طقم شنبر اوبل فيكترا 2000 سي سي

**marawan4all** · 30-01-2016 02:24 PM

صباح الفل
كان عندي دخان ابيض جامد بيطلع من العربية عند الدوارة ولما بوقف بالعربية .... المهم ربنا كرمني بواحد ميكانيكي هنا في اسكندرية عرفته عن طريق الموقع المحترم دا ومن السادة المحترمين خبراء الاوبل وقالي دا طقم شنبر عايز يتغير وطقم اويل سيل ... الحمد لله عملت العربية عنده وماشاء الله الراجل خبرة ومحترم جدا وعنده ضمير .... المهم انا دلوقتي بقالي يومين بالعربية بس بلاحظ خروج دخان ابيض مع الدوارة الصبح الساعه 6 ولما بروح اخر النهار ببص بردو ورا علي الشكمان بلاقي اوقات دخان ابيض خفيف جدا واوقات لا .... عايز السادة خبراء الاوبل بيفيدوني هل الموضوع دا عادي والا الراجل في حاجة مش مظبوطة عملها

**Mecha** · 30-01-2016 04:15 PM

شوف ، عشان اليومين دول الجو بارد. هتلاقي العادم
لونه مبيض .المهم الزيت مينقصش ومفيش دخنه من مقاس او غطا الزيت.
لما غيرت شنبر ، هل ظبطت وش السلندر؟؟

**marawan4all** · 30-01-2016 05:13 PM

المشاركة الأصلية كتبت بواسطة mecha

شوف ، عشان اليومين دول الجو بارد. هتلاقي العادم
لونه مبيض .المهم الزيت مينقصش ومفيش دخنه من مقاس او غطا الزيت.
لما غيرت شنبر ، هل ظبطت وش السلندر؟؟

اه غيرت طقم جوانات + وظبط الوش ونضفه كمان ... بس اشمعني ؟

**Mecha** · 30-01-2016 05:24 PM

غير جلد صباب ؟
ظبط القواعد ؟
اتاكد دلايل صباب تمام ؟

**marawan4all** · 31-01-2016 07:46 AM

المشاركة الأصلية كتبت بواسطة mecha

غير جلد صباب ؟
ظبط القواعد ؟
اتاكد دلايل صباب تمام ؟

بصراحة مش عارف بس انا مجبتلوش دلايل صباب
طيب سؤال هو لازم دلايل الصباب دي تتغير والا ممكن هو يكون ركب الدلايل القديمة
بس علي كل حال انا حسأله بردو وللعلم انا مفضي علبة البيئة عشان كانت عملالي خنقة في العربية