ريحه غبيه و الفريون بيضيع ف يومين افيدوني بالله عليكم

**dr.mero90** · 18-02-2016 06:32 PM

السلام عليكم
معايا كورولا 2004 اول ما بفتح المكيف سواء سخن او بارد بتطلع ريحه زى ال **** و بتروح بعد 15 دقيقه كده بس المشكله الاكبر ان شحنه الفيريون بالكتير بتقعد معايا اسبوع و مش فاهم ليه رحت كشفت ع المواسير و مفيش تسريب ف اي حاجه و ف الاخر واحد قال لي ان التلاجه اللي بتبقي ف الطابلوه دي اتخرمت قولت له ازاى و احنا الضغط ثابت دوا المواسير قال لي غيرها و مش عارف اعمل ايه و لا اروح فين مع ان تكييف التويوتا الخليجي زى التلاجه بس مشكله الريحه و كمان الفريون اللي بيختفي ف يومين دا و مش عارف بيروح فين افيدوني بالله عليكم هي اول ما بحط فيريون بيبقي مفيش ريحه اول يوم و بيبقي التكييف زي التلاجه مفيهوش غلطه بس بعدها بيومين تلاته تلاقي البروده بتقل لحد ما تختفي خالص و خد عندك الريحه اللي ما يعلم بيها الا ربنا و غير كده بقي لما افتح الهوايه من الطابلوه الاقي نفس الريحه داخله عليا حتي لو المكيف مش شغال
ارجوكم مساعده

**besso** · 18-02-2016 11:57 PM

ماهو معني انك تشم ريحه فريون جوه العربيه يبقي السربنتينه الداخليه بتسرب واللي ياكد الكلام ده ان الشحنه بتنقص

**janjon1978** · 21-02-2016 01:52 PM

فعلا التلاجة الداخلية مخرومة و دي لما تكشف علي الضغط هتلاقي مافيش تسريب خارجي

لاسف كلام الراجل بتاع التكييف صح و لازم تغيرها .. نفس المشكلة كانت عندي في البيجو قبل مابيعها

**gamal_sharaf** · 21-02-2016 03:03 PM

مشكلة الريحة
فلتر التكييف ، او السربنتينة ، أو فى عوالق داخل مجارى التكييف

مشكلة تهريب الفريون
تسريب من مواسير التكييف ، الفلتر ، بلف الكمبرسور

النصيحة :
الكشف عند حد متخصص تكييفات بالكمبيوتر

**dr.mero90** · 08-03-2016 12:47 AM

المشاركة الأصلية كتبت بواسطة gamal_sharaf

مشكلة الريحة
فلتر التكييف ، او السربنتينة ، أو فى عوالق داخل مجارى التكييف

مشكلة تهريب الفريون
تسريب من مواسير التكييف ، الفلتر ، بلف الكمبرسور

النصيحة :
الكشف عند حد متخصص تكييفات بالكمبيوتر

الف مليون شكر علي ردودكم جميعا بس انا غيرت السربنتينه و الفلتر و ان شاء الله هاكشف علي النظام كله لو مش لقيت تسريب يبقي هاضطر اني اغير التلاجه بس انا سالت عليها لقيت الجديده 750 جنيه بس تايواني او صيني تقريبا و الاستيراد ب1500 جنيه ايه راكيم يا جماعه الخير

**pepo2011** · 08-03-2016 10:26 AM

ركبها جديدة

**dr.mero90** · 08-03-2016 07:12 PM

المشاركة الأصلية كتبت بواسطة pepo2011

ركبها جديدة

يعني حضرتك بترشح الجديده عن الاستيراد طب ممكن افهم ليه اعذرني اصلي مش خبره اوي

**pepo2011** · 09-03-2016 07:57 AM

المشاركة الأصلية كتبت بواسطة dr.mero90

يعني حضرتك بترشح الجديده عن الاستيراد طب ممكن افهم ليه اعذرني اصلي مش خبره اوي

الاستيراد وارد انها تكون مسدودة او مخرومة برضو او ملحومة قبل كده
الفريون داخل التلاجة والسربنتينة والمواسير زي ميه النار لما بيقعد فترة طويلة
بياكل المواسير
الجديدة افضل