نفسى اعرف اسم المشكلة الى حصلتلى فى ال 128 دى اييييييه

**mohamedtito** · 23-01-2016 01:56 PM

انا عندى 128 وحصل فيها ان فى الشنطة العمود الى مشاور عليه فى الصورة اتخلع عايز اعرف اسم المشكلة وعايز اعرف اذا كانت جامدة ولا لا وايه حلها

**lancer06** · 23-01-2016 02:14 PM

اللى مشاور عليه ده المساعد
هتروح لبتاع العفشه وقوله المساعد اتفك
الموضوع بسيط بس متجريش بالعربيه على مهلك يعنى

**mohamedtito** · 23-01-2016 02:42 PM

المشاركة الأصلية كتبت بواسطة lancer06

اللى مشاور عليه ده المساعد
هتروح لبتاع العفشه وقوله المساعد اتفك
الموضوع بسيط بس متجريش بالعربيه على مهلك يعنى

هو دة كدة مالوش علاقة بالشاسيه وبيقلل من تمنها ولا عادى ؟؟؟ وكمان حضرتك العربية بتحدف شمال والعجلة معوجة اوى دة بسببها وشكرا على الرد يا باشا

**lancer06** · 24-01-2016 12:48 AM

المشاركة الأصلية كتبت بواسطة mohamedtito

هو دة كدة مالوش علاقة بالشاسيه وبيقلل من تمنها ولا عادى ؟؟؟ وكمان حضرتك العربية بتحدف شمال والعجلة معوجة اوى دة بسببها وشكرا على الرد يا باشا

لو مفيش برومه ماسكه فى المكان اللى انتا مشاور عليه
يبقى الموضوع بسيط
انما لو المساعد فك بسبب انه فيه برومه فى المكان اللى بيبات فيه ودا مستبعد بإذن الله يبقى هتضر تروح لسمكرى علشان يقص ويركب جزء تانى وفى الحاله دى هترش دواخل ودا بيقل من تمن العربيه بس فى ١٢٨ متحملش هم لانها مش هتنزل من تمنها حاجه لان العربيه قيمتها مش غاليه
وانا قصدت انى اقولك متجريش لان المساعدين بيخلو العربيه تعوم وتحدف نحيه المساعد اللى فيه مشكله
ومتقلقش روح لبتاع عفشه امين والموضوع ان شاء الله هيبقى بسيط متحملش هم

**mohamedtito** · 24-01-2016 02:27 AM

المشاركة الأصلية كتبت بواسطة lancer06

لو مفيش برومه ماسكه فى المكان اللى انتا مشاور عليه
يبقى الموضوع بسيط
انما لو المساعد فك بسبب انه فيه برومه فى المكان اللى بيبات فيه ودا مستبعد بإذن الله يبقى هتضر تروح لسمكرى علشان يقص ويركب جزء تانى وفى الحاله دى هترش دواخل ودا بيقل من تمن العربيه بس فى ١٢٨ متحملش هم لانها مش هتنزل من تمنها حاجه لان العربيه قيمتها مش غاليه
وانا قصدت انى اقولك متجريش لان المساعدين بيخلو العربيه تعوم وتحدف نحيه المساعد اللى فيه مشكله
ومتقلقش روح لبتاع عفشه امين والموضوع ان شاء الله هيبقى بسيط متحملش هم

طب انا لما روحت للسمكرى عملى لحام تقوية للجزء دة كدة صح ولا كان لازم اغير كارتيرة ؟؟؟ وروحت بعدها عملت ظبط زوايا علشان العجلة المعوجة دى هيا اتظبطت شوية بس لسه فيها عوجة بسيطة كدة المفروض اعمل ايه وشكرا على اهتمامك يا باشا والمفروض كنت اسال السمكرى اذا كان فيها بارومة ولا لا وهى كانت اتخلعت بسبب خبطة من تحت

**pepo2011** · 24-01-2016 10:50 AM

المفروض بتاع الزوايا يقولك انها لسة معووجة وفيها ميل كام مل او سم
وترجع للعفشجي لازم يظبطها لانها كده برضو هاتحدف وهاتاكل الكاوتش

**mohamedtito** · 24-01-2016 02:34 PM

المشاركة الأصلية كتبت بواسطة pepo2011

المفروض بتاع الزوايا يقولك انها لسة معووجة وفيها ميل كام مل او سم
وترجع للعفشجي لازم يظبطها لانها كده برضو هاتحدف وهاتاكل الكاوتش

يعنى المفروض اروح للعفشجى الاول وبعدين اعمل ظبط زوايا واشوف هتتظبط ولا لا ؟؟؟؟ ودى كدة الى بيسموها الشاسية بقى مفتوح او اتلعب فيه وبتقلل من تمن العربية ولحام التقوية الى السمكرى عملهولى كدة صح ولا المفروض كنت اعمل ايه وشكرا لحضرتك