الموضوع: تطبيقات الموبايل وإعلانات الفيس بوك

السلام عليكم ورحمة الله وبركاته

لو عندى فكرة تطبيق على الموبايل وعاوز اعملها بروح لاى مبرمج ولا بيبقى المبرمج اللى هيعمل التطبيق ده موجود فين او شغلانته اسمها ايه وبيتكلف كام التطبيق عموماً وايه اللى يضمنلى ان المبرمج ده ميسرقش الفكره ويعملها لنفسه.

الشىء الاخر بيبقى على الفيس بوك منشورات مموله فى صورة اعلانات ديه بروح فين برضه علشان انزل الاعلانات اللى على الفيس
وشكراً

عليكم السلام ورحمة الله وبركاته
التطبيق بيتصمم على مراحل. الفكرة هي المرحلة الأولى
بعد كدا بيتحط تخطيط او تصور لشكل التطبيق. كيفية الاستخدام وشكل البيانات و عدد الشاشات اللي هتظهر للمستخدم وغيرها. دا المفروض بيتعمل عن طريق محلل بيانات. (وممكن انت تعمله بنفسك لكن انا بكلمك عن التخصص). وبيتحط بعدها تصور بدائي لشكل التصميم و كيفية العمل.
بعد كدا البرمجة والتصميم. البرمجة عن طريق مبرمج و التصميم عن طريق مصمم جرافيك.
ولازم بالتوازي مع كل دا يكون فيه دراسة للسوق اللي هيتم توجيه التطبيق له عن طريق مسوق فاهم طبيعة السوق وفاهم الشرائح المستهدفة. لأن غالبا هيكون فيه تطبيقات منافسه ومحتاج تحليل ادائها عشان تقدر تتخطاهم وتنافسهم.

الشركات مش بتسرق التطبيقات. نادرا لما دا يحصل لأن التطبيق ونجاحة حاجه في علم الغيب.
فيه شركات كتير في مصر ناشئة حاليا بتقدم خدمات زي دي. لو تحب ارشح لك حد قولي