك الأتوماتيك أريح بس مفيش مانع من خوض التجربة
والتقرير .. خدي وقتك على الآخر .. يكون في وقت فراغك

---

على فكره مش مسالة حب او كره للمستعملة ولكن عندي شعور انها هتعطل وهتتعبني

انت جربت المستعمل ؟

المانيوال انا خضت التجربه فعلا وقراري نهائي

مش ممكن هقعد اجري بين الدبرياج و الجير زي الهبلة طول الطريق

حتى المتمكن بيعمل التصرفات المرهقة دي طول مشواره متخيله ان اللي عربيته كدا دا عايش في عذاب ومش ممكن هيستمتع بالطريق اثناء مشواره

اقتباس:

---

المشاركة الأصلية كتبت بواسطة eso101

المصطلحات الطبية .. ممكن لها معاجم مختصة
interstitial
ممكن نترجمها في كلمة وحدة ( بيَني )
على حد فهمي و مجرد إجتهاد شخصي
sandwich
تعرفي لو قلتلك ترجمتها احتمال تفقدي الوعي من الضحك
كما عرفها علماؤنا الأفاضل الذين أطالوا الإجتماعات والإجتهادات
لإيجاد تعريبًا مناسبًا لهذا الشيء الذي يُدعى ساندوتش
sandwich : شاطر ومشطور وبينهما كامخ أو بيتهما طازح http://www.nilemotors.net/nile/images/icons/icon10.gif .. تعريفًا للشطيرة
لأن الشطيرة أساسًا لا تدل إلا على قطعة منتظمة من شيء يؤكل ..
وسينما ممكن نقول ( مرناة ضخمة ) .. بما أن ترجمة التلفزيون ( المعرب أصلًا ) : مرناة أو رائي http://www.nilemotors.net/nile/images/icons/icon10.gif
ولاة أمرنا وعلماؤنا لن يجتمعوا الا على الخير
لا تمعني في البحث يافتاة - قدس الله روحك - .. نقول ماشي ونخلي الطبق مستور http://www.nilemotors.net/nile/images/icons/icon14.gif

---

كامخ ههههههههههه

تخيل تروح لهندي في الكافتريا ولا فلبيني وتطلب ساندويتش بالعربي

ههههههههههههههههههههههه



قدس الله روحك ! << بصراحة محستش بالراحة مع الجملة دي , غريبة عليا


شكرا

اقتباس:

---

المشاركة الأصلية كتبت بواسطة إنسانة

على فكره مش مسالة حب او كره للمستعملة ولكن عندي شعور انها هتعطل وهتتعبني

انت جربت المستعمل ؟

المانيوال انا خضت التجربه فعلا وقراري نهائي

مش ممكن هقعد اجري بين الدبرياج و الجير زي الهبلة طول الطريق

حتى المتمكن بيعمل التصرفات المرهقة دي طول مشواره متخيله ان اللي عربيته كدا دا عايش في عذاب ومش ممكن هيستمتع بالطريق اثناء مشواره

---

أيوه جربت الستعمل مشاكلها كتير

اقتباس:

---

المشاركة الأصلية كتبت بواسطة إنسانة

كامخ ههههههههههه

تخيل تروح لهندي في الكافتريا ولا فلبيني وتطلب ساندويتش بالعربي

ههههههههههههههههههههههه



قدس الله روحك ! << بصراحة محستش بالراحة مع الجملة دي , غريبة عليا


شكرا

---

ثقي أن كلماتي تجاهك تحمل كل تقدير وإحترام ..
ليس فقط لأنك جديرة بكل احترام
لأني لايمكن أن أوجه كلمات فيها مايسيء لغيري أو لي
دي دعوة يمكن مش مألوفة ولكنها دعوة
قدس بمعنى طهر ... أي روح تحمل مايشوبها ... فندعوا الله أن يطهر أرواحنا
كذلك أحترم صراحتك ورفضك لما لم تستسيغه نفسك ..

اقتباس:

---

المشاركة الأصلية كتبت بواسطة eso101

أيوه جربت الستعمل مشاكلها كتير





ثقي أن كلماتي تجاهك تحمل كل تقدير وإحترام ..
ليس فقط لأنك جديرة بكل احترام
لأني لايمكن أن أوجه كلمات فيها مايسيء لغيري أو لي
دي دعوة يمكن مش مألوفة ولكنها دعوة
قدس بمعنى طهر ... أي روح تحمل مايشوبها ... فندعوا الله أن يطهر أرواحنا
كذلك أحترم صراحتك ورفضك لما لم تستسيغه نفسك ..

---

اها

شكرا على التوضيح لاني الي اعرفه ان التقديس نوع من التبجيل و كدا فاستغربت

بخصوص المستعمل دي المشكلة الرئيسية الاعطال مع قلة الخبرة مضيعة وقت

شكرا سيد ادم

الكامخ دي يعني محاط او مدثر لكل مهموك، موش كدا
فكمخ يكمخ فهو مكموخ
وكعم يكعم فهو مكعوم
ياسلام اي والله ..... لغتنا الجميله
اعتقد اهل البوادي لهجتهم مشبعه بهذه الكلمات الثقيله

اقتباس:

---

المشاركة الأصلية كتبت بواسطة إنسانة

اها

شكرا على التوضيح لاني الي اعرفه ان التقديس نوع من التبجيل و كدا فاستغربت

بخصوص المستعمل دي المشكلة الرئيسية الاعطال مع قلة الخبرة مضيعة وقت

شكرا سيد ادم

---

قدس يفرق المعنى بحسب موضع الكلمة وسياق الجملة .. هنا تأتي بمعنى طهر
أرصد في هذه المشاركة تقدم على المستوى الإيماني .. أتمنى أن أكون محق

نعم مشاكل و أعطال ولكن هتعلمك .. كدا هتتعلمي في الجديدة