الموضوع: خلاص احترت (سيارة فى حدود 20 ألف )

سوزوكي ماروتي

انا راى اشترى كيا برايد هاتش باك او سيدان هتبقى فى حدود المبلغ وقطع غيار متوفرة واكبر من الماروتى وموفرة فى البنزين
وياريت تاخد معاكى ميكانيكى وسمكرى عشان يبصوا على حالة العربية كويس وابقى راضيهم ب 150جنيه واعتبريها من مصاريف السيارة
وماتنسيش تدعى لابنى بالشفاء لانه مريض الان

المشاركة الأصلية كتبت بواسطة ahmed.biso13

انا راى اشترى كيا برايد هاتش باك او سيدان هتبقى فى حدود المبلغ وقطع غيار متوفرة واكبر من الماروتى وموفرة فى البنزين
وياريت تاخد معاكى ميكانيكى وسمكرى عشان يبصوا على حالة العربية كويس وابقى راضيهم ب 150جنيه واعتبريها من مصاريف السيارة
وماتنسيش تدعى لابنى بالشفاء لانه مريض الان

السلام عليكم ورحمة الله وبركاته ربنا يشفى لك ابنك ويخلهولك يارب العالمين امين امين البرايد من 25 الى 30 انا راى السيزوكى ماروتى فى حدود 20 او يرجع تانى للفيات القديم 131 132 128 وطبعا العربيات دى عجزة وياسلا م لوطلع قرار فجاء باعدام سيارت 20 سنة فاتة كل شى فى بلدنا ممكن خليك فى الماروتى

المشاركة الأصلية كتبت بواسطة ahmed.biso13

انا راى اشترى كيا برايد هاتش باك او سيدان هتبقى فى حدود المبلغ وقطع غيار متوفرة واكبر من الماروتى وموفرة فى البنزين
وياريت تاخد معاكى ميكانيكى وسمكرى عشان يبصوا على حالة العربية كويس وابقى راضيهم ب 150جنيه واعتبريها من مصاريف السيارة
وماتنسيش تدعى لابنى بالشفاء لانه مريض الان

ربنا يشفهولك يارب ويباركلك فيه

شكرا ليكم كلكم
المشكلة ان مفيش برايد بالسعر ده
والماروتي ناس خوفتني منها
والفيات القديم حدث ولا حرج وانا عاوزة حاجه صغيرة
خايفة انزل السوق ناس كتيير بتقول نصابين
علشان كده انا دماغي فصلت خلاص ومش راسيه ع حاجه خالص بفكر ف ستروين ax ع الرغم ان كتيير قالي بلاش

اهم حاجة فى عربية قديمة الحالة

رأييى تشوفى 128 رانج عشرينات ما تكونش متهانة هتبقى صفقة رابحة بكل المقاييس و تتفوق بامتياز و ممكن تلاقيها تسعينات او الفينات كمان...ابتعدى عن العربية التعليمية و شوفى عربية بيتى...و سيبك من كلام واحد ركبها مشنشة

مش كبيرة و مش صغيرة - عائلية - إعادة بيع - رخص قطع غيار-( توافر قطع غيار - اى صنايعى فى مصر يشتغل فيها) و دا مهم ليكى ....لو حصل عطل تسيبها عند ميكانيكى و ترجعى بعد ما يخلصها و اى ورشة فى البلد كلها تشتغل فيها

بنزين 92 علشان ال 80 ما يسدش بكات البنزين و تقف منك ، زيت موبيل او شل او توتال علشان السخونية، راديراتير ما يخرش المياه ، و طقم كهربا كل سنة مثلا علشان ما تبرجلش منك فى المشى ، كاوتش ضغطه مضبوط هتلاقى الدريكسيون خفيف جد ، و هتلاقيها ماشية زى الساعة ، النقلة اللى بعدها ان شاء الله عربية مكيفة او اوتوماتيك