محتاج رأيكم ومساعدتكم فى ميجان 2005 بانوراما

**tasaka** · 14-02-2016 01:25 PM

المشاركة الأصلية كتبت بواسطة Islam abdillah

مشكورييييين جدا على النصائح والاهتمام
انا كنت كلمت صاحب العربية ولازم الكون ملتزم بكلامى معاه
عملا بنصيحتكم هقابلة واروح مركز خدمة اتاكد من حالة العربية لان على كلامة انها كويسه جدا والحاجات دى بسيطه وسطحية زى ما هو قالى
انها محتاجه تتغير بس ومافيهاش اى حاجه اكتر من كده
هبلغكم بالجديد ان شاء الله .

مع احترامى الشديد ..
البيع و الشراء ما لم تعطيه عربون و تربط البيعه .. يبقى مفيش حاجه اسمها التزام بكلام .. و حتى لو اديته عربون و غيرت رأيك ..يكون بالتراضى ان تخسر جزء من العربون او تأخذه كله

و حتى لو اديته كلمه بدون عربون و نصائح الناس خليتك عايز تبعد .. يبقى تبلغه .. و اقصى شيئ انك تعرض عليه تعويض عن وقته فقط

و خلى بالك انا كنت باشوف رينو ميجان كتير .. شكل العربيه و مواصفاتها ممتازه و اعلى اوبشن .. و لكن مشاكل كهربا او كمبيوتر .. و معروضه برخص التراب

يعنى اوعى تفتكر انك حتروح لكهربائى عادى يوصل لك سلكه و الكلام ده و كل شيئ يتحل .. الكلام ده موش حيحصل .. الرينو معقد جدا كهربا .. و عاده الموضوع موش حيكون سلكه كهربا .. بيكون اكبر

و اظن مفيش رأى بعد رأى
Hany Saad منســـق قســـم ريـنـو

المشاركة الأصلية كتبت بواسطة Hany Saad

كما قال الأخوة الزملاء....ابعد عن العربية دى تماماً
الميجان لو مش ماسكة نفسها كويس و معمولها صيانة توكيل صح....هتفتح معاك و مش هتقفل و هتصرف مصاريف كل يوم و برده مش هترجع زى ما كانت
ابعد احسن عن العربية دى و شوف واحدة حالتها انظف و مفهاش شغل حتى لو اغلى
تحياتى

**hilal** · 14-02-2016 06:32 PM

وايه اللي يجبرك اصلا تدفع فلوس في عربية فاتحة بقها
هو بيكذب عليك ، لان الحكاية مش 1000 ولا 3000 جنيه
دي ممكن تبلع منك 10,000 جنيه
هات واحدة بنت ناس موديل 2007 او اعلى
انا رديت عليك باختصار لانك لسه ع البر

**Islam abdillah** · 15-02-2016 08:36 AM

العربية طلعت كانت واخده خبطه فى الجنب اليمين ومسمعة فى القايم كمان من المالك الاول وصاحبها مايعرفش وخلاص الموضوع اتكنسل وحاليا بشوف حاجه تانية

**pepo2011** · 15-02-2016 08:43 AM

المشاركة الأصلية كتبت بواسطة islam abdillah

العربية طلعت كانت واخده خبطه فى الجنب اليمين ومسمعة فى القايم كمان من المالك الاول وصاحبها مايعرفش وخلاص الموضوع اتكنسل وحاليا بشوف حاجه تانية

وفقك الله والحمدلله انك بعدت عنها بس برضو لازم تعرف ان البيع والشرا ليه اصول وقواعد مش موضوع ان صاحبها بيقول او انك التزمت بكلمه معاه

لازم تاخد راي الناس برضو

**fepsceasar** · 15-02-2016 09:35 AM

المشاركة الأصلية كتبت بواسطة pepo2011

وفقك الله والحمدلله انك بعدت عنها بس برضو لازم تعرف ان البيع والشرا ليه اصول وقواعد مش موضوع ان صاحبها بيقول او انك التزمت بكلمه معاه

لازم تاخد راي الناس برضو

الرجل عمل الصح وعداه العيب ..الالتزام فى البيع والشرا برضو مهم