الموضوع: خلاص احترت (سيارة فى حدود 20 ألف )

المشاركة الأصلية كتبت بواسطة pepo2011

كلام حضرتك مظبوط طبعا كله بس ممكن نعرف المبلغ اللي مع حضرتك كام تقريبا بالظبط

وبلاش السيتروين وطبعا بلاش السوق

بالنسبة للبرايد والماروتي ممكن نوفق وجهات النظر ونلاقي حاجة كويسة ومعقولة

في حدود 23
لية بلاش ستروين ممكن اعرف للعلم انا عندي شارع كله شغال ف سيتروين فهل حضرتك بتتكلم علشان صيانة وقطع غيار ولا اية بالضبط

المشاركة الأصلية كتبت بواسطة م أحمد

اهم حاجة فى عربية قديمة الحالة

رأييى تشوفى 128 رانج عشرينات ما تكونش متهانة هتبقى صفقة رابحة بكل المقاييس و تتفوق بامتياز و ممكن تلاقيها تسعينات او الفينات كمان...ابتعدى عن العربية التعليمية و شوفى عربية بيتى...و سيبك من كلام واحد ركبها مشنشة

مش كبيرة و مش صغيرة - عائلية - إعادة بيع - رخص قطع غيار-( توافر قطع غيار - اى صنايعى فى مصر يشتغل فيها) و دا مهم ليكى ....لو حصل عطل تسيبها عند ميكانيكى و ترجعى بعد ما يخلصها و اى ورشة فى البلد كلها تشتغل فيها

بنزين 92 علشان ال 80 ما يسدش بكات البنزين و تقف منك ، زيت موبيل او شل او توتال علشان السخونية، راديراتير ما يخرش المياه ، و طقم كهربا كل سنة مثلا علشان ما تبرجلش منك فى المشى ، كاوتش ضغطه مضبوط هتلاقى الدريكسيون خفيف جد ، و هتلاقيها ماشية زى الساعة ، النقلة اللى بعدها ان شاء الله عربية مكيفة او اوتوماتيك

معاك تمام ف كلامك بس حضرتك الاسعار مبالغ فيها اووةي بالنسبة ل28 وهل لو جبت حاجه م86 مشدودة هتبقي حلوة ولا اية بالضبط

المشاركة الأصلية كتبت بواسطة hilal

اعتقد فيات اونو ايضا هتكون في حدود المبلغ المحدد
ولكن الفيصل في الموضوع هو الحالة العامة للسيارة مهما كانت الماركة
بس بلاش ستروين عشان غير مناسبة للسيدات

حضرتك انا من الاول فكرت ف الاونو بس بجد الاسعار فظيع ف اوخر العشرينات والثلاثينات
لية حضرتك السيتروين غير محبوبة للسيدات انا جربتها ناعمة جدا جدا ولا حضرتك بتتكلم ع الصيانة وقطع الغيار

السلام عليكم...
عايز عربية مكيفة وباور.. في حدود.. 25000الى30000..

المشاركة الأصلية كتبت بواسطة pepo2011

بالظبط اذا كانت السيارة لسيدة يبقي السيتروين غير مفضلة او لازم تكون نضيفة جدااااا وده قليل اوي في الموديل ده وده غير ان صيانتها لازم تكون عند متخصص وقطع الغيار ايضا

وشارع ايه اللي شغال في سيتروين عند حضرتك ؟؟؟

الافضل ليكي الماروتي و البرايد واذا وصل السعر ل 27 او 28 هاتكون الفرص افضل بكثير لان السعر اللي مع حضرتك فعلا قليل علي السيارات دي

28 او 27 في الاخر اسمها فيات يعني بدوووووون اي رفاهية او امكانيات فحرام فيها 23000

شارع عمر بن الخطاب جسر السويس
ماهو للاسف دي امكانياتي مقدرش ازود عن كده بصراحة
وانا فعلا مستحرمة ادفع اكتر من 16 الف ف 28