اقتراحات لأكلات صحية يمكن تجهيزها بسهولة فى المنزل أو شراؤها جاهزة ؟

السلام عليكم

أنا والحمد لله من أول السنة دي وأنا غيرت كل أكلي لأكل صحي
بعيدا بقى عن الدهون والسمنه والزيوت والمسبكات
ممكن نفسي تيجي على حاجة مسبكة وآكل منها بس قطعة صغيرة جدا ومش بكتر لأن أصلا معدتي مبقتش بتتقبل كتير منها
والحمد لله أتمتع بصحة جيدة جدا من أول ما بدأت نظامي ده وعمري مثلا ما بقيت أحس بضيق تنفس أو امساك أو إسهال أو مغص مثلا ... رغم ان وزني كويس وقريب من المثالي بس ناوي أخلي ده إسلوب حياتي وأكمل عليه بإذن الله

المشكلة الكبيرة اللي بتواجهني دلوقت اني مبقيتش لاقي أكلات صحية جديدة سريعة التحضير أو جاهزة مثلا

يعني أنا متعود على أكلات زي (بليلة شوفان جبنة قريش فول بطاطس مهروسة بيض سلطات أسماك فراخ لحمة رز بني سلطة خضار زبادي)

الأكل بعمله ف البيت ماعدا السمك مثلا والجبنة والفول

بس أنا مش لاقي أكلات تانية ممكن أجيبها جاهزة أو اعملها ف البيت

ياريت لو في أي اقتراحات من السادة الأعضاء نفيد بيها بعض
ويراعى يكون فيها نسبة بروتين جيدة برضه

https://www.youtube.com/user/CreativeAid
https://www.youtube.com/user/ZaytounehRecipes
دي Links علي u tube
اكلاتهم سهلة جدا و بيشرحوها ببساطة في دقائق معدودة
ارجو ان تكون مفيدة . اكيد يوجد مواقع اكثر . فتكات كمان فيها قسم لل macrobiotics و اكلات الرجيم الصحية .

شعير بالزبيب وعليهم حليب ويتقدم بارد ودا بيصبر كما الدميس
السمك عمايله سهله بدقيق ويتقلي او يتزيت ويخش الفرنه والحرفنه في الصوص لو مبتعرفش تعملها هات صوص سمك او اويستر جاهز. شوربة بصل او العدس، المكرونه بانواعها مسلوق وبتحط صوص جاهز مش مسبك. صدور او وراك ع الصاجه وشوربه خضار.ممكن تستعمل سمن زيت الزتون. جامة خبيص وهو ضرب من الطعام يعمل بخلط التمر بالسمن .وبعيد عن التقيل العكاوي والكوارع والمقادم والمواسير وبردك مسلوق وتشد ازر القواءم والهمم.