مشكلة

**Ahmed050607** · 28-01-2016 08:03 PM

السلام عليكم جميعا
ارجو المساعدة من حضراتكم لانني في مشكلة كبيرة و تسبب مشكلة نفسية ايضا لنفسي
لقد قمت بشراء سيارة سيات ابيزا 94 و عندما فحصها فني قال ان الماتور و الشاسيه و حالة السيارة جيدة جدا وبعد نقل الملكية ف الشهر العقاري و الحصول علي شهادة المخالفات قد ذهبت للمرور من اجل نقل الملكية باسمي و تجديد الرخصة و الفحص الفني و عند رفع البصمة قال لي المهندس ان رقم الماتور مش الي موجود علي الرخصة و ده معناه ان الماتور اتغير بعد ما الراجل ده رخص العربية اول مرة و طلب مني الفني ورق الافراج الجمركي او لو مش موجودة هنحتاج نجيب شورت بلوك استيراد بورقه و ده هيكلة او لازم نجيب ورق الماتور الموجود حاليا و لما بسال الي اشتريت منو قالي مغيرش حاجة والله و سال الي قبله قال نفس الكلام فا كده الورق مش موجود ايه الحل الله يكرمكو شوروا عليا

**A7medelfe2y** · 28-01-2016 08:29 PM

حصلت عندنا عند ناس جيراني

وكنت انا واقف في الموضوع من اوله
وتم شراء موتور وتقسيم تمنه علي 3
وكل واحد دفع مبلغ من اخر 3 ملاك للعربيه
كان بالتراضي بينهم مش اجباري
وهو دا الحل لو هما وافقوا
ان المكله كلهم وقعوا فيها بدون قصد
بس كلهم شاركوا في حلها

**lancer06** · 29-01-2016 02:12 AM

للاسف اخى الكريم مفيش قدامك غير انك تشترى موتور استيراد ومعاه افراج جمركى
وتروح المرور تفحص من جديد

للأسف قله الضمير بقيت شىء عادى

**Mecha** · 29-01-2016 03:09 AM

طب ورق الافراج الجمركي دا صدر منين ، مفيش نسخه تانيه.
احل مكنه شغاله واركب مكنه تانيه يا عالم بيها ، فلوس وشغل كتير عشان حته ورقه.
او روح لبتوع الاستيراد ويسلكوا ورقه.عشان التخلف البيروقيراطي

**lancer06** · 30-01-2016 01:04 AM

المشاركة الأصلية كتبت بواسطة mecha

طب ورق الافراج الجمركي دا صدر منين ، مفيش نسخه تانيه.
احل مكنه شغاله واركب مكنه تانيه يا عالم بيها ، فلوس وشغل كتير عشان حته ورقه.
او روح لبتوع الاستيراد ويسلكوا ورقه.عشان التخلف البيروقيراطي

المرور فى اى دوله بيحترم قائد المركبه ويأمنله كل سبل الراحه والامان إلا هنا
هنا بيحترم أى حته فى العربيه تدخله فلوس