حشترى تكييف شارب بس مش عارف اجيب كام حصان وكهرباء ومساحة وانواع

**inceptor** · 31-01-2016 12:17 PM

السلام عليكم
انا كنت عاوز اشترى تكييف شارب ودلوقتى مساحة الغرفة تقريبا 4*5 حتبقى دلوقتى مش عارف اجيب واحد ونص حصان ولا كام؟
وكمان سمعت ان اللى اكتر من واحد ونص محتاج كهرباء 220 ثابتة او حاجة كدة مش عارف اعرفها منين قبل ما اجيبه؟
وكمان شايف ان ف شارب انواع كتيرة وخصوصا اللى موفر فى الكهرباء مممكن تدلونى ؟
كام حصان؟
ونوع كويس؟

**DreAmO** · 31-01-2016 12:37 PM

شارب 1.5 حصان كافي جداً للغرفة
وموضوع الكهرباء ماتشغلش بالك بيه .. لان التكييفات الحديثه مظبطة نفسها مع الكهرباء
عندي ال 3 حصان بريميم بلاس والكهربا مش ثابتة وبتلعب وشغال زي الفل

المهم في نوعين 1.5 شارب حديث
تكييف شارب 1.5 حصان دجيتال
اعتقد متقفل ومستورد بالكامل

وفي دة بيختلف عنه في حرف فقط في اسم الموديل
أعتقد متقفل في مصانع العربي في مصر
تكييف شارب الجديد

تقدر تتصل بيهم وتعرف الفرق

اما لو عايز التكييف يجيلك ويركب بالتليفون
عندك الناس اللي كنت اشتريت منهم
تكييف شارب اسعار تكييف شارب سبليت حائطى بارد ساخن بلازما 1.5 2.25 3 4

المهم بس يكون له مصدر كهرباء سلك محمل يعني سلك 4 مم سويدي مثلاً .. وتعمله مفتاح في تابلوه الشقة
واعمل حسابك هيحصل بهدلة في التركيب .. يعني تفضيلهم المنطقه اللي هيشتغلوا فيها وتستعد للتراب والتكسير

ومبروك .

**pepo2011** · 31-01-2016 02:38 PM

بص ياباشا 1.5 قانونا يغطي مساحة 12 متر يعني تقريبا غرفة 3*4
بس الشارب يشتغل في الغرفة اللي عند حضرتك خصوصا اذا كانت غرفة نوم مثلا يعني التكيف مش هايشتغل كتير والموبيليا فيها كتير بتشغل حيز من الفراغ كبير ويتوقف ايضا اذا كانت الغرفة قبلي ام بحري واخر دور ولا لاء بس عموما الشارب افضل مكنة وتوكل علي الله

**inceptor** · 31-01-2016 02:41 PM

انا متشكر جدا لردك ونصايحك هى الشقة لسه فاضية ف حخليه يركبه قبل اى حاجة، بس انا مش فاهم الفرق بين الاتنين تكييف يعنى ف حاجة احسن ولا واحد؟ وكمان انا سمعت عن اللى بيوفر ف الكهربا 60% عن الطبيعى هل فعلا ف كدة ولا كلام؟