تاتا نانو حد شافها فى بر مصر

**A.Saad** · 25-11-2008 11:08 PM

انا واحد صاحبى شافها فى مصر كذا مرة
محدش عنده اخبار عنها

ــــــــــــ
السيارة الصغيرة الأرخص في العالم تتميز بأربعة أبواب ومقدمة ناتئة وبسعة لخمسة أشخاص، فيما لا تحمل النسخة العادية منها مرآة جانبية للراكب الأمامي، ولا حتى راديو، مع ماسحة واحدة فقط للزجاج الأمامي.

وفي حال أراد المشتري أن تتميز "نانو" ببعض الإضافات، مثل مكّيف تبريد لتحمل رطوبة وحرارة صيف الهند، فعليه عندها شراء النسخة الفاخرة منها، وبسعر يختلف تماما، دون أن تحدده الشركة.

ويرى ورغم إعلان الشركة أن النسخة العادية من "نانو" ستباع مقابل 2500 دولار (14 آلاف جنيه)، إلا أن بعض المراقبين يعتقدون أن المستهلكين سيدفون عشرين إلى 30 في المائة أكثر من ذلك، بسبب الضرائب وأتعاب التسليم ومصاريف أخرى.

**KoDaK_Gti** · 25-11-2008 11:24 PM

عاملة زى التكاتك ام ابواب هههههههه
ياراجل اذا كان التوكتوك وصل 20 الف هنا
دى لو نزلت مش هتقل عن 40 فى بلدك الجميلة دى
وام 40 دى كمان هتلاقيها فاضية ويمكن بدون كراسى ولا فردة استبن كمان

**Mohamed-Saoud** · 25-11-2008 11:27 PM

بس هي ممكن تنفع في حالة المشاوير البسيطة جدا جدا جدا جدا جدا

فعلا ممكن تروح بيها للبقال و لو معكش فلوس كفاية سيبها رهن عنده على الرف :)

**abo_hosni** · 26-11-2008 06:50 AM

طيب إيه رأيكم بالمركبة دي :) صورة من الشارع المصري و ليست توقعات أو استفسارات

بتاعة كده شبه التوك توك بس أكبر شوية و بثلاث عجلات و متقفلة بنمر ملاكي !!!!!!!!!!!!!!!!!

باشوفه كتير بس أخويا اللي صوره

لأ وساعات باشوف اللي سايقها لابس بدلة أو نظارة شمس بافطس على نفسي

**Osama_soliman** · 11-02-2009 10:16 AM

فى مصر كل شئ ممكن

**moh_farouq** · 28-08-2009 06:44 PM

السلام عليكم انتم معترضين على ايه هو انتم لاقين اصلا الاسعار بقت غاليا و مستحيله عل الشاب حديث التخرج و دى احسن بدل بهدله المواصلات و بعدين ايه الاعتراض ما سبارك اصغر منها ولا علشان رخيصه

بالفعل شفت العربيه اول امبارح و كان مكتوب عليها اسم احد المعارض بس للاسف مش فاكره و بدور عليه