اسئلة عن الفروقات في البنزين و الديزل و gearshift وشحن العربية من السعودية

**إنسانة** · 22-01-2016 04:28 PM

ايه الفرق بين العربية لما تكون ديزل و لما تكون بنزين ؟

ايه الفرق بين العربية لما يكون "gearshift" عادي او اوتوماتيك ؟ ليه فيه عادي اساسا لحد النهرده ؟

ليه معظم العربيات في بريطانيا ديزل و gearshift عادي ؟

انا ادامي عربية سيتروين دي اس 2012 مخزنة زيرو ب 48 الف ريال سعودي وتتشحنلي لبريطانيا gearshift اوتوماتك و بنزين

نفس العربية في بريطانيا مستخدمة وماشية كتير وgearshift عادي وديزل وسعرها مقارب جدا

طبعا فيه فيات 500 2015 كويسه برضو

يعني الميزة في سيتروين دي سعرها منافس واوسع وحاسة انها تستحمل والفيات حلوة بس بحسها مش قوية زي سيتروين واغلى

بس فيه شوية عيوب في الشحن زي الضرايب هترتفع وهيكون باين انها عربية من برا واكيد فيه سلبيات انا معرفهاش لسه

**إنسانة** · 22-01-2016 04:36 PM

*gearshift عادي = Manual >> افتكر دا المصطلح الاصح والدارج

**إنسانة** · 22-01-2016 04:47 PM

كتير بيستخدم ادامي كلمتين " transmission" و "gearshift" ايه الفرق بينهم ؟

وايه المرادف لهم بالعربي

**rotanamasoud** · 22-01-2016 05:54 PM

كل المصطلحات تؤدى الى فتيس عادى(مانوال) وفتيس اوتوماتك
الديزل والبنزين بره مصر مفيش فروق كبيره لجوده الديزل

**م/أحمد عبد الفتاح** · 22-01-2016 09:24 PM

العربية الديزل بتشتغل بوقود سولار او diesel fuel والعربية البنزين بتشتغل بال gasoline او بيتقال عليه ساعات gas او petol وعندنا فى مصر بيقولوا بنزين - بالنسبة للجيربوكس gearbox العربية بيتقال عليه فى مصر فتيس وفى معظم البلاد بيتقال عليه transmission وفيه منه نوعين يدوى manual واتوماتيك auto transmission دى المصطلحات الشايعة فى النت وفى الsearch - العربيات الديزل اغلى شوية من العربيات البنزين لكن تكاليف اصلاحها و صيانتها اغلى شوية من العربيات البنزين بس استهلاكها فى الوقود اوفر من استهلاك العربيات البنزين . بس فيه نقطة العربية اللى حاتيجى من السعودية دى دركسيون شمال وانجلترا الدركسيون يمين فبالتالى فيه بعض قطع الغيار حاتكون صعبة جدا التواجد فى انجلترا زى بعض حاجات العفشة مثلا .
فاعتقد الافضل الشراء من انجلترا علشان المشكلة دى وعلشان كمان ممكن تكون عربية لسه فى الضمان .

**ESO101** · 24-01-2016 07:26 PM

الأوتوماتك سعرها اغلى من المانيوال .. ( والسولار \ الديزل Diesel ) أقل تكلفة من ( البنزين \ الجازولين Gasoline )
ولكن مش التكلفة سبب إنتشاره في أوروبا لإن ببساطة قطع غياره أغلى وصيانته أغلى والفرق في التكلفة بين الإتنين مش كبير
وبالعكس سعات سعر السولار بيكون أعلى
ويجب مراعاة حد معين من نفاذ الوقود لإنه بعد النفاذ بيتم عملية تفريغ للمضخة من الهواء
السبب الرئيسي إن السولار ذو الجودة أخف ضرر على البيئة من البنزين
بينتج عن احتراقه دايوكسايد الكربون CO2 البنزين مونوكسيد الكربون CO
وباقي الإنبعاثات السامة في السولار يمكن تلافيها أو الحد منها بأنظمة ومحاليل زي
( adblue \ BlueTec )
منظمات البيئة شغالة على أعلى مستوى بفرض قوانين وشروط والحكومات بتستجيب

وكل المصطلحات معناها للسائق العادي واحد ( فتيس \ جير \ جيربوكس )
المصطلحات الإنجليزية بيبان الفرق فيها في حالة تقييم العربية
أو الأعطال \ قطع الغيار أو نوع العربية في الورش أو من بلد لبلد
هتسمعي المصطلحات دي كمان
( autoshift \ Manual transmission \ stick shift \ gear lever )
اتعودي تتلقى مصطلحات كتير ملهاش مرادف ومتدوريش على ترجمتها
اللغة الإنجليزية لغة قوية جدًا و دقيقة والعربي أقل منها دقة
فعودي نفسك تتلقي أكبر قدر ممكن من الكلمات وحاولي تعرفي المعنى بدون محاولة ترجمتها

اشتري من انجلترا .. السيارات لها موصفات مخصصة تناسب مناخ كل بلد
سياراتهم تبدو أقل من السيارات في السعودية شكلًا فقليلي سقف توقعاتك
don't expect too much
وسيبك تمامًا من موضوع شحن السيارة ..
فاكرة لما قلتلك عايزة الأمان في البلد اللي هتروحيها عيشي عيشة أهلها ؟
مفيش عنصرية منتشرة ظاهريًا بس العنصري هناك اللي بيتجرأ على اظهار عنصريته بيبقى مجرم بكل المقاييس
فمش خيار كويس تمشي بلوح جمرك
أنا مش قادر أفهم إيه اللي معقدك من السيارات عندك ..
مش معقولة شوية كماليات يخلوكي تفكري تشحني من السعودية

**rotanamasoud** · 24-01-2016 09:27 PM

المشاركة الأصلية كتبت بواسطة ESO101

اللغة الإنجليزية لغة قوية جدًا و دقيقة والعربي أقل منها دقة

لا تعليق

**ESO101** · 25-01-2016 08:10 PM

المشاركة الأصلية كتبت بواسطة rotanamasoud

لا تعليق

عفوًا ؟!

**rotanamasoud** · 25-01-2016 08:35 PM

المشاركة الأصلية كتبت بواسطة eso101

عفوًا ؟!

مشكلتى انى مش خبير عشان ارد رد قاطع بس على قدر علمى المتواضع ان اللغه العربيه اكثر تعبيرا ودقه فى كل شيئ عن الانجليزيه معزره لعدم قدرتى على وضع امثله يكفى القرئان عندما ترى ترجمته تعرف فعلا الفرق بين الكلمات وعمقها بالعربيه وترجمتها السطحيه بالانجليزيه

الموضوع: اسئلة عن الفروقات في البنزين و الديزل و gearshift وشحن العربية من السعودية

LinkBack

أدوات الموضوع

عرض

-

-

-

-

-

-

المواضيع المتشابهه

من يريد التغير من زيوت البنزين الي الديزل

زيت الديزل لمحركات البنزين

الفروق بين المحرك الديزل و الحمرك البنزين

الماهيندرا الديزل و لا البنزين

زيت الديزل ومحركات البنزين

الكلمات الدلالية لهذا الموضوع

المفضلات

المفضلات

ضوابط المشاركة