اقتباس المشاركة الأصلية كتبت بواسطة mecha مشاهدة المشاركة
البقاء لله اولا ، وواضح انه مقدرش يخرج من العربيه بعد الصدمه، ممكن حاجه حصلتله سببت الحادثه ، نوبه قلبيه ,نقطه او اغماء الله اعلم
الحريق ممكن البطاريه انفجرت والحريق مد لخطوط البنزين. الناس واقفه حوالين العربيه بس مفيش طقم فورنسك يحقق الحادثه وهتتسجل كالعاده اختلال عجلة القياده بيد الساءق
مرسيدس ملهاش دعوه ، مفيش عربيه ضد الحوادث
وحتي شركات التامين لراجل بحجمه ولا هيحققوا الحادثه ولا هيلاقوا شركة متخصصه للاحوال دي الا لو جابوها من الخارج. ضريبة التخلف ارواح مستهلكه
يا باشا كل الإحتمالات واردة ، أنا مش متخصص تحليلات بس علي حسب معلوماتي إن العربيات الحديثة جزء من تصميمها هو عدم الإنفجار عن طريق فصل البنزين عن الموتور وحاجات من هذا القبيل .... فلو الإنفجار دة قضاء وقدر يبقي الشركات دي بتنصب علينا بأفلام التكنولوجيا بتاعتها .... أنت واخد بالك العربيه بتاعت بول واكر انفجرت بسبب إرتطام في شجرة وبعدين عمود وبعدين شجرة تاني وتقرير البوليس قال إن السرعة كانت في حدود ١٥٠ كيلو في الساعة مع العلم إن دي عربية رياضية يعني عوامل الأمان فيها بتكون أقل لأن التركيز بيبقي أنهم يعملوها خفيفة إلي حدا ما

وفي قضية أصلا مرفوعة من عيلتة علي بورش

فما بال حضرتك بعربية إس كلاس .....

وبعدين أصلا عربية الأميرة ديانا لبست في عمود خرسانة بتاع نفق علي سرعة ٢٠٠ وما أنفجرتش ولو كانوا لابسين حزام الأمان ما كانوش ماتوا وعربية قديمة موديل ٩٧

فبعد دة كله ييجي تقرير يقولي شبورة علي الكورنيش ليه هو علي الكورنيش مفيش عواميد نور وقام السرعة اللي تقدر تجيبها في طريق زي دة