محتاجين دكتور عيون ابن حلال لعمل نظارة لراجل مسن فى بيته .!

**BRAZILI** · 25-01-2016 08:42 PM

السلام عليكم و رحمة الله و بركاته

واحد صاحبى والده راجل كبير جدا فى السن و ما بيقدرش ينزل من الشقة خالص و محتاج يعمل نظارة عشان يقرأ بيها القرآن الكريم ....

صاحبى لف على دكاترة كتير و ملقاش حد ينزل معاه لبيت والده عشان يعمله النظارة بالرغم انه عرض عليه ياخدو الثمن اللى هما عايزينه ... كله كان بيقوله لازم يجيب والده للعيادة

و اشتراله نظارات كتيرة مختلفة المقاسات لكن مافيش حاجة زابطة مع والده

ياريت لو فى دكتور عيون ابن حلال يساعد الراجل ده و يكسب فيه ثواب و يعمله نظارة و يكشف عليه فى بيته
لان الراجل بيعانى كتير فى قراءة القرآن مع انه ابنه جابله اكبر حجم للمصحف عشان يساعده

المكان فى عين شمس بقرب مزلقان العشرين
لو حد عايز يساعد يقولى عشان اديله رقم موبايل صاحبى

و شكرا لكم

**shoma** · 25-01-2016 10:12 PM

لا حول ولا قوة الا بالله .عندما تموت الرحمة وتنعدم الانسانية

**melouk1** · 26-01-2016 10:02 AM

ربنا يوفقك

**acura** · 26-01-2016 10:42 AM

دول تجار وسماسرة ملهومش علاقة بالطب

**Mecha** · 26-01-2016 11:23 AM

الراجل الكبير ممكن يتنقل في عربية اسعاف لمستشفي
او كرسي متحرك
لان كشفه مش هيكون علامات وبس ، فيه جهاز اللي الطبيب من ناحيه والمريض من الناحيه التانيه وعلي حامل
ولازم اضاءه كوبسه
وبعدين فريم نضارة المتغير اللي الدكتور بيفضل يغير عدسات وغيره وغيره
فالافضل يروح مستشفي لان فحصه مش بسيط

**ehabouf** · 26-01-2016 11:43 AM

لو كان فيه استجماتيزم (وده الغالب لأنك بتقول جرب مقاسات كتير ومانفعتش) يبقى لازم يتنقل بأي وسيلة لأنه لازم يكشف بجهاز الفحص (الكمبيوتر) وطبعاً مش ممكن الجهاز يتنقل للبيت
مع تحفظي طبعاً على ان فعلاً معظم الدكاترة بيرفضوا الكشف المنزلي كلهم عايزين كشف العيادة بتاع خمس دقائق واقلب