الحقوني يا قوم محتاس في نور العربيه

**dr.mero90** · 14-02-2016 10:07 PM

السلام عليكم و رحمه الله و بركاته
بدايه انا ف المنتدى هنا حسيت اني حمار و مش فاهم حاجه يا جماعه ف النور و الفوانيس خالص لانى اكتشفت هنا معلومات كتير اوي
انا معايا كورولا 2004 عاوز اظبط النور بتاعها لاني ساكن في بلد زراعي و مضطر امشي علي طريق ما يعلم بيه الا ربنا كل يوم اكتر مره بالليل و بسافر كتير جدا و عيني بتورم من النور اللي كل واحد بيصدره ف وشي و ببقي مش شايف حاجه سواء من المقابل او اللي وراك و انتو عارفين الميكروباصات و النص نقل الجميل بيعمل ايه بالنور
دلوقتي انا كنت بفكر اني اركب عدسات و اركب زينون للعالي و الواطي بس احترت لاني عاوز اسال علي كام حاجه
اولا هو الزينون ممنوع من المرور و لو راكب علي عدسات بردو بيبقي ممنوع و لا ايه النظام
ثانيا سمعت كتير عن مشاكل الزينون الصيني من حرق لمبات و قطعت قلب و دا اللي خلاني اتردد يا تري اجيب طقم زينون محترم منين و يعمل اد ايه يا جماعه الخير و يا تري اجيبه استراد و لا جديد احسن ؟
ثالثا انا شوفت عدسات انواع كتير جدا و اسعار خرافيه جدا جدا يا تري ايه الاحسن اني اشتري عدسات من الصيني المضروبه دي و لا اجيب طقم عدسات من بتاع الاستيراد مثلا اسكودا او مرسيدس انا سالت ع العدسات الاستيراد لقيت واحد حلها قدامي من فانوس اسكودا بس مش عارف ازاى اعرف حاله العدسه حلوه و لا وحشه و يا تري الاستيراد بيبقي سعرها ف حدود كام
رابعا ناس كتير اولهم الكهربائي بينصح اني ما اركبش عدسات لان نورها هايبقي مش اد اللي ف دماغي يعني و بيقول لو عاوز يبقي اركب عدسات ف الواطي بس و اسيب العالي زى ما اهو و احط عليه طقم زينون عشان يفرش ع الارض ايه رايكم ف الكلام ده
خامسا لو حضراتكم شايفين ان موضوع العدسات و الزينون فيه مشاكل كتير يبقي تنصحوني اركب لمبات نوعها ايه علي الفانوس ده
سادسا و ده الاهم يا تري فيه زينون للعالي مش بيحتاج يسخن ولا الموضوع ده اشتغاله
معلشي بقي طولت عليكم بس انا مش فاهم حاجه و مش عارف اعمل ايه خصوصا ان هنا ف طنطا مفيش اي حاجه اصلي و الاسعار نااار و انا لما بنزل القاهره ببقي تايه و مش عارف اروح فين و اجي منين

**dr.mero90** · 15-02-2016 02:06 AM

52 مشاهده و مفيش و لا رد
يا جودعان و النعمه انا محتاس حوسه القطط

**Mecha** · 15-02-2016 05:32 AM

الزينون بيسخن في كسر الثانيه
وهو توب الاضاءه حاليا لكن غالي ، معتقدش المكروباص والبيك اب يركبوه،
الاقل في السعر ليد ومبيحتجش غير اللمض
في الريف ممكن تركب فوج لايت.
العمليه مش سباق عشان نعمي بعض ع الطريق. معروف لو فيه مقابل او خلف حد لازم تطفي العالي.
فيه بلاد تاخد مخالفه لو استعملت الانوار كدا.

**dr.mero90** · 16-02-2016 12:17 AM

و الله مش بتسابق بس بجد كل واحد مركب لمبه شديده و رافعها ف عين حضرتك و انت سايق و مش بيبقي فايق اصلا
طيب حضرتك ما تعرفش لو حبيت اركب هالوجين بس تكون لمبات كويسه و اضائتها حلوه اجيبها منين لان الزينون مشاكله كتير و كل شويه حاجه تفصل و بيقطع ف اوقات مش كويسه خالص
انا قرتت اركب الزينو في الفوجات و اسيب الفانوس الكبير هالوجين لانه تقريبا اضمن و احسن من الليد بس محتار ف نوعيه المبات ويبقي واطها اد ايه
ايه رايكم

**Mecha** · 16-02-2016 02:52 AM

اوسرام نايت بريكر
التانيه فلبس اكستريم فيجن
انت لمضك كام 55/60 واط؟؟
اللي هتجيبه ميزيدش ومش هتلاقي مشاكل

**Fawzy.Abdelnour** · 16-02-2016 03:35 AM

Philips X-Treme Vision.
اللمبه دي بتدي 130% نور زياده و مش صفرا زي العاديه.
Osram Night Breaker.
بتدي 110% نور زياده و بردو مش صفرا.
الاتنين دول هتركبهم علي طول من غير لعب فالضفيره ولا كتاوت ولا اي حاجه.
احتمال كبير تلاقي الفيليبس في مصر الموديل القديم، بتدي 100% نور زياده مش 130%.
ممكن تبعت تجيبهم من بره، انا لسه جايب الاوسرام، كنت عايز الفيليبس بس الموديل مش بيتعمل فيها.
دول ستاندرد، يعني تعرف موديل اللمبه اللي عندك و تجيب واحده من دول، و تفك و تركب، خلص الموضوع.

**dr.mero90** · 16-02-2016 04:57 AM

ممكن اركب لمبات اعلي من 55/60 و نركب كتاوت؟
طيب ممكن اعرف اجيبهم منين و سعره كام لو سمحت

**Fawzy.Abdelnour** · 16-02-2016 01:19 PM

بلاش الكتاوت احسن.
غير ان اللمض دي بتدي اضائة ال70 او ال80 واط.
موجوده عند بتوع الكماليات، و هتلاقيه غالبا عارف موديل اللمبه لما تقوله موديل العربيه.

**waelbaha** · 19-02-2016 08:36 PM

المشاركة الأصلية كتبت بواسطة mankindforce

philips x-treme vision.
اللمبه دي بتدي 130% نور زياده و مش صفرا زي العاديه.
Osram night breaker.
بتدي 110% نور زياده و بردو مش صفرا.
الاتنين دول هتركبهم علي طول من غير لعب فالضفيره ولا كتاوت ولا اي حاجه.
احتمال كبير تلاقي الفيليبس في مصر الموديل القديم، بتدي 100% نور زياده مش 130%.
ممكن تبعت تجيبهم من بره، انا لسه جايب الاوسرام، كنت عايز الفيليبس بس الموديل مش بيتعمل فيها.
دول ستاندرد، يعني تعرف موديل اللمبه اللي عندك و تجيب واحده من دول، و تفك و تركب، خلص الموضوع.

شكرا على ردك المحترف
ممكن بعد اذنك اعرف اجيب اللمبه الفيليبس من بره ازاي؟
وازاي احدد نوع العربيه وانا باشتريها من الموقع ولا هي اللمبات نوع واحد بس؟
انا عارف ان الفيليبس اكستريم 130% اللي انا محتاجها هي h4
بس السؤال بقا هو النوعيه دي موديل واحد ولا كذا موديل حسب العربيه؟

**Fawzy.Abdelnour** · 19-02-2016 09:09 PM

المشاركة الأصلية كتبت بواسطة waelbaha

شكرا على ردك المحترف
ممكن بعد اذنك اعرف اجيب اللمبه الفيليبس من بره ازاي؟
وازاي احدد نوع العربيه وانا باشتريها من الموقع ولا هي اللمبات نوع واحد بس؟
انا عارف ان الفيليبس اكستريم 130% اللي انا محتاجها هي h4
بس السؤال بقا هو النوعيه دي موديل واحد ولا كذا موديل حسب العربيه؟

تكلفتها من بره هتبقي عاليه قوي، بس انا جيبتها من amazon.com.
دول ممكن يبعتوهالك علي طول او تستخدم شركه من شركات الشحن، زي ادفعلي، بس هتبقي تكلفه عاليه في كل الحالات.