الموضوع: اريد كيا سول جديدة توكيل وليس خليجي

السلام عليكم ورحمة الله وبركاته

انا عايز اشتري كيا سول توكيل وليس خليجي جديده وليست مستعمله
2016 او 2015 لو 2016 مش موجود

من بائع معروف وسمعته كويسه

فلو موجوده تكون اين و بكم؟

وهل فيها عيب يمنع شراها اصلا؟

انا قدامي سيراتو ex فيها كل اللي انا محتاجه موجود فيها، لكن ارتفاع العربية عن الارض مقلقني بالكاد 14 سم.

والتوكيل قاللي لو عليتها ممكن تضر بالعفشة وتخرجني من الضمان، غير انه معروف انها هاتعوم.

فأنا بدور على سول عشان الارتفاع عن الارض وانا شايف انها مرضيه في حاجات كتير.

فلو تدلوني لان انا ممكن اشرع في الشراء الاسبوع القادم.

وهل فعلا سيراتو هاتحك في المطبات مع التحميل ولا الوضع ايه لاني ماجربتهاش على الطريق لان انا في مكان ريفي

ولكم جزيل الشكر مقدما

المشاركة الأصلية كتبت بواسطة عقرب عجوز

اية رايك فيها لانها عجباني وبفكر اشتريها

أنا بحمد ربنا عليها والله نعمه وفلوسها فيها، وإنها ياباني بالكامل دي حقيقه، والنظام الصوتي فيها نقي وعالي وروعه، والتقفيل جيد جدا الخامات اللي ممكن تكون أقل شويه من سيراتو، لكن العربية كاكل أحسن من السيراتو في حاجات كتير كفاية ارتفاعها وإنها مش بتنخ لما تحمل، والموتور عفي رغم إنه أوتو ماتيك.

وآسف على التأخير