بخصوص الحول عند الاطفال

**نور القمر** · 30-01-2016 11:34 PM

من ٣ ٤ سنين كنت سألت عن دكتور تخصص حول وعضو رشحلي دكتور جمال صبحي
وبدأت اتابع لبنتي معاه ومتابعة جيدة لصفحته على الفبس بوك وهو دكتور ممتاز وانا مقتنعة بيه وبعلمه جدا خصوصا لانه مش بيبخل بمعلوماته وبينشر حالاته بشرح مستفيض بطريقة سهلة ومبسطة لاي حد
واي حد بيسأل برشحله دكتور جمال
حالة بنتي مختلفة وبسيطة ومش مأثرة على شكلها بشكل ملخوظ اوي وممكن لو مش عايزين نعمل عملية منعملش وعينيها مش هتتأثر ولا تكسل ولا تضعف
بس انا كأم عايزة بنتي تبقى اجمل شكلا
لكن لما وصلنا لمرحلة القرار بالعملية بدأت اقلق واخاف وعايزة حد عمل عملية عند دكتور جمال يطمني ويديني الدفعة الاخيرة للاقدام على العملية
السؤال مين هنا تعامل معاه او يعرف حد تعامل معاه في عملية يدخل يطمني

**نور القمر** · 31-01-2016 11:16 AM

محدش يعرف الدكتور ولا ايه

**hilal** · 31-01-2016 12:47 PM

وليه المغامرة من الاساس؟
طالما الحالة بسيطة ومش مؤثرة على شكلها يبقى العملية من وجهة نظري غير ضرورية
وقد يكون الحول الخفيف سر جمالها

**tasaka** · 31-01-2016 05:31 PM

المشاركة الأصلية كتبت بواسطة hilal

وليه المغامرة من الاساس؟
طالما الحالة بسيطة ومش مؤثرة على شكلها يبقى العملية من وجهة نظري غير ضرورية
وقد يكون الحول الخفيف سر جمالها

+1

**tkamal** · 01-02-2016 07:49 AM

انا اتعملت معاه فى ابنى
فى الحالات دى انصحك بان تذهب الى اكثر من طبيب لمحاوله استخراج قرار صائب
وانا مع البعد عن العمليه و استخدام النظاره حتى لو مده طويله

**nomercy22** · 01-02-2016 11:06 AM

انا في حد اعرفه عمل العمليه ديه مع دكتوره في المعادي والنتائج مزهله

**BLOODY_STONE** · 01-02-2016 12:00 PM

اهلا و سهلا بيكي
انا دكتور محمد هاني ، اخصائي رمد
عمليات الحول مفيش منها اي مشاكل اطلاقا لانها على سطح العين الخارجي و مفيش تدخل جراحي جوة العين ،،
دكتور جمال صبحي ده استاذنا كلنا ، رقم واحد على مستوى مصر في الحول و تجميل عيون الاطفال

**Ah.Farid** · 01-02-2016 01:39 PM

السلام عليكم

انصحك عن تجربة بكشف عند أى دكتور استشارى فى مستشفى العيون الدولى فى العجوزة ....فى هناك قسم كامل للاطفال

ودة هيساعدك تاخدى قرار اجراء العملية ام لا ......بنتى من ثلاث سنين كان عندها حول بسيط (وكان عمرها 7 سنوات )وبعد مراجعة كذا دكتور ...........رحت هناك عملوا فحص واختبار لحركة استجابة العين .....وبعدين طلب تلبس نظارة لمدة 3 شهور وبعديها لم تحتاج الى عملية وتم الاستغناء عن النظارة كمان ....وكان المقصود تقوية عضلة احدى العينين عشان الاثنين يستجيبوا مع بعض والحمد لله كلة تمام وراح الحول تماما

**A_H_M_A_D** · 01-02-2016 04:49 PM

حضرتك متخفيش وتوكلي على الله وروحي للدكتور جمال و هو ان شاء الله هايطمنك ولو الموضوع مش محتاج عملية برضه هايقولك

هو على فكرة يبقى قريبي , بس انا مش بقول كده عشان صلة القرابه و بس ,هو ماشاء الله عليه زي ماوضح دكتور محمد هاني راجل متخصص و عارف هو بيعمل ايه , والصفحة بتاعته مليانه لنماذج عملو عمليات عنده و كانت نتايجها هايلة الحمدلله

**نور القمر** · 07-02-2016 07:16 PM

المشاركة الأصلية كتبت بواسطة tkamal

انا اتعملت معاه فى ابنى
فى الحالات دى انصحك بان تذهب الى اكثر من طبيب لمحاوله استخراج قرار صائب
وانا مع البعد عن العمليه و استخدام النظاره حتى لو مده طويله

حضرتك اتعاملت معاه متابعة بس ولا عملية ؟