مشكلة في نيسان صني اتوماتيك 2009 - ارجو الرد لو حد عنده معلومة

**princengineer** · 08-02-2016 09:22 AM

السلام عليكم و رحمة الله و بركاته
انا عندي نيسان صني اتوماتيك موديل 2009 و كان فيها مشكلة صغيرة و مش عارف لها حل
العربية بتبطل عند المطبات او لو في اشارة و خلاص هقف بالعربية او بمعني ادق لما بهدي بالعربية اوي
العربية بتبطل خالص و كل حاجه بتقف لا بنزين و لا فرامل و بيظهر اشارات ع العدادت ،، و لازم اقف خالص و ادورها من الأول

يا ريت لو حد عنده معلومة يقول لي المشكلة ممكن تكون فين لأني سمعت حاجات كتيير و كل مركز صيانة يقول لي حاجه شكل ( فلتر بنزين - حساسات كرنك هواء ......

و لكم جزيل الشكر

**Mecha** · 08-02-2016 09:29 AM

اخبار الفلاتر وطقم الكهربا ايه

**salam100100** · 08-02-2016 10:03 AM

ممكن يكون حساس ايديال (بالقرب من البوابه)
كانت عندى المشكله دى فالنوبيرا
و جبت اسبراى بتاع تنظيف الكاربراتير وفكيت السينسور ونظفته واتحلت المشكله
السينسور كان غرقان بخار زيت فمكنش بيفتح ويقفل بسلاسه

ياريت لما تصلح العيب تشاركنا بمغامراتك :)

**mummy_47** · 09-02-2016 07:35 AM

فعلا انا كان عندي نفس العيب في النوبيرا ...ومثل ما قال الاخ الفاضل تنظيف البوابة باسبراي ..ممكن تعمله بنفسك...لكن نفس العيب كان عندي في الالنترا وكان مشكلة كهرباء مش حساس كرنك ..لان العربية لما بتقف مش بتدور تاني .رغم ان حساس الكرنك ممكن يعمل المشكلة ديه...

ابتدي بالاسهل ونظف الايدل واستلف حساس كرنك وجرب
انا سمعت مشكلة الظفيرة ديه قبل كده وان التوكيل حلها ...جرب تروح التوكيل لو منفعش حاجة ولو هي عيب صتناعة هتتغير

**princengineer** · 23-02-2016 12:43 PM

شكرا لردكم جميعا ،،
انا روحت لميكانيكي و جربت حل تنظيف البوابه بالاسبراي gunk و لسه هشوف هيحصل حاجه جديدة و لا لأ عشان لو اتكررت نفس المشكلة هضطر الجأ لتغيير الحساسات ..
شكرا لكم جميعا و لو حد عنده معلومة تانية يا ريت يتفضل