الموضوع: حاجه غريبه فى الفنتازيا

السلام عليكم

معايا فنتازيا 2012 كنت سعيد جدا انى راكب عربيه المانى وشديده وخصوصا انها اول عربيه المانى اركبها فى حياتى وبعدين لقيت العربيه على 18000 كم بتصفر لقيت بعد الكشف ان تيل خلصان امامى وخلفى قولت عادى ممكن يحصل بسبب الاتوماتيك وطبيعه السواقه العنيفه شويتين علىالرغن ان العربيه تسارعها بطئ فى الاول ومش عربيه يتشد بيها من 0 لحد 100 اما بعد 100 زى الفل .

المهم على 18000 كم لقيت مهندس صيانه بيقولى طنابير ااماميه اتجننت لانها ملحقتش المهم مغيرتش ومشيت بيها ومفيش مشاكل وبعدها عند 25000 كم لقيت خبط ورزع عند الدورانات كشفت لقيت 2جلب مقصاتوكاوتشه كوبلن عايزين يتغيروا .

قولت ماشى ممكن مع شوارعنا المتنيله المكسره

وبعديها على 40000 كم حاليا لقيت كاوتشه كوبلن تانيه وطنابير خلفيه وموبينه عايزه تتغير ولمبه asr منوره عالطول واسلاك بوجيهات

انا عايز اعرف هو ايه اللى بيحصل ده انا مش حاسس انى راكب المانى لان قطع الغيار اكتشفت من واحد كان عضو سابق فى مجلس ادارة اسكودا انها ببتعمل بمواصفات جيده نوعا ما فى الصين وتتصدر على التشيك وبعدين تاخد بانر صنعت فى تشيك وتتصدر على مصر تانى وتتباع على انها اصليه وهيا ممكن تبقى اصليه فعلا بس جوده قطعه الغيار للاسف مش 100%

انا اتكلفت لحد دلوقتى صيانه علىالعربيه فى 4 سنين بالفواتير 27500 جم ..ز انا قررت ابيعها واشترى كيا سبورتاج احسن او اشترى اوبل انسيجنا افضل على رغم ان قطعها مولعه نار برضه بس اكيد مش هصرف اصلاحات وتغيير قطعه الغيار اللى مفيهاش بركه بالمنظر ده والله مش عارف اعمل ايه انا محتار

اخليها ولا ابيعها بصرف النظر انها عربيه شديده ولا تعوض ومحترمه وحاببها جدا جدا لان فيها ميزه الفنتازيا مش موجوده فى اى حاجه تانيه وليها طابع خاص جدا بس انا كان معايا بومه لانسر 2006 وبيعتها فى 2012 والله ماصرفت عليها اى تغغيرات خالص من اللى ذكرتها دى ولا طنابير ولا كاوتش كوبلن ولا اى حاجه خالص

الحمدلله على كل حال

تنصحونى ابيع و لا لاء

ولو بعت اشترى ايه لانسر شارك ولا كيا سبورتاج ولا اوبل انسيجنا

على العلم انا عايز حاجه متصرفش معايا كتير فى اصلاحات وصيانات وكلام ده وشاكر ليكم جدا

اولا لو حتسمع لكلام التوكيل حتصرف دم قلبك على الفاضى قطعة االغيار اللى راكبة الاصلى متتعوضش لان قطع الغيار الموجودة معظمها هاى كوبى للاسف وبتتباع اوريجينال الا بعض الاماكن المحترمة
اما بالنسبة للعربية فهى فوق الممتازة ( كفاية كمية الامان الموجودة بالعربية والثبات) وعلشان تنزل منها مش حترتاح فى اى عربية بسرعة
بس لو خدت القرار خلاص يبقى الاوبل طبعا وربنا يوفقق للاحسن