رجاء المساعده فى لوجان لان التوكيل ( مش عارف يحلها )

امتلك عربيه رينو لوجان 2010
كل صيانتها عملها فى التوكيل (الاسكندريه ) حتى لما خرجت من الضمان

فجاه من حوالى 5 شهور العربيه كانت تيجى على المطبات بالتحديد وتقف فاروحت لواحد كهربائى فى بلدى لانى من محافظه بعيده عن الاسكندريه
قاس العربيه بالكوميوتر وطلع البوابه او ( حاجه جنبها ) وقال كانت مسدود وفعلا العربيه بقت تمام
رجعت تانى من 10 ايام
1- احياينا ادور العربيه الصبح تفصل وارجع اشغلها وافضل ضاغط بنزين لحد اما تستمر فى التشغيل من غير بنزين ولما امش بيها تفصل لوحدها كتير على مطب احيانا وهيا ماشيه
2- بقت تدور الصبح عادى بس تقف يجى 5 مرات فى اول 10 كيلو فى مطب او غير مطب والاكثر مطبات
روحت عندى التوكيل فرع العدوى طنطا طلع البوباه نضفها يادوب اطلع بره امشى فصلت تانى ( ماردوش يحطها على الكومبيوتر وقالى تمام مافيهاش حاجه واتصلحت )
رجعت تانى له قالى حتغير بوابه ب2030 جنيه طبعا مش مقتنع

روحت لميكانيكى وانا فى طريقى حط العربيه على كومبيوتر وقالى فيه عطل يخص الكهرباء وديهها مركز الصاينه بتعها افضل عشان ماحدش يعك فيها ( احترمته
لامنته )
العربيه ديما فى اول 10 كيلو تقريبا 4الى 5 وقفات
مشيت بيها قرابه 60 كيلو وقفت 2 مرة
مافيش اى مقدمات عن اى عطل او اى صوت فجاه لمبه الباطاريه والزيت تنور والعربيه وقفت

الكود الى طلع عنده
code 001 code df044 engine memory immobiliser circuit،
immobiliser line fault

على كلام الميكانيكى بيقولى عطل فى دائرة الكهرباء واحتمال الكومبويتر نفسه

ممكن افاده فى الموضوع ده واسف للاطاله

كدا عيب ايموبيليزر

معلش انا مش خبير اوى
ايه هوه
ايموبيليزر
والموضوع كده كبير ولا امر بسيط

الابموبيلزر دا جهاز بيمنع تشغيل المتور بدون مفتاح العربيه او البصمه. فلازم كهرباءي متخصص ممكن سلكه سايبه او موديول بايظ

اللوجان 2010 فيها ايمبيوليزر؟؟
اظن مافيهاش

اقتباس:

---

المشاركة الأصلية كتبت بواسطة hugan

اللوجان 2010 فيها ايمبيوليزر؟؟
اظن مافيهاش

---

والله دي رسالة كود العطل.يمكن بوكس منفصل يمكن مدمج مع الكمبيوتر يمكن افتر ماركت . الكهرباءي يشوف او يمكن يلغيه

متشكر للجميع وارجو الى عنده معلومه يقولهالى انا لسه حروح اسكندريه كمان 3 ايام
بس انا خايف واحد قلى كلمه لو عيب كومبيوتر ده ثمنه غالى جدااااا يدخل فى 10 او 15 الف

انا مليش فى اللوجان او الرينو .. بس علشان انت ذكرت تغيير كمبيوتر ب 15 الف جنيه .. انا حبيت اساعد فى البحث علشان تكون عندك قكره افضل لما تروح تكشف ومتصرفشى قلوس فى حاجه تكون موش هى السبب

الواضح انها مشكله كهربا .. و ان شاء الله بعيده عن الكمبيوتر حسب ما فهمت من البحث لان فيه فنى شغال فى داشيا قال للعميل يوجد اكثر من كمبيوتر كل واحد مخصص للتعامل مع جزء معين فى السياره .. و الاغلب تكون مشكلتك فى UCH لان لو ربطت كودين الخطا ببعض 001 و 044 حتلاقى الاقرب لاعطال لود 001 هو ان فيه مشكله فى UCH

.. و الحل حسب ما قرأت فى بعض الروابط بتكون فيش او توصيلات غير جيده .. او تركيب انذار اضافى عند كهربائى تعبان .. او وصول رطوبه او ميه عند صندوق الفيوزات

.......................................

DF001

OBDII diagnostics. Trouble code definition for code DF001

العيب ده ممكن يكون بسبب اى جزء من المذكور فى الرابط باعلى .. و من ضمنهم UCH - UCH

ال UCH - UCH .. هو موديول للتحكم الاليكترونى فى العديد من الوظائف الغير خاصه بالمحرك

The UCH (Unite Centrale Habitacle) is an electronic control module that is fitted to many late model Renaults (early 2000's onwards.) It is responsible for controlling many of the non-engine related functions of the car, such as central locking, electric windows, and even some of the lights (e.g. indicators.)

.................................................. ...

DF044

اقرأ الرابط ده
Logan computer error DF044?, anybody knows what is a cause? - DaciaClub - Forum Dacia

خلاصه اللى فهمته
1- مراجعه جميع الفيش و التوصيلات .. و التاكد انهم راكبين كويس جدا .. معرفشى ممكن يتنظفم ام لا
2- ممكن تركيب جهاز انذار اضافى بطريقه خاطئه يعمل المشكله دى
3- احيانا العيب ده ان UCH موش قادر يتصل بكمبيوتر العربيه .. و فيه احد الرود فنى التوكيل اخبر العميل ان فيه اكثر من كمبيوتر .. كل منها مخصص لوظيفه معينه ؟؟؟؟

فيه اثنين حلو مشكلتهم و كانت مقاربه لمشكلتك .. سواء عدم الدواره نهائئ او التبطيل العشوائى .. الاول راجع و نظف الفيش على ما اظن ..

Anyway, car appears to be starting now just fine (as wires and contacts and connectors has been checked and re-seated both in Dacia service and service where alarm has been installed several times - maybe problem with ignition was caused with some poor contacts - but now that problem is gone), but Logan computer still reads error DF044.

Person in service says that is unable to access module of the computer for blocking the ignition. (please see attached "screen dumps" taken with digital camera ) and that problem might be related with some wire cut or not firmly connected or... and advices to check the service who installed alarm to check it again... And in service where they installed alarm they say that everything is fine, firmly connected, and that problem might be with Logan computer, as "Renault electronics is known to be very unreliable"

و الثانى شال جهاز الانذار بس المشكله ظلت موجوده و بعدين راجع على الفيش و الفيوزات و وجد تقريبا فيوز كبير او شيئ شيبه و لكنه غير محكم فى مكانه و تم تثبيته جيدا و تم حل المشكله

Following your advices (thank you ALL, very, very much!) my friend and me dared to have a look ourselves. It took us approx 2 hours, some borrowed screwdrivers and 2 litres of cold Coca-Cola

Anyway, we found that alarm + has been connected to very thick red wire that (according to info on fuse box) should be used with aircondition (if installed). It seems to be permanent +12V, and fuse inside of the fuse box is missing since this car (Ambiance) has no aircondition. So, it wasn't +12V from fuse for UCH unit. Good.



Next, and most important, I saw that this big multicontact connector to the UCH unit wasn't seated properly!!!!! It needed a push between 0,5 and 1mm to be seated properly (to hear "click"). I am almost 100% positive that this was cause of the problem! (but will have to confirm with Dacia diagnostic computer though).


What was confusing to me that I've found one white wire cut-off just being there (?). Maybe this is for some factory wiring for radio? (Ambiance model)? I couldn't find the other end of this wire (if you cut a wire by accident you should have two ends, right? ).
Is this "normal" ?

بالتوفيق و اتمنى ان اكون قد قدمت بعض المساعده

اقتباس:

---

احيانا العيب ده ان uch موش قادر يتصل بكمبيوتر العربيه .. و فيه احد الرود فنى التوكيل اخبر العميل ان فيه اكثر من كمبيوتر .. كل منها مخصص لوظيفه معينه ؟؟؟؟

---

تصحيح الرد كان من احد اعضاء المنتدى .. بس برده انا فاكر ان كان فيه رد مشايه من افراد التوكيل قراته فى رابط اخر .. بس موش متاكد

UCH is "Unit Controle Habitacle".
The car has another "computers": for injection, for ABS (if has), for airbag (if has).
Did you remove the alarm?

اقتباس:

---

المشاركة الأصلية كتبت بواسطة shezo_egyption

معلش انا مش خبير اوى
ايه هوه
ايموبيليزر
والموضوع كده كبير ولا امر بسيط

---

الايموبيليزر ببساطه هو جهاز مانع لسرقه العربيه لو حد حاول يدورها بغير مفتاحها المشفر

لما بتحط الفتاح المشفر فى الكونتاكت .. الايموبيليزر بيقرا الشفره من المفتاح و يبعتها لكمبيوتر العربيه الرئيسى .. الكمبيوتر يطابق الشفره مع الشفره المخزنه بداخله .. اذا وجد تطابق يقوم بتدوير السياره .. و اذا لم يجد تطابق يقوم الكمبيوتر يقطع دائره الاشعال و طرمبه البنزين .. فالعربيه ما تدورشى

انت بتحصل معاك المشكله فى المطبات .. ده دليل واضح ان فيه حاجه سايبه عندك او توصيلها موش كويس خاصه بتوصيلات الايموبيليزر .. و بالتالى طبعا لازم العربيه تبطل لان الكومبيوتر سيقطع دائره الاشعال و ضخ الوقود

ماتلفش كتير روح غير البوابة وهات البوابة الالومنيوم وابعد عن البوابة اللى لونها اسود وبلاش استيراد علشان حتبوظ تانى !!
.....
انت غيرت البوابة فى الضمان قبل كدة ؟؟

اقتباس:

---

فجاه من حوالى 5 شهور العربيه كانت تيجى على المطبات بالتحديد وتقف فاروحت لواحد كهربائى فى بلدى لانى من محافظه بعيده عن الاسكندريه
قاس العربيه بالكوميوتر وطلع البوابه او ( حاجه جنبها ) وقال كانت مسدود وفعلا العربيه بقت تمام
رجعت تانى من 10 ايام

---

بصراحه انا على ما قريت الموضوع كله ركزت فى كود العطل و نسيت شكوى البوابه خالص !!

هل كشفين الكمبيوتر القدام اللى طلعوا العيب بوابه .. انت سألتهم هل فيه اكواد اخرى ام لا ؟؟
1- لو انت سألتهم و ما كانشى فيه اكواد قديمه متسجله .. يبقى الكودبن اللى ظهروا عند الميكانيكى جداد و ممكن يكون العطل بسببهم
2- لو انت لم تسألهم .. ممكن الاكواد تكون قديمه و محدش مسحها
3- لو موش متاكد .. حطها على كمبيوتر و امسح الاكواد .. لو ظهرت تانى .. الملروض تظهر بعد مرتين استعمال للسياره .. يبقى تراجع على الكهربا قبل ما تغير بوابه

engine memory immobiliser circuit،
immobiliser line fault

مش محتاجه ترجمه هي حاجه بسيطه ان شاء الله وبدون الافتاء في مالا اعرف
اولا بخصوص سؤال الاخ الفاضل ايوه اللوجان من اول مانزلت فيها ايموبلايزر

الرساله بتقول ذاكرة الموتور الخاصه بدائرة الاموبلايزر - خطأ في خط الاموبلايزر

غالبا فيه فعلا فيشه مهزوزه او كده شوف انت غسلت الموتور في بنزينه او كده ؟
حد اشتغل فيها ؟؟
اعتقد لو بوابه كان العطل طلع Throttle body
خلليهم يراجعوا على توصيلات الكهرباء ويشوفوا فيش الكمبيوتر ولو محتاج سوفتوير ابديت مثلا بس هي غالبا حاجه مهزوزه او سوكت فيشه مش مظبوط

انا بشكر الجميع واسف لعدم المتابعه بس كنت بغير شركه النت ولسه واصل اليوم
بجدد شكرى لكل من ساهم ودور وتعب ما اقدر اقدر تعبكم غير ربنا يجعله فى ميزان حسناتكم
فيه كذا توضيح
1- العطل ده الميكانيكى حاول يمسحه كام مره ولسه حتى العربيه ماتحركتش بيطلع تانى
2- العيب لمكا كان موجود روحت للكهرابائى نفسه الى كان نضف البوابه زمان وشار عليا قلى انته حاسس ان نور العربيه ضعيف شويه فعلا كنت بدات احس بكده قلى اغيرك لمب العربيه من 60/50 ارفعها الى 200/100 صدقته وفعلا اشرتيرت لمب 200/100 وغير فى توصيلات السلوك قلى عشان اركب سلوك تستحمل اللمب الجديده كل ده تم بس العيب كان موجود قبل اما يغير اى شئ

لو سمحتم انا رايح بكره توكيل اسككندريه تقريبا عند الكيلو 22 صحراوى
بس ممكحن حد يرشحلى واحد يكون بيفهم فى الاسكندريه اروحله لو حسيت ان التوكيل بيغيير وخلاص عشان يكسب زى بتاع طنطا الراجل قلى غير بوابه من غير مايحط على العربيه على كشف كومبيوتر والغربيه مارضاش حسيت انه عايز يببع ( حتى قولت ليه طيب افرض ركبت البوابه ب2000 ج ولقيت نفس العطل يرد يقولى لا لا ان شاء الله ده العيب وكانه بيوقلى ملكش حاجه عندى لو فاخايف التوكيل يكون شغلهم ركب وادفع وخلاص

فامثلا مثلا اروح لمين فى الاسكندريه وياريت العنوان بالتفصيل ولو رقم تلفون
ياريات لو يكون فيه رد لانى حسافر بكره الفجر
الف مليون شكر

عندك سامح الهواري ... في ش 45 من ناحية البحر
في برازيلي خلف جراج الاوتوبيسات ... اسمها ورشة محمد ناجي
في مركز تاني في ميامي عند اسكندر ابراهيم اول شارع ناحية عبد الناصر

لو انت في الاسكندريه روح مدينة الحرفيين بعد الموقف الجديد حتلاقي شارع عليه اعلام بي ام دبليو ادخل الشارع اسأل على حسين البمبي و انشاء الله المشكله حتتحل رقم تليفون حسين البمبي ٠١٢٢٣٢٩٥٨٨٤
بيفتح الساعه تسعه صباحا عدا يوم الاحد

السلام عليكم
ما شاء الله زى ما ناس كتير حولت تساعدنى ( جزاهم الله كل خير )
كان لازم اقول الى حصل وتم
روحت بالامس التوكيل عملوا فحص على العربيه قالى بوابه برده عايزه تتغير وقلى على راسله الخطا بتاعه الامبيوليزر ( بس مافهمتش منه شئ ) @@ غير انه قدر يشلها ^^ حولت افهم فيه اى مشكله قلى لا كانه سر
على فكره العربيه وانا رايح وقفت منى مره واحده بس طول 200 كيلو لحد مركز الصاينه

المهم غيرت بوابه معدن الاصليه كانت بلستك ب1800 ج + مصنعيه 150 ج

رجعت من الاسكندريه 200 كيلو الامرو تمام اليوم طلعت بيها كام مشوار قرابه 80 كيلو تمام
العربيه كويسه الحمد لله واتمنى الاستمرار ( بقى عندى وسواس )
مليون شكر لكل واحد تعب نفسه وكتب للرد على الموضوع

متابعيين معك

اهم حاجة بعد فترة تعرفنا النتيجة مش تنسى

أيمبوليزر !!!!!!!!!!!!!!!!!!!!!!!!!!!!!!!!!!!!!
كمبيوتر!!!!!!!!!!!!!!!!!!!!!!!!!!!!!!!
مراجعة فيش العربية !!!!!!!!!!!!!!!!!!!!!!
الكهربا!!!!!!!!!!!!!!!!!!!!!!!!!!!!!!!!!!
ليه ده كله توهتوا الراجل الناس فى العدوى قالوا لك ده عيب بوابة كان المفروض أنك على طول تغيرها لأنها لا قدر الله لو وقفت منك فى ملف حتبقى مشكلة و طبعا و قطعا ده عيب بوابة و لو أنت مش المالك الأصلى للعربية اللوجان مانزلش فيها البوابة البلاستيك ألا فى موديل واحد على ما أعتقد 2012 فواضح ان المالك الأول غيرها لسبب ما و موضوع أنها تبطل ما لوش علاقة بالمطبات ياريت يا جماعة اللى عارف يقول و يساعد الراجل بجد و ألا فليصمت هكذا علمنا رسولنا صلى الله عليه وسلم عن أبي هريرة رضي الله عنه، عن رسول الله صلى الله عليه وسلم قال: «من كان يؤمن بالله واليوم الآخر، فليقل خيرًا أو ليصمت طبعا الأجتهادات مطلوبة و لكن مثلا ممكن تقول ده عيب ايدول حاجة قريبة لكن مش أيمبوليزر أو كهربا

اقتباس:

---

المشاركة الأصلية كتبت بواسطة adel_edrees

أيمبوليزر !!!!!!!!!!!!!!!!!!!!!!!!!!!!!!!!!!!!!
كمبيوتر!!!!!!!!!!!!!!!!!!!!!!!!!!!!!!!
مراجعة فيش العربية !!!!!!!!!!!!!!!!!!!!!!
الكهربا!!!!!!!!!!!!!!!!!!!!!!!!!!!!!!!!!!
ليه ده كله توهتوا الراجل الناس فى العدوى قالوا لك ده عيب بوابة كان المفروض أنك على طول تغيرها لأنها لا قدر الله لو وقفت منك فى ملف حتبقى مشكلة و طبعا و قطعا ده عيب بوابة و لو أنت مش المالك الأصلى للعربية اللوجان مانزلش فيها البوابة البلاستيك ألا فى موديل واحد على ما أعتقد 2012 فواضح ان المالك الأول غيرها لسبب ما و موضوع أنها تبطل ما لوش علاقة بالمطبات ياريت يا جماعة اللى عارف يقول و يساعد الراجل بجد و ألا فليصمت هكذا علمنا رسولنا صلى الله عليه وسلم عن أبي هريرة رضي الله عنه، عن رسول الله صلى الله عليه وسلم قال: «من كان يؤمن بالله واليوم الآخر، فليقل خيرًا أو ليصمت طبعا الأجتهادات مطلوبة و لكن مثلا ممكن تقول ده عيب ايدول حاجة قريبة لكن مش أيمبوليزر أو كهربا

---

اومال كود الايموبليزر ظهر ازاي ، ومتسجله في رسالة العضو ، والتوكيل صلح العطل بدون ما يعرفه وسكرت عليه. وممكن هو دا العيب الاساسي

اقتباس:

---

المشاركة الأصلية كتبت بواسطة mecha

اومال كود الايموبليزر ظهر ازاي ، ومتسجله في رسالة العضو ، والتوكيل صلح العطل بدون ما يعرفه وسكرت عليه. وممكن هو دا العيب الاساسي

---

+1

هو طلع عنده كودين ..
كود مباشر لعطل الايموبليزر ..
و كود تانى يحتمل عده اعطال ( موش من ضمنها بوابه )



و بعدين على كلام العضو نفسه .. ان اول مره عطل فيها من 5 شهور طلع كود مرتبط بالبوابه و صلحه .. بمعنى ان عطل البوابه بيظهر بكود مختلف عن الكودين الجداد اللى طلعوا اخر مره

اقتباس:

---

قاس العربيه بالكوميوتر وطلع البوابه او ( حاجه جنبها ) وقال كانت مسدود وفعلا العربيه بقت تمام

---

..


فخلاصه ما افهمه .. يا اما التوكيل بيصلح عيب الايموبليزر من نفسه بدون اخطار العميل لسبب ما .. او فيه خطأ برمجى فى سوفتوير تحديد الاعطال .. او كمبيوتر الميكانيكى كان خطأ ( لكن لا اعتقد .. لانه اظهر اكواد متناسقه مع بعض للمشكله