الموضوع: مشكلة في حرارة الواجا (متور ميتسوبيشي) Waja 4G18

السلام عليكم ورحمة الله وبركاتة

انا معايا بروتون واجا 1 موديل 2007 مانيوال العربية فيها مشكلة انها بتسخن علي الاول والمرشدير في الزحمة بس ولفيت علي كل انواع الميكانيكية وطلع عيني من كتر ما غيرت حاجات في العربية.
يعني مثلا علي الدائري والطريق واقف العربية تسخن بعد 5 دقائق مشي علي الاول.
السخونية عبارة عن ان المؤشر بيرتفع من النص الي الشرطة الي فوقية علي طول بس (عمرة ما وصل للشرطة الاخيرة ابدا) وبينزل خلال 15 ثانية تاني علي النص ومع ملاحظة ان صوت المراوح بيبقي شغالة طول ما هوة علي الشرطة الي فوق وبينزل تاني الي النص ويفصل المراوح. ويتكرر هاذا الموقف بعديها بشوية لو لسة الدنيا زحمة.

العربية الا idle بتاعها الطبيعي حتي لو هيا سخنة يعني 600 الي 650 RPM بالكتير

لما العربية بتسخن كدة بترعش اوي في الطلعة بتاعتها لاني علي الاول وبلاقي RPM بنزل تحت ال 500 باطر ازود بنزين.
المهم انا غيرت الراديتر وجبت بتاع البوما مواصفات خليجية
وغيرت الكوعة بتاعت المية بالترموستات
وغيرت ال sensor بتاع مؤشر الحرارة
وغيرت ال Sensor بتاع المراوح
وغيرت طقم الدبرياج كامل EXRDY
وغيرت كل السيور حتي بلية سير الكتينة
وغيرت طقم البلي العجل الامامي
وغسلت دورة المياة كاملة وسلكتها
وغيرت فلتر الهواء
وكشفت علي طرمبة المية قالولي سليمة وكشفت علي بلي المراوح سليم
انا بستخدم زيت مصر الامرات سوبر دليكسيو 5000 وبنزلة قبل معادة.
ومفيش اي تسريب لزيت اوي حاجة في العربية او المتور الحمد لله.

لو العربية لسة شغالة الصبح وسبتها تسخن المراوح بتلقط علي النص بالظبط المؤشر مبيتحركش من علي النص ابدا.

انا دلوقتي مش عارف اعمل اية خالص ولا لاقي حل غير اني اروح التوكيل في عز العرب.

لو حد يقدر يفيدني باية الحل او اعمل اية اكون شاكر جدااااا.

من شهر تقريبا حجزت عند الوكيل في عز العرب ودخلت العربية صيانة للحرارة بس
طلب دفع 600 جنية كشف بس فاطريت اوافق وبعدية طلبوا يبيتوا العربية لتاني يوم
ورحت تاني يوم وقالوا ليا ان المشكلة كانت كهرباء بس يعني العربية ماكنتش بتسخن ولا حاجة
المهم التوكيل عمل 8 كابلات ارضي (واحد للرشاشات وواحد لمكنة البور وواحد للمراوح واتنين للنور واتنين في جسم العربية جنب الحساس بتاع الكوعة المية) والمشكلة اتحلت الحمد لله وكلة تمام من يومها
بس التوكيل خد 700 جنية
شكرا لكل من حاول مساعدتي في حل المشكلة