حد جرب قلب فتيس اوكتافيا a4 من مانوال الى اوتوماتيك ؟

**wael_ghreez** · 04-02-2016 07:39 PM

السلام عليكم

هل في حد جرب يقلب فتيس اوكتافيا a4 من عادي لاوتوماتيك ؟؟

انا عربيتي موديل 2000 و موتورها الكبير الـ 102 حصان sr وهي كويسة الحمد لله بس زهقت اوي من فكره المانول و عايز اغير لاوتوماتيك بسبب الزحمة اللي بقت مبالغ فيها

فهل اساسا فتيس الاوتوماتيك للـ a4 كويس و مشاكله قليله و لا هالبس في الحيط ؟ و خصوصا ان الاسكودا اوكتافيا بموديلاتها مشهورة بمشاكل الفتيس الاوتوماتيك و خصوصا الـ a5

لو حد خاض التجربه ياريت يحكيلنا تجربته و يقول رأيه

**رامي مصطفى** · 04-02-2016 07:54 PM

من تجربتي مع اخويا معاه a4 2002 مانيوال سألنا عن الفتيس الاوتوماتيك علشان عايز يقلبها اوتو والعربيه مش ناوي يفرط فيها لان حالتها ممتاذه الفتيس للa4 مافيهوش اي مشاكل وزي الفل بس لما سألنا على التكلفه الفتيس بكل المشتنلات شاكب راكب زي مابيقولوا قالوا ب 12000 الف اثناعشرة الفا تأكيدا علشان ما حدش يقول اتلخبط في صفر طبعا ما عدناش التفكير في الموضوع ده تاني

**wael_ghreez** · 05-02-2016 01:57 PM

المشاركة الأصلية كتبت بواسطة رامي مصطفى

من تجربتي مع اخويا معاه a4 2002 مانيوال سألنا عن الفتيس الاوتوماتيك علشان عايز يقلبها اوتو والعربيه مش ناوي يفرط فيها لان حالتها ممتاذه الفتيس للa4 مافيهوش اي مشاكل وزي الفل بس لما سألنا على التكلفه الفتيس بكل المشتنلات شاكب راكب زي مابيقولوا قالوا ب 12000 الف اثناعشرة الفا تأكيدا علشان ما حدش يقول اتلخبط في صفر طبعا ما عدناش التفكير في الموضوع ده تاني

طب انت لو ناوي ابقى قولي و هاتدفع 4000 جنيه بس و عندي ميكانيكي انا بقالي معاه 10 سنين ممتاز و أمين جدا و صريح و بيفهم
انت لو اشتريت الفتيس انت مع نفسك من اي حد في الحرفيين هاتلاقيه بيتكلم في 5000 او 6000 لكن لو عملت بدل و اديته فتيسك المنوال و بدلته بالاتوماتيك ممكن تدفع 4000 مثلا دة في حالة الاتفاق على البدل

سيبك من السعر لاني متأكد منه و مقبول بالنسبة لي السعر اللي انا قولت عليه و قريب جدا
انا بتكلم في التجربة الفنية و العمليه . . . حد جرب ؟؟

**رامي مصطفى** · 05-02-2016 04:42 PM

هوا فعلا فيه حد قاله على موضوع البدل وقال نفس السعر اللى انت بتقول عليه بس ده سعر الفتيس بس اتأكد من باقي الحاجات اللى هتتغير مثلا كنت هعمل كده في اللانوس كان
فتيس
كنترول فتبس
ريداتير
مارش
اربه فتيس
بدالات
عصايه فتيس
وشوية رفايع سيبك منها ممكن يكون عندك حاجه اقل اكثر اسأل ولا انت سالت قالك الفتيس وكل حاجته؟
لو كده طبعا السعر تحفه
بس هوا ماكانش عايز يديله الفتيس القديم
وبالنسبه للتجربه طبعا هوا وقف وماكملش بس الميكانيكي في المنصوره اللى بيتعامل معاه قالو ممتاذه ومافيش اي فرق ولا اي مشكله وعلى ضمانتي (ده كلامه)

واستني رأي العضاء للتأكيد طبعا لو حد جرب يكون اضمن

**wael_ghreez** · 06-02-2016 02:45 PM

المشاركة الأصلية كتبت بواسطة رامي مصطفى

هوا فعلا فيه حد قاله على موضوع البدل وقال نفس السعر اللى انت بتقول عليه بس ده سعر الفتيس بس اتأكد من باقي الحاجات اللى هتتغير مثلا كنت هعمل كده في اللانوس كان
فتيس
كنترول فتبس
ريداتير
مارش
اربه فتيس
بدالات
عصايه فتيس
وشوية رفايع سيبك منها ممكن يكون عندك حاجه اقل اكثر اسأل ولا انت سالت قالك الفتيس وكل حاجته؟

السعر 4000 تقريبا بكل حاجته و انا متأكد و الميكانيكي موجود بس مستني حد يقولي تجربته الفنيه

**tarekrik** · 13-02-2016 07:02 AM

المشاركة الأصلية كتبت بواسطة wael_ghreez

السعر 4000 تقريبا بكل حاجته و انا متأكد و الميكانيكي موجود بس مستني حد يقولي تجربته الفنيه

ممكن عنوان الميكانيكي و اسمة .
حضرتك بشكر جامد في الميكانيكى يبقى مش هيضلك
وان شاء اللة نغير الفتيس سوا

**mohamede002e** · 13-02-2016 08:17 PM

ماتبيعها وتجيب اوتو ياباشا واشتري راحة بالك

الموضوع: حد جرب قلب فتيس اوكتافيا a4 من مانوال الى اوتوماتيك ؟

LinkBack

أدوات الموضوع

عرض

المواضيع المتشابهه

مشكله في فتيس اوكتافيا اوتوماتيك

مشكلة فى فتيس اوكتافيا a4 اوتوماتيك بيطلع على الثالث وما بينقلش

اوكتافيا a5 محتاجة فتيس اوتوماتيك اين اجدة ؟

فتيس اوكتافيا a5 بيز لاين اوتوماتيك 2011....هل هو dsg ولا تيبترونيك

فتيس اوكتافيا اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة